حبي مات بسرعه

السلام عليكم شحالكم بنات

ان شاء الله تكونون بخير

اليوم حبيت اكتب لكم قصت حياتي علشان افضفض والاقي حل لاني تعبت وسمحولي من الحين علشان بطول عليكم .......انا تزوجت عن طريق الحب حبيته واهله كانوا رافضيني على اسباب سخيفه وفوق هذا كله تزوجني بدون رضاهم وانا لين الحين مصتغربه كيف اهلى وافقوا بسرعه وبدون تردد الي ساعد انهم يوافقون انه عمته تعرف اهلي وهي يت تخطبني له...........صار النصيب الحمد لله والله سهل علينا وتزوجنه وطلعنا بيت بروحنا...........في فترة الخطوبه الي هي الملجه كنت اسعد انسانه وهو بعد كان وايد مستانس مع انه يوم كنت اعرفه يمكن بس سنه وبعدها ملجنا يعني ما كنت اعرفه من زمان والملجه كانت 10 شهور وبعدين تزوجنا............... انا احبه وايد وهو يحبني بعد واكيد انتوا الحين تسألوون عيل شو السالفه وشو المشكله الي حولت حياتي حق عذاب وخوف وهم............... ايام الملجه كانت ما بين طلعات وسهر وسوق..........يوم اهله عرفوا انه نحن ملجنا دقولي وسبوني وهانوني انا واهلي وكانوا يدقون حق اخوي الكبير ويقولون له رمسه مب حلوه عني ويقون انه تزوجني علشان انا حامل وهذي الرمسه غلط..........تحملت علشان خااااااطره وعلشاااااان حبي...................


صرت عصبيه وايد ايام الملجه صرت اذا زعلت منه اكره واشك فيه واطلب الطلاق بس داخلي احبه وما اقدر استغنه عنه صرت اذا تزاعلنا اضرب عمري واكسر كل شي عدالي..........المهم ماكان عنده فلوس علشان العرس اخوي سواله واسطه وشاركه في العرس الجماعي مال قبيلتي الانه هو قبيله غير وباع سياره وجهزت عمري بالفلوس البسيطه الي عندنا وتزوجنا في العرس السكيتي الي ما كنت مقتنعه فيه بس علشان اكون وياه ونعيش مع بعض.........بيتني كان بسيط اثاث بسيط ومتواضع...................... شهر العسل كا في البيت لانه ما كنت عندنا سياره بس تم يتسلف يوم من عند ربعه ويوم من عند اخواني ومشينا الايام...........والله رزقنا بدل السياره 2 الحمد لله.............تمت تبدأ المشاكل على اتفه الاسباب وتمت اشك فيه مع انه ما يشك فيني ...................والله ما يشك فيني وواثق مني بس انا ما اعرف ليش هذا يصير فيني............صررت اضربه ويضربني واكسر زينت البيت واجره عمري بموس سكين اي شي حاد عندي اشله...........بعد ما نصحتني امي اروح عند مطوع يقرا علينا قران بعد سنه من زواجنا.... رحت عمان عند مطوع وين يقرا قران على وعليه وقال هذا حسد وعين.............الحمد لله بعد فتره طلعت واستانست قبل ما اعرف اني حامل سافرت معاه ماليزيا ورحت العمره وصلاله لاكن المساكل كانت لا حقتنا حتى في السفر.........المهم انا الحين عندي بنتوعمرها سنه وثلاث شهور والمشاكل مستمره ..............من كم يوم كان عيد زواجنا ونحن متزاعلين


ريلي طيب وايد ويحبني وحريم العايله كلهم يقولون ريلج طيب ومب مقصر وياج ..........بس هذي المشاكل التافهه الي تصير كبيره وتكبر من دون سبب مب عارفه الاقيلها حل



هو كريم يشتريلي اغلى العطور وكل صيف يسفرني واشترالي سياره يديده من الوكاله واحلى الساعات واللبس .............بس مشكلته عنيد واااااااااااااااايد ودايما هذا الزعل الي ما يخلص.........دايما انصحه يصلي بس ما يلتزم اليوم بعد تزاعلنا وكسر تلفوني بدون سبب مع انه يديد ما كمل شهر وهو مشترلي اياه..........الله يسامحه.........بنات ارجوكم لاقولي حل انا تعب اخبر اهلي ويوم اقول حق امي تقول هذا اختيارج وتحملي واخواني بعد حق منو اشكي قولولي تعب والله تعبت

اتمنى انكم تفهموني

اسألوني وراسلوني على الخاص اذا عندكم حل لمشكلتي ارجوكم والله تشوه جسم زوجي وجسمي من كثر الضرابه وهو مب راضي يطلقني لانه يقول انا احبج

ساعدوني جزاكم الله خير