يا شين فكرة الزواج لا انحطت في بالك.. انقذوني

بنات انا قصتي قصة سخيفة بس للاسف علقت في بالي و مدري ايش اسوي.. ارجوكم علموني ايش اسوي والله راح ادعي لكل وحدة ترد علي

من يمكن 4 سنوات انا و ولد عمي (اللي تربيت معاه) كنا مرة اصحاب و يكلمني و اهلي يدرون و يوم ارسل لي مسج قال لي ((بقول لك شي بس ارجوك لا تفهميني غلط و والله انا مو وصخ و مو قصدي شي... بدور انا احبك)) المهم من يومها و هو ما يكلمني الا نادرا و انتهت صداقتنا و نسيت الموضوع انا.. خواته و اخوانه الصغار ((اعمارهم 16 و 13 و 12)) دايم يقولون لي انتي بتتزوجين اخونا و يقولون تراه يحبك و انا كنت اقول كلام اطفال و مرة قالت لي اخته الكبيرة ليش ما تتزوجين اخوي قلت لها تراه زي اخوي قالت بس هو يحبك... هذا كله عدى و ما حطيته في بالي قلت مجرد كلام و مرة تخيلوا يا بنات جت شغالتنا تقول لي ان شغالتهم تقول انه بيخطبني

انا ما ابيه كزوج مع انه الكل يمدحه و انا اشهد ان اخلاقه فضيعة و انه ممتاز و خدووووم لابعد الحدود و حنون و طيب و كل شي زين فيه بس انا احسه ضعيف شخصية و ما ابيه.. مو هنا المشكلة

المشكلة ان امي من مدة قالت لي وش رايك بولد خالك فلان ((ولد خالي مو ولد عمي)) قلت لها ما شاء الله عليه جميل و سويت كأني دخت ((احسب امي بس تسأل)) المهم قالت لي ان امه تقول لجدتك انها ودها تخطبك لولدها.. انا هذا الولد كان حلمي و انا صغيرة بس ابوه (خالي) ما يحبني

الحين صرت دايم افكر بولد خالي و وش لو صدق خطبني و بعدين اتذكر ولد عمي و وش بيسوي لو خطبني ولد خالي.. انحولت و المصيبة ان ولا واحد منهم خطبني.... اختي الكبيرة مخطوبة بس لسى ما اعلنا خطوبتها و صرت دايم افكر يا ترى لو اختي اعلنت خطوبتها بيخطبوني ولا لا؟؟

بنات احيانا احس اني ما راح اتزوج ابد.. انا ابي اتزوج و امي تعرف الشي هذا و الله مو وصاخة فيني لكن انا مرة رومانسية و عاطفة الامومة عندي مرررة جياشة لدرجة ان اختي الصغيرة دايم معي و تسميني ماما.. ابي حل.. ابي اشيل فكرة الزواج من راسي لانها متعبتني..


ايش اسوي؟؟؟ كيف اشيل الفكرة من راسي؟؟