قوزي متطورر== بالصور

طريقة الكبسه ال (قوزي متطور)



المقادرير

1- رز بسمتي
2- دجاج
3- بصل
4- ماء
5- بيض
6-لحم مفروم
7- مكسرات (صنبوبر - زبيب - كاجو )
8-البهارات ( ملح - بهارات مشكله حق الكبسه - هيل حب - قرنفل حب - حبات دارسين - ليمون اسود -صبغه زعفران )
9- ليمون + بقدونس + جزر + ثوم + طماطم
10- ماجي دجاج
11- زيت + سمن




الطريقه :
اولا : الغسيل - التقطيع


1- نغسل الدجاج ونقطع قطع كبيره الدجاج نقسمها نصفين او اربع نشيل الجلد ونظفها عدل وناخذ الليمون نعصرها عليها ونمسح كل جزء فيها .
2- بعدين نغسل البيض انا وحده احب اغسل البيض من برا للنظافه .
3- نغسل الرز زين ما زين ونشيل الماء عنه ونخليه على صوب مغطي .
4- نغسل البصل والبقدونس والجزر والطماطم .
5- الزبيب نغسل وننقعه بالماء.


ثانياً:الطبخ


1- ناخذ البيض نحطه في قدر ونصب عليه الماء لين يصير وعقب مايصير نقشره نحط على صوب .


وناخذ الثوم والبقدونس ونضربهم بالخلط .



2- نحمس نص البصل بالزبت في قدر ثانيه يكون كبير لين يتحمر ونحط عليه الجزر والثوم والبقدونس المظروب والطماطم وبعدين الدجاج والليمون الاسود ملح - بهارات مشكله حق الكبسه - هيل حب -ماجي دجاج - قرنفل حب - حبات دارسين - ليمون اسود والبقدونس ونصب الماي عليهم لمدة نصف ساعه .






3- بعد النص ساعه نشيل الدجاج ونحطه على صوب ونحط الرز في القدر لين يصير واذا نضج نحط عليه رشة صبغه بدون مانحركه ونغطيه نخليه يتبخر .





4- ناخذ طابي (المقليه ) نحط عليه زبده او سمن بلدي ونحمر فيه الصنوبر لمده نص دقيقه ونشيل ونحمل الكاجو ونحطه على صوب .



5- نحمس بصل في طابي ثاني ونحط اللحم المقروم فيه ونحط البهارات معه لين يصير طبعا بتحطون نص كوب ماي عشان يصير لين ينشف الماي وينضج نحطه على صوب .

6- نسخن كميه من الزيت ونبدا القلي بالدجاج وبعد الدجاج نفس الزيت نحط البيض المقلي بعد تقشيره .



هذي صورة اللحم المفروم والدجاج

ثالثاً : التقديم

بعد ما صار الرز نحطه في صحن التقديم ونحط االدجاج فوقه ونرش اللجم المفروم وبعدين الصنوبر والمكسرات ونوزع البيض فوقه وبالعااافيه ...