ام زوجي ؟؟؟؟؟؟ اه منها

لاتحرمووني من حلولكم الله يفرج همومك وهمي؟

لا حول ولا قوة الا بالله
ربي يساعدج ويفرج همج وكربتج ويهدي زوجج واهله
بصراحه ماادري صعبة مشكلتج بس حاولوا انتي وزوجج تراضونهم
يوم الجمعة تسوي الغداء وروحي عندهم انتي زوجج
واول يوم رمضان صح يمكن يردونكم او يطردونكم لكن استحملي زوجج مسكين اكيد
بيتعب ان امه وابوه ما يبونه وشوفي اذا خواله او اعمامه يتدخلون
اختي لا تتركين صلاة الليل وادعي اكثري من الدعاء ربي يساعدج ويساعد زوجج

floral;4306256:
لا حول ولا قوة الا بالله
ربي يساعدج ويفرج همج وكربتج ويهدي زوجج واهله
بصراحه ماادري صعبة مشكلتج بس حاولوا انتي وزوجج تراضونهم
يوم الجمعة تسوي الغداء وروحي عندهم انتي زوجج
واول يوم رمضان صح يمكن يردونكم او يطردونكم لكن استحملي زوجج مسكين اكيد
بيتعب ان امه وابوه ما يبونه وشوفي اذا خواله او اعمامه يتدخلون
اختي لا تتركين صلاة الليل وادعي اكثري من الدعاء ربي يساعدج ويساعد زوجج

و حتى لو طردوكم لا تزعلين وحاولي مره ثانيه .. عشان راحت زوجج و سعادته كل شي يهون ... >> صح ؟؟؟

اختى الواحد لازم يشوف شنو اهوا سوى عشان يعاملونج عالمعامله
راجعي نفسج وشوفي يمكن قصرت بحقهم بشي واذا لقيتي
انه انتي مو غلطانه ادعي انه الله يسامحهم واصفح الصفح الجميل

ووحاولي انكي تبدين ولكن ببطريقه غير مباشره بالصله بينهم وبينكي لكي يذكرونك بالخير

واجعلي زوجكي امام عينيكي ولا تقصرين بحقه ولا تتشكين له عن اهله لان الزوج يرا
اهله هم الصح حتى لو كانوا على غلط وهو يعلم بداخله انهم على غلط ولكن لا يظهر
احساسه امامك

والله يكون بعونك

ااااااااااااااااااااه من اهل الزوج فعلا انهم هم .. والله حتى لو الوحدة معاهم عسل بعد ما يعجبهم ودايما يطلعونا احنا غلطانين ولا نعرف الاصول والواجب ..

حبيبتي الله يعينك بس احمدي ربك ان زوجك تشجع واختارك ..سمعي انا زوجي اش سوا وانا لسه عروس امه تغار مني حيييييييل وتعتبرني انا خطافة الرجالة .. احنا ساكنين معاهم ووقت الا زوجي بيجي الشقة توقف له امه عند الباب وتصيح له وتضرب حالها وتقوله اذا تحبني لا تروح لها ولا بتبرى منك .. و زوجي العزيز خاف على امه واختارها وتركني في بيت اهلي 3 شهور و لاحتى اتصال وبدون سبب وكانت حالته مرة سيئة لانه يموت علي بس في نفس الوقت ما يقدر يدافع عن نفسه قدام امه .. اااااااااااااااااااه الله يهديهم انا قلت لك سالفتي عشان اهون عليك

حبيبتي انت لازم تبينين لزوجك انك مقدرة موقفه بقووووة وانت حاطة هالتصرف تاج على راسك وووو ومن هالكلام
وحاولي ما بين فترة وفترة تكلميه عن اهله وتحنني قلبه عليهم بس نفس الوقت لا تخليه بروحه معاهم لان اهل الزوج شاطرين في غسيل المخ .. و لاتحاولي تثقلي عليه في الطلبات او المشاكل .. دايما عطيه حب يمكن يعوضه شوي عن صدمته في امه وابوه لانها مو هينه الرجال ينطرد من بيته ومن اهله .. وابدا لا تحاولين تذكرين مساؤى اهله قدامه وفي نفس الوقت لا تمدحيهم كثير بعدين بقول انك كنت تفتري عليهم .. سوي بس الواجد عليك وكلميه عن رضا الوالدين وثوابه عند رب العالمين .. وحاولي مرة ومرتين وعشر مرات .. واختاري فيها الوقت المناسب والاسلوب المناسب.

والله يعينك ويعيني ويعين الجميع على خالتنا قماشة

آآآه آآآآآآه جيتي على الجرح أنا مايقهرني الا الزوج السلبي يشوف غلطة اهله كبر الجبل ويقول ابلعيها والغلطه لومعاها زبده ماتميع من كبرها انا موعايشه معاااااهم ويتدخلون حتى براتبنا حنا بدوله وهم بدوله مصروفكم وين تودونه انتم ماعندكم عيال (يعني وكأنه حراااااام نتهنى ) طرشولنا من مصروفكم والام دزلي مصرف وهي تأخذ من زوجها أضعاف اللي اخذه من ولدها واذا سافرت لو اسبوع اتصلت عليه وقالت ليه تونس حرمتك وامك تاركها بالحر والمشكله لها درزن عيال بس هذا ماعنده عيال لااااازم نحصل منه ( مفكره اودي لاهلي) ماتدري اهلي مايدرون عن هوى داره...

الزبـــــــده
انتي اكربي نفسج ولا تطيحين عمرج لهم عن تجربه والله الله بزوجج عوضيه كل شي عيشيه بعاااااااالم ثاااااني نسيه الحزن والمشااكل لاا نه طلع علشاانج واحذري ثم احذري ثم احذري تجيبين طاااري لاااااااهله لا بالشينه ولاااا بالزينه
واذا لااااااابد قولي الله يهديهم الله يسامحهم .. بس لااتزيدين ولاااتنقصين حتى لو حاول ابكي عنده وقولي الله يخليك انا ابي فراق المشااكل اقطع السيره خلي علااااقتج باهله علااااااقه رسميه وايااااااااج ثم اياااااج تتناقشين معااااهم بشي لانهم اكيد متحاااملين عليج لانج طلعتي ولدهم ....




.

اه من ام الزوج هي المشكلة في الحياه بالنسبة الي والله ذكرتيني لما كنت ساكنة بجنب اهل زوجي والله شفت العجايب المشكلة مثل ما قلتي الغيرة وما ادراك ما الغيرة بتسوي العجايب كرهت زوجي فيه واولادها وبناتها ما خلت حدا الا كرهته فيني بس انا رحلت من عندهم بروحي غصب عنها وعن ابنها الي هو زوجي تخيلي حتى زوجي كان صاف مع اهله بالنسبة للرحيل لو انا ما سويت هيك كان خلاني عنده مدى الدهر انا اسفه اني حكيت قصة حياتي بس بكفي انو زوجك وقف معاكي وما تخلى عنك بصراحة زوجك زلمة على قد حاله خليهم يولو ما دام زوجك معاكي انسي الدنيا وما فيها . والله يوفقك ولا تزعلي كثير مع الايام بتتحسن الامور.

حمدي ربج وايد على هالزوج اللي اختارج ودايما قولي ما اختارني ألا يدري اني انا الصح ويحبني فعوضيه وجان على هله عمرهم ما بيرضون عنج لو تحطين عيونج في صحن وتعطينهم اياها بعد ما بيرضون جوفي انا عايشة مع اهل زوجي ما لي علاقة ابهم غير السلامات فقط دايما بمكاني ما انزل ولا اشوفهم الا اذا بطلع ومرتاحة نوعا ما من هذا الوضع لكنهم هم ميتين لأني ما اعطيهم وجه وصدقيني اريح لي وعن المشاكل وياهم

راي البنات بزوجك صحيح انه الحمدلله انه الله بعت لك زوج مطاوع واختارك على اهله ولكن..........
اياك ان تنسي انه رضا الوالدين من رضا الله وانه اذا غضبوا امه وابوه عليه رح تكون حياتكم حجيم لانه ربنا ما يرضى بهذا الشئ ..والرسول عليه الصلاة والسلام اوصانا بامهاتنا واباءنا ..
فانا اعتقد انه واجب عليكي تحببي زوجك بامه واهله حتى لو قسوا عليك ولكن الله موجود .. ورمضان على الابواب بادري انت بالخير حتى لو لم يتقبلوه حاولي مره واتنين وتلاته حتى يرضى الله عليك ويوفقك بحياتك وصدقيني ما رح يكون زوجك سعيد اذا امه مش راضيه عنه حتى لو حاولتي بكل الوسائل تنسي همه ...
اتمنى انه يكون كلامي خفيف عليك وما تزعلي مني ...