تكفووووووووووووون ساعدوني الله يجزاكم الجنة . حاسة نفسي مخنوقة ..

السلام عليكم ورحمة الله وبركاته ..

أخواتي مشكلتي وما فيها إني من أول الإجازة وأنا أقول لزوجي نفسي نسافر داخل المملكة طبعا وخططنا وللأسف التخطيط فشل لأن زوجي ما وافقوله في عمله إنه ياخذ إجازة ,, قلت الحمد لله بس تعوضني توديني المدينة آخر الآسبوع الخميس والجمعة ونرجع ,, طبعا بالطيارة ..

الحين زوجي وافق بس أهل زوجي بيغو يجو معانا .. الله يحييهم بس المشكلة إن حالتهم المادية شوي صعبة هذا الشهر هم ميسورين الحال الحمد لله بس هالشهر متضايقين ,, فقالوا ياخذوا هما غرفةوأنا وزوجي وبنتي غرفة .. عدد أهل زوجي يلي بيجون معانا تقريبا سبعة ,, يعني معقول سبعة يناموا في غرفة وحدة؟؟؟؟؟ أكيد بيجوا البذورة ويقولولي نبغا ننام عندك ... وانا بصراحة ماني متحملة أحد يجيني , يعني أنا من أول مستنية هذا اليوم عشان أجلس بروحي مع زوجي وننبسط .. وبعدين رح نضطر نسافر بالسيارة وتخيلوا كيف حنكون متحاشرين وأنا أصلا ظهري يعورني يعني من جدة للمدينة تقريبا 4 ساعات وشوية ...

الله يخليكم قولولي ايش اسوي , أنا مرة زعلت لما قلي زوجي كده وصارحته إني ما أبغا أحد ينام معانا .. بس شكله مو مرحب بالموضوع ... قولولي على طريقة أقدر أفهم فيها أهله إني ما أبغا أحد معايا في الغرفة .. يا نااااس نفسي أغير جو .. والله ماني عارفة ايش اسوي ,,,



ادعولي ... ولا تنسوا تساعدوني ....