لحقوني في الأسبوع الثلاثين وعندي طلق

مرحبا يا عرااايس

بخبركم قصتي من البدايه
انا الحين صار لي 30 اسبوع على الحمل
والبارحه المساء يتني آلام فضيييعه في بطني وظهر
خصوصا اسفل البطن والظهر
اوجاع اتي وتروح
بدت عندي من 12 في منتصف الليل
وزوجي يتحايل علي قوومي اوديج المستشفى
بس انا كنت معانده ..
لين الساعه 2 زاد الويع علي اكثر ورحت المستشفى
بس مش إلي اتعالج فيه ,,
رحت اقرب واحد على بيتي الأني ماكنت مستحمله زود ..
ومن ضغط وفحص وبول الله يعزكم . ..
خلوني انتظر لين طلعت النتيجه
وودوني من قسم الطوارئ إلاقسم المخاظ والولاده
وهناك خلولي تخطيط
ويتني الدكتوره وفحصتني .. من كل مكااان
المهم ..
قالت لي لازم ينوموني ويخلوني تحت المراقبه لمدة اسبوع على الأقل
عشان انا عندي آلام شبيه بألام الولاده ..
بس انا قلت لها لااااا انا بروح مستشفى (توام) النه ملفي هناك
بس الدكتوره قالت مانقدر نطلعج ..
كلمي زوجج ..
اتصلت على زوجي وانا اصيييح من الويع ,,
واتفقنى انه بما انه عندي موعد في مستشفة توام الصبح ,,
اروح توام الأنه هم ادرى بحالتي من البدايه

كلمة الدكتوره ,, وقتل لها إلي اتفقت عليه مع زوجي
فقالت بعطيج ابره ,
وهالأبره لااازم تاخذينها الحين وترجعين تاخذين الجرعه الثانيه بعد مرور 24 ساعه بالضبط
قلت لها ماعلهي باخذها
هالأبره مفعولها كله للجنين تحميه لو صارت لي ولاده مبكره
لاسمح الله

طلعت من المستشفى بعد ماوقعوني على اوراق

ورحت مستشفى توام على نفس الموعد ..
وكالعاده قبل لا اادخل على الدكتوره لازم اسوي فحص البول (الله يعزكم)
ونادتني النيرس وقالت لي انه نسبةالسكر فالبول مرتفعه واايد ..
رجعت وسوت لي فحص السكر عن طريق الدم .
وطلع السكر 280 ....
:qaq:

ومن دون اي سبب .....!!!!!
بعد مادخلت على الدكتوره ,,
خبرتها كل إلي صار في الليله الماضيه
وقلت لها عن قصت الأبره وراويتها اوراقي ..
قالت لي الأبره هيه إلي رفعت لي السكر
وقالت انه الأبهر زينه ولازم اروح واخذ الأبره الثانيه

وقامت وفحصتني وفحصت الجنين وبين عندها كل شي تمام !!!!
قلت لها انه امس آلام كانت شديده وااااااااااااااايد
والحين خفت ويمكن من تأثير الأبره
المهم يا بنات الدكتوره طمنتني ..


بس انا خااايفه من كلام الدكتوره الأولى ..
وآلام وااايد قويه اكثر عن قبل بكثيييير

حتى افكر يوم اروح عشان الأبهر باجر الصبح
لو قالت لي انومج بقولها اوكي خلاااص موافقه
الأني خايفه على البيبي


شو رايكم بلي صار لي ..
طمنوني وااااايد خايفه

ولا تحرموني من الدعاء