مشكلة في المبايض - منتديات عروس

s

shooog55

عروس نشيطة

28-08-2007 | 03:00 PM

السلام عليكم ورحمة الله وبركاته

اشحالكم يا عرايس؟؟

عساكم بخير؟؟

من زمان مادشيت المنتدى لاني وايد انشغلت واسمحولي

ياعرايس عندي مشكلة في الحمل وان شاء الله تساعدوني لاني تعبت

قبل 3 شهور ونص تقريبا حملت للمرة الثانية لكن اللخ ماراد ان الحمل يتم عقيت وانا في الشهر الرابع ونص والسبب ان نص الكيس طلع من الرحم والباقي داخل ويوم سرت المستشفى قالولي لازم تعقين الياهل لان نصه طالع وعقيت ويوم سالتهم عن السبب قالولي مانعرف السبب؟
وانا حملت مرتين بس الله ماراد يتم الحمل
وهالشهر سافرت ويا ريلي الهند وماكنت حاطة فبالي اني اراجع فالمستشفى في الهند بس عقب سرت المستشفى وقلت بسوا فحوصات وبشوف شو السبب . وسويت الفحوصات وقالولي المبيض عند وايد صغير ولازم عملية والا مابتحملين ولو حملتي الياهل مابيكون اوكي وانا قبل ماحمل في حملي الثاني نفس الحالة استوتلي وعطوني ابرة في الامارات لتكبير المبايض وفي الهند يقولون لي لازم عملية والله اني ماعرف شو اسوا ؟

الله يخليكم ساعدوني وريحوني هل اسوي العملية والا لا؟؟

واسمحولي علاطالة

الله يرزقني و يرزق كل محروم ومحرومة

خ

خديجة 12

عروس فضية

29-08-2007 | 04:11 PM

صراحة اول مرة اسمع بالوضع ذا لكن الله يشفيك ان شااااااااااااااااااااء الله و يرزقك بالذرية الصالحة

و

وحي الفيروز

عروس ذهبية

02-09-2007 | 02:07 AM

اني اول مرة اسمع ان ضعف التبويض يبي اله عمليه

حبيبتي انا مابي اخوفك لكن
في وحدة كانت رايحة الهند عشان تتعالج في شي بسيط في الرحم
وراحت وتعالجت ورجعت
ومرة صدفة راحت الى دكتورة نساء وكشفت عليها الا تقول لها الدكتورة انت من متى شايله الرحم
طبعا انصدمة

فحبيبتي تأكدي من كم مستشفى عن موضوع العمليه

الله يرزقك ويرزقني وكل محرومة الذرية الصالحة ياااارب

ع

عبير 2006

عروس رائعة

02-09-2007 | 03:22 AM

الله يشفيك اختي

وان شالله يفيدونك البنات

بس العمليه لايش بالضبط

ا

اغتراب

عروس ذهبية

02-09-2007 | 06:06 AM

استخيري اختي

*

**ياهمي ربي كبير**

عروس مشاركة

03-09-2007 | 09:50 AM

الله يرزقك بالحمل الثابت