جامعة مدراس الهنديه في البحرين اشرايكم ؟؟

والله مادري إذا معترف فيها او لا

بس اللي اعرفه انه رسومها واااايد رخيصه مقارنةٌ بالجامعات الخاصة الثانيه

ودراستها قوووية لأنه كله هنوود

هذي اللي سمعته وقريته عنها

سوري على الرد المتأخر

بس اذكر انا من سنة تقريبا كنت ابي ادرس عندهم اول مافتحوا بس ابوي راح الوزارة وسأل واحد قالوا له اول مره نسمع عنها :qaq:
بس الحين اظن معترف فيها لان في الاعلان مالها مكتوب ان معترف بها
وهي الجامعه مادامها هندية فاكيييد دراستها وااايد قوية :yes:
والرسوم بعد حلوه 500 في السنة على ماذكر

بغيت اسألكم

وين تصير هذي الجامعة مدراس

ومتى التسجيل لها ولا خلص خلاص؟

في اي منطقه يعني لاني ابي ادرس فيها

مشكووورين حبيباتي

والي يدرس فيها يقول لنا عنها

مشكورين بناات ردكم
المزيونه
صج دراستهم قويه وكله هنود خخخخخخ

انا الشوق
ايه صح كلامج وانا اتصلت فيهم قالولي انه عقب اسبوع بيتخرجون اول دفعه وبيشوفون اذا الوزاره بتعترف فيهم بسرعه او لا
عشان جذي انا قاعده انطر قبل لا اسجل

nofaaa

الموقع بالضبط ما ادله بس التسجيل يكون في مكتب صوب مدرسه كانو مكتب ابن عقيل شي هلون
اذا تبين رقمهم انا حاظرهواحين مددوو التسجيل لان وايد عندهم طلبات بس مدري لين متى التسجيل يمكن لين نهاية الاسبوع الياي
اذا بغيتي الرقم بطرشه لج على الخاص

ريانه

تسلمين حبيبتي على ردج لي

واذا اي ماعليج امر تعطيني رقمهم بكون شاكره لج

يعني اذا مددو التسجيل متى يكون اخر يوم؟

واذا ماقدرت هالكورس اسجل اقدر الكورس الياي؟

ولا نظامهم كل سنه؟

بلييز ردي علي فديتج


ومشكوووره

ريانه

تسلمين حبيبتي على ردج

واذا ماعليج امر الرقم

وبعد بخصوص تمديد الوكت يعني متى اخر يوم راح يكون نقدر نسجل

واذا ماقدرت اسجل هالكورس اقدر الكورس الياي اسجل ولا شنو نظامهم يعني من سنه لسنه؟

مشكوووره حبيبتي

وبليز اذا تقدرين ساعديني :(

انا بعد ابي اعرف عن دراستهم

طرشته لج الرقم جيكي الخاص
حمامة البحرين بطرش لج رقمهم وسأليهم

تسلمين ريانه يعطيج الف عافيه

مشكووره وسوري تعبتج معاي :)

ولكم نوفا
وحاظرين

يعني دراستهم وامتحاناتهم وكل شي بالبحرين؟؟؟؟؟

انا قريت الاعلان بس فكرت يقصدون انتساب ؟؟؟

ممكن تطرشون لي رقمهم انا بعددددددددددددد

عذاري

جيكي الخاص طرشت لج الارقام


بنات اللي اتعرف احد يدرس اهناك اتخبرنا شلون الدراسه فيها صعبه وله سهله؟؟

نوفا
بشري سجلتي فيالجامعه او لا

كشخـــــــــــــه

شكلها الدفعه السنه كلها بنات

اني طالبة في جامعة مدراس

توني جديده

بقول ليكم بعض الاشياء عنها

اممممممممممممممممم

هي الله يسلمكم 3 سنوات ونخلص البكالريوس

رسومها 500 دينار كامله مو اقساط شامله الكتب لكل سنه

نظامهم نظام انتساب بس في دروس مساعده الى الطلاب
في معهد المعلم تبتدي عقب شهر رمضان ب 30 دينار شهريا

والي ما يبي يروح براحته

طبعا اني افضل اني اروح لاني بدرس محاسبه واحسها صعبه بدون شرح

فيها تخصصات واجد

من ناحية الاعتراف فهي معترف فيها في كل وزارات الدوله ماعدا التربيه الى الحين

ما اعترفوا بها يقولون اذا شافوا اول دفعه واشلون نشاطها في سوق العمل

بس في حل ثاني حق على طول يعترفون فيها التربيه هو انج تسافرين تقدمين

امتحانات في الهند مدة شهر واحد وهو ( مايو) طبعا في هذي الحاله الرسوم بتزيد بتصير 750 دينار بس هذي شاملة

الاكل والسكن و تكت الطائره بعد ومن تردين بعادلون شهادتج في البحرين نفس الانتساب

في مصر


انزين الحين بتكلم ليكم عن تخصص المحاسبه بشكل خاص

نفس ما قلت ليكم هو 3 سنوات دراسه والنجاح من 40 درجه

و الخطه فيها 5 مواد كل سنه

يوم رحت ادفع الفلوس شفت بنت هناك تدفع تدرس سنة ثانيه ادارة اعمال

سألتها عنها قالت الي وياها يقولون انه اسهل تخصص في الجامعه محاسبه

وتشجعت اكثر اني اخده

هذا كل الي عندي عنها

يالله بنات الي تسجل فيها تخبرنا

حق نصير ربع ونساعد بعض














نسألكم الدعاء

انا سجلت فيها هالكورس تخصص رياضيات

ودفعت 300 دينار وقالو لي تقدرين تدفعين 200 عند استلام الكتب

وقريت هالرد في واحد من المنتديات يمكن تستفيدون منه

انا بدرس فيها ان شاء الله هالسنة..

أمس رحت اسجل..

واختي تدرس فيها من العام الماضي..

هي جامعه عريقة وقديمة ومعترفة في الهند..

دراستها 6 أشهر في السنة.. بس..

وعدد المواد: 15 مادة..

وكل كورس 5 مواد..

الدراسة مسائية.. من 6 إلى 9 مساءاً..

3 أيام في الأسبوع..

وطبعاً باخذ المحاضرات في معهد المعلم في جدحفص..

بالتعاون مع هالجامعه..

والإمتحانات تكون في السفارة الهندية..

من الصبح..

شهادتهم قوية جداً.. والدراسة كلها بالإنجليزي..

طبعا خبركم وزارة التربية لازم تتجحح..

والسنة الجامعه راح تخرج أول دفعه..

بس ينتظرون نتايجهم تطلع هالأسبوع..

عشان يطرشونهم حق الوزارة و بتشكل لجنه..

وفي خيار ثاني هالسنة مسوينه الجامعه..

إن الطلبة اللي مسجلين عندهم..

وعلى حسب الاختيار إنهم يسافرون الهند..

يقدمون امتحاناتهم..

وإذا رجعوا تكون شهاداتهم في يدهم وهي معترفة دوليا وعالمياً..

والرسوم جدا رمزية وبيد كل واحد.. والجامعه تتكفل بكل شي من سكن مناسب وكل شي.. (بخصوص السفر)

والسفر يكون بس حق الامتحانات وبعدين نرجع..

إضافة إلى كادر أكاديمي راح يسافر مع الطلبة من البحرين..

وعلى فكرة الجامعه السنة لها رابع سنة في البحرين..

السجيل المفروض انتهى بس جددوه إلى تاريخ 30 سبتمبر 2007

حيااكم بنات اشرايكم انخلي هالصفحه تجمع لنا طالباات جامعة مدراس الموقرات خخخخخ

مراسيل الهوا

صج كشششششششششخه الدفعه شكلها كلها بناااات
انا ان شاء الله بكره برووح اسجل اداره اعمااال خرعتيني يعني صعب ادارة اعمال
كان خاطري ادرس ادب انكليزي بس انا عاديه في الانكليزي فخفت وقلت باخذ ادارة اعماال ان شاءالله

ها اشرايج اتهقييين في رسووب في الجامعه؟؟

احساس انسانه

مرحباا شنو تخصص اختج ؟؟ ما قلتيلنا
واشلوون امتحاناتهم سهله وله صعبه
بنات اسمعم يقولون هالجامعه حق العباقره لانها جامعه هنديه اشرايج؟؟

انا تخصصي رياضيات

وتوني هالسنه اول سنه لي

بسأل عن الامتحانات وبرجع لكم

احسااااس انسااانه مشكووووره وعسااج عالقوه

وناطريييييينج اتبشرينه عن امتحاناتهم

اشرايكم فتخصص اداره اعمال سهل او صعب ما قلتولي؟؟

بنات اليوم سجلت سكرتاريه مشتركه
حسيت من الاوت لاين انه سهل
الله يستر
ادعولي بنات اتوفق