مشكلة زوجي

هلا بنات المشكلة وما فيها اني تهاوشت مع زوجي وهذه مب اول مرة يعني مرات كثيرة اتهاوش معاه وكله نفس المواضع ما تتغير احس نفس قربت اجن ومب قادرة اتفاهم معاه علشان احطكم في الصورة انا لي ثلاث سنوات من تزوجت به واخذني بعد ما شافني واعجب بي لحد هنا اوكيه

المهم انا ما كنت احبه وبعدين حبة حبة حبيته ويمكن صرت احبه اكثر مما يحبنه :21_207: بتقولون طيب وين المشكلة؟؟؟

بنات زوجي المصون ما يعجبه شيء فيني لا لبسي ولا طريقة تعاملي ولا شيء :( حاولت اغير من نفسي واعمل الي يبغيه بس ساعات مب مقتنعة من الي اسويه بس اسويه على شان خاطره وحبا فيه ويعني ما تغيرت بسرعة يعني شوي شوي وطبعا كلما اسوي غلط وارجع لطبعي يغضب ويهاوشني :(

وبعد الي فيه انه اناني بدرجة كبيرة اهم شيء هو وبعدين انا يالله مشينها ورضيت بالشيء

وبعد كسول بدرجة كبيرة واعتمادي علي ولا يهتم بتعبي يعني مثلا ذا نظفت المجلس ورتبت الاغراض بس اعطيه بالكثير نصف يوم اجي للمكان الاقيه وسخ ومعظم الثياب الي في الخزانة برا ومرمية على الكراسي وغير اذا اكل ما يشيل الي ياكله وجيبي لي ماي جيبي لي شاي يعني ما يهتم ابد

يعني حملت وفي بدايه حملي تعبت شوي هو ابد ما همه شيء يعني ما يحب يسوي لي شيء واذا حب يسوي شيء يطبخ يعني تعالي جهزي كل شيء وانا راح اطبخ او تعالي غسلي المواعين تعالي غسل الايدام يعني اتعب اكثر من قبل ما امرض وحتى في ولادتي تصدقون من جيت من المستشفى وانا مسويني عملية مباشرة على المطبخ غسال مواعين وثياب وترتيب البيت

وكله كوووم والصمت المطبق الي فارضنه علي يعني ما يشاركني في السوالف حياتي معاه اكثرها صمت في صمت وغير التليفزيون كرهت نفسي وعمري هو يحبني نعم بس الحب مب كذا عذاب في عذاب

كنت اتمناه انسان يتكلم معاي يراعيني يساعدني بس ويش اسوي هو صدق طيب معاي بس الطيبة مب كل شيء

وانتوا ايش رايكم هل لي الحق ازعل او لا