رغبة في البكاء !! هل هذا طبيعي

حبيبتي اول ما تحسين نفسج بهالحالة قومي توضي وصلي ركعتين لله وكثري من سماع القران ( الا بذكر الله تطمئن القلوب) والله يهدييج

حبيبتي اعتقد هذي حاله طبيعيه ... لان الحامل تتغير عندها هرمونات وايد... انا صديقتي جي ... بس ما تستسلم للبكاء...
تحاول تقرى كتاب لو تشوف فلم ... يعني نسي عمرج هالشي ...

و الله يسهل لج ولادتج... و بالنسبه للاكتئاب ... موشرط ان كل مره اتحسين فيه و بعدين هذي حاله نفسيه ... يعني انتي لاتحطين فبالج هالشي و انسيه تماما ... و انشالله ما تحسين به...

مثل ماقالت الاخت amal musleh

بالنسبه لسؤالك الاول:
رغبة البكاء طبيعيه جدا انا جتني كثير
احيانا تكون بدون سبب واحيانا بسبب نافه مايستدعي البكاء
بس طبيعي لان الهرمونات تتلخبط عندك مع الحمل
زي الدوره ماسمعتي انه فيه كثير بنات تصير نفسيتهم تعبانه قبل الدوره
كل هذي الحاجات مرتبطه بالهرمونات عند المرأه
والهرمونات بدورها تأثر على الحاله النفسيه

سؤالك الثاني:
انا سمعت باكتئاب مابعد الولاده ومريت فيه
وشفت كثييييييييير مرو فيه
بس مو شرط يجيك فالولاده الثانيه لأنه فيه ناس ما يجيهم ابد
وسمعت انه يجي غالبا للبكر بس
اهم شي انتي لاتفكرين فيه وانسيه عشان مايجيك
انا اتوقع انه من اسبابه
عدم الصلاة وقراءة القران والبعد عن هذي الاشياء اللي تشرح الصدر
عشان كذا المفروض الوحده تكثر من الاستغفار والتهليل
وانتي بالنفاس شغلي عندك شريط قرآن بيريحك كثييييير باذن الله

شكراً كثير إلك يا أُخت شوق والله انك طمنتيني وان شا الله رايحة أطبق الكلام إلي حكتيلي إياه

شي عادي حبيبتي انا امر بهالحالة وايد ومن فترة قريبة بعد والحمد لله الحين من اسبوعين مرتاحة والله لا يعودها

سؤالج الاول انا كنت نفسج بحملي الاول والثاني بس ابي ابكي وهذا طبيعي لان الهرمونات داخل الجسم قاعده اتغيراما لسؤالج الثاني كل حمل يختلف عن الثاني

احساس طبيعي انا طول الوقت احس اني ابا ابكي ومعصبه

يا أخت داليدا البنات ماقصرو و كل وحدة تكلمت عن تجربتها و انا بعد راح اتكلم عن تجربتي .. انا من الشهر السادس للتاسع اكتئاب و صياح و رغبة في الموت استغفر الله ..

و استمر لبعد الولادة لاني ماعرفت الطريقة اللي تخلصني منه و لو ان زوجي ماقصر مسكين واجد تعب معاي و القرآن

مااتركه و حتى في النفاس .. بس يقولون البكر لازم جذي .. الحمدلله الحين ولا كأنه شي صار من قبل ..

و ان شاء الله في الحمل الثاني بحاول اسيطر على وضعي لاني فهمت الاسباب و الافكار اللي تجيني ان شاء الله بقدر

اصدها ..

الله يهدينا و يهدي المؤمنات جميع ان شاء الله ..

و لا تخافين اهم شي تلتزمين بالصلاة بوقتها و بالقرآن و بتحسين بالامان و من تحسين نفسك بتصيحين اتذكري ان

اللي ببطنك ترى بيتأثر .. لان من بكائك هو يبكي و مع الضحك يضحك .. و اتسوقي و اشتري له ثياب و المستلزمات

الثانية و ادخلي النت واجد و دردشي مع حوامل و ان شاء الله بتتغيرين ..

شكرا ً إلك يا أُخت انثى والله انه كلامك كتير عجبني .........