مشكلتي كبيره - منتديات عروس

d

dm3at 3ros

عروس نشيطة

25-08-2007 | 06:46 PM

هاي مشكلتي بس حبيت انقله لكم من قسم الى قسم لاني حطيته بالغلط

مرحبا اخواتي العروسات انا عندي مشكله واشوفها وايد كبيره وابي منكم الحل والمساعده وراح اختصر الموضوع ومابطول عليكم ان شاء الله

انا من سنتين مالكه وخذني واحد كنت احبه ويحبني المهم اول شهر من الملكه حسيت اني عروس واني غير عن كل البنات وبعدها اظلمت الدنيا في عيني زوجي انسجن وقضيته مخدرات والله استويت ما اطيق حد الكل قام يعايرني بزوجي خريج سجون تم محبوس 8 شهور وطلع براءه وانا سامحته لاني احبه وصبرت عليه على اساس انه يشتغل ونتزوج
رديت حياتي الطبيعيه وانتظر موعد الزواج كملنا سنه والحبيب يقول ماقدر اتزوج الحين ماعندي فلوس بعد صبرت لين انسجن مره ثانيه بنفس القضيه واهني عاد قلت مستحيل ارد له وخلاص كرهته ماحب اسمع طاريه ونسيت ان عندي ريل لاني بصدق تعلقت في غيره واللي شفته في هذا ماشفته في زوجي نساني الدنيا وبعد العلاقه هاي ب 9 شهور تقريبا طلع ريلي من السجن وانا مصره عالطلاق مب عشان الحبيب اليديد ولا عشان حد والله لاني كرهته موت وعرفت انه مب قد المسؤوليه وكيف بيفتح بيت وبيربي عيال بس المصيبه ان اهلي رفضوا موضوع الطلاق خايفين من الكلام الناس والفضيحه سمعت كلامهم وخليتهم يفرحون ويرقصون على حسابي في النهايه ريلي بعد في السجن الحين وانا توني متزوجه من شهر واسمحولي عالتعبير لاني فاشله فيه شو تنصحوني هل من حقي اطلب االطلاق؟ هل اهلي بيقفون وياي ولا بيخافون من الفضيحه و كلام الناس؟

اختكم دمعة عروس

b

bonana

عروس جديدة

25-08-2007 | 07:14 PM

هلا وغلا فديتج صح ان ابغض الحلال بس بصراحة شقا بتعيشين وياة وليش اهلج ما يوافقون هم ما يبون سعادتج
اكيد هيه انتي حاولي وياهم والله وياج اذا ما بيتغير وبيتم على ها الحالة وبعدين انتي بعدج ع البر
ما شي عيال وعقب بتتوهقين والله وياج فديتج وصلي استخارة

م

ميمو m

عروس نشيطة

25-08-2007 | 07:27 PM

اسال الله الكريم رب العرش العظيم ان يفرج همك عاجلا غير اجلا استخيري الله احسن لك واكثري من الاستغفار وان شاء الله بينفرج همك

d

dm3at 3ros

عروس نشيطة

25-08-2007 | 08:32 PM

مشكورين خواتي عالرد
وانا الحين كلمت اخته وانتظر الرد من اخوها

ع

عروسة_العين

عروس نشيطة

25-08-2007 | 08:47 PM

وانـــــــا رايي من رااي اخوااتي

استخيري

والله وياااااااااااج

ويفرج همج ان شاء الله

s

shama123

عروس متألقة

25-08-2007 | 08:55 PM

اسمحيلي اختي ... بس الصراحه اهلج تفكيرهم غلط

اصلا الزواج من شخص خريج سجون هذي هي الفضيحة بعينهاااااا

والمشكله انه مايتوب..يعني يعيدها

المهم هالموضوع فات ..وصار الي صار وتزوجتيه

الله يصبرج ويعينج

ان شالله البنات يساعدونج

ا

انفينيتي

عروس مبدعة

25-08-2007 | 09:02 PM

ما أدري كيف اهلج اهتموا بالفضيحه أكثر منج؟؟
يعني ماخافوا عليج من واحد وضعه مشبوه والسالفه فيها مخدرات والعياذ الله
وكل فتره معرض للسجن.!!!!!!!

بس للأسف اللي استوى ما ينفع تتراجعين عنه بمنتهى السهولة

استمري وياه (وتحملي تحملين) عطيه فتره عشان تختبرينه وشوفيه هل تغير؟؟
هل بعده يتعاطى المخدرات او حتى يتاجر بها؟؟؟
شوفي كيف علاقته بربه، شوفي مرابع منو.........

عقب استخيري وقرري الاستمرار او الانفصال

الله يعينج اختي

m

medowawa

عروس برونزية

25-08-2007 | 10:01 PM

حبيبتي انا رايي تطلبي الطلاق تاني نهائي
لان بصراحه متعاطي المخدرات او المدمن لن يتوقف ابدا خلاص وخصوصا انه عملها تاني لو كان تاب ورجع بس ده عملها تاني وحتفضلي طول حياتك في دايره من المشاكل والقصص
الحقي نفسك قبل ماتجيبي اطفال وتعقدي حياتك وحياتهم اكتر
اوعي تجيبي اطفال لحد ماتحلي الموضوع ,,,,ده لو خرج وانت لا قدر الله لسه على ذمته وانت ابسط محكمه تطلقك منه وماحدش حيغلطك
ربنا يوفقك وادعي ربنا كتييييييييير

ب

بنت الاسكندريه

عروس مشاركة

25-08-2007 | 10:35 PM

بصراحه من حقك الطلاق وما تهتمى بكلام اهلك اهلك مش هيشيلوا عنك الفضيحه ولو جبتى اولاد هتبقى الفضيحه ملزماهم فى كل مكان انهم ولاد بتاع السجون وبتاع المخدرات متحكميش على حياتك وحيات اولادك مستقبلا بالاعدام اطلبى الطلاق او ارفعى دعوه فى المحكمه اطلبى فيها الطلاق منه وهو فى السجن كده وقبل ما يخرج ومتهتميش لا بكلام الناس ولا بكلام اهلك انتى الى هتندمى مش هما والناس مش بيعجبها حاجه لو اطلقتى هيتكلموا لو فضلتى برضه هيكلموا ويقولوا عايشه مع مسجون طالما كده بيتكلموا وكده بيتكلموا يبقى اعملى الصح والى يريحك وربنا يوفقك ويفك كربك قريبا

s

saudia

عروس مبدعة

25-08-2007 | 10:41 PM

كيف أهلك يوافقون يزوجونك من خريج سجون ومو بأي قضيه .. مخدرات !!! :qaq: هذي الفضيحه بعينها !!

وانتي كيف ترضين أن والد عيالك يصير مدمن مخدرات وخريج سجون ؟.

عموما استخيري ثم استخيري ثم استخيري ..

وحاولي اصلاحه وابعاده عن هالشي .. وقوي علاقته بالرب وان شاء الله يصطلح أمره ..

اما اذا استمر على خطأه وعلاقته مع الرب سيئه فماأعتقد فيه شي يخليك تصبرين عليه !

*

* كسر بخاطري *

عروس مشرقة

25-08-2007 | 10:54 PM

اختي راح اقولك راءيي بصراحة يعني انتي لو تطلقتي الناس راح تتكلم عليج كم شهر او سنه او سنتين وبعدين ينسون واذا ما تطلقتي يعني راح تتحملين زوجج والشقا منه والعذاب سنين يعني انت تكدرين تتحملين كلام الناس وبعدين راح ينسونج وراح بتستحملين التعب والشقى والعذاب مع زوجج سنين وسنين

والله انا هذا راءيي استحمل الطلاق ولا استحمل اني اعيش مع انسان مو كفو ولا قد المسؤولية يعني تستحملين الالم دوم ولا يوم

وربج كريم وان شاء الله يفرج همج ويوفقج ويسعدج يا رب ان شاء الله

*

* كسر بخاطري *

عروس مشرقة

25-08-2007 | 10:59 PM

اختي انا لو مكانج بتطلق حتى لو تكلموا عني الناس ويعد فترة ينسون ولا اني استحمل العيشة مع رجال خريج سجون مو كفو ولا كد المسؤولية يعني استحملي اللالم يوم وهو كلام الناس ولا تستحملي الالم دوم وهو الاستمرار مع زوجج في العذاب والشقا

والله يفرج عنج ويريحج ويوفق ويسعدج ان شاء الله يارب

أ

أحــلــى وحــده

عروس ماسية

25-08-2007 | 11:06 PM

بصراحه ما اعرف شاقول لج

ما اقدر اقووول الا الله يعينج ويصبرج

بس يا اختي فكري في مستقبلج ومستقبل عيااالج

يعني اذا يبتي عيااال حراااام يطلعون في هالدنيا ويشوفون ابوهم في هالحاله ...

وانتي استخيري وتوكلي على الله ...

وانه في رايي ان الطلاق هو الحل الوحيد ...

ا

الحنونه12

عروس نشيطة

26-08-2007 | 01:48 AM

[GRADE="B22222 FF6347 008000 4B0082"]اختي الغاليه

انصحك باالطلاق

لان اهو لو كان يبغاك ويحبك كان سوه المستحيل علشان

وكان على سالفه الفلوس كاهو يلعب ابها

ويشتري مخدراااااااااااات

اشفيها لو يعني جمه الفلوس لزواج

اصلا اهو مايفكر فزواااااااااج ولا شي

واسفه اختي

اختك الحنونه12[/GRADE]

ا

الجوهرة

مشرفة سابقة

26-08-2007 | 01:55 AM

اسال الله الكريم رب العرش العظيم ان يفرج همك عاجلا غير اجلا استخيري الله احسن لك واكثري من الاستغفار وان شاء الله بينفرج همك

a

aoussaf

عروس مشاركة

26-08-2007 | 02:19 AM

الله يصبرك اختي وقوي ايمانك بالله

أ

أم مرمر

عروس مشاركة

26-08-2007 | 03:00 AM

اولا: استخيري ثانيا :امنعي الحمل حتى لو ما رضى يجوز لك واسألي لو شاكه ثالثا ادعي الله ان يهديه على يدك خليه يجدك الصدر الحنون وبحبك وحنانك ودعاءك له الله بيهديه ان شاء الله

s

sarah_uk

عروس ماسية

26-08-2007 | 04:30 AM

الله يعينك اختي ويفرجها عليك وكان من قبل عليك انك تطلقي لانه قضيه المخدرات راح تضيعه وتضيعك وكيف راح يربي
اولاده اذا استمر هكذا افضل لك تطلقي ومايهمك كلام الناس انتي الي عايشه معاه وتعبانه مش هم وربنا يسهل لك امورك يارب

ا

اَلْـنِهَايَـةْ الْـخَالِـدَةْ

مشرفة سابقة

26-08-2007 | 06:00 AM

اهلج غلطانين شلون يرضون لبنتهم جذي

وهذي ثالث مرة ينسجن

اختي استخيري ربج

وحاولي لاتنجبين منه حالياا

عشان مايتعبون عيالج بعدين بأبوهم

الله يعينج بس

اكثري من الدعاء

والله يهديج لطريق السليم

ا

اسيل!

عروس ماسية

26-08-2007 | 06:10 AM

الله يساعدك ويفرج همك