دانة الكويت محتاجة لفكرة رومانسية يالله يامبدعات

د

دانة الكويت

عروس نشيطة

05-04-2003 | 07:53 PM

سلاااااااااام بنات ....

باختصار ...... ذكرى زواجي يوم الجمعة الياي ومادري شسوي ... خلصت افكاري ........ شريت قلم كريستان ديور وبيجامه ومادري شنو اشتري بعد ولا شسوي فيهم ودي اخذ هدية زيادة بعد بس مادري شنو .......... وبصراحة الوقت مضايقني ومحد له خلق علشان ظروف الحرب فأبي مساعدتكم ........... ابي افكار جهنمية فتاكة واهم شي تتنفذ بسرعة لأن ماعنديييييي وقت ......... وراح ادخل اجيك على الموضوع كل يوم الى ان القى فكرة تناسبني وراح اعطي صاحيتها هدية وبوسة ...........

ع

عروس قديمه

مشرفة سابقة

05-04-2003 | 10:03 PM

معقوله دانه الكويت انتي اهل الرومانسيه والافكار الحلوه؟؟

المهم انا عندي فكره حابه اسويها في عيد زوجي الياي...لكنه بعيييد شهر اغسطس...

الفكره قريتها في منتدى ..انج تخلين الديكور كله بحري بحيث تلبسين مثل المايوه مع الربطه اللي تكون مثل التنوره...

ولبس مثل جزر هاواي...

والستايل كله هالشكل...يعني العصير مثلا تحفرين اناناس..وتعبينه عصير...مثلا...

وممكن مثلا اول ما يوصل البيت تلبسينه عقد ورد طبيعي تكونين انتي لابسه مثله..

وطبعا لا تنسين البوسترات والعبارات تعلقينها في الغرفة مع الاضاءة الخافته....

ولو عندج صوت البحر بيكون حلو...

شو رايج؟

ا

ام ديما

عروس متألقة

06-04-2003 | 12:29 AM

فكرتك حلوة يا عروس قديمه انشاء اسويها فى احتفال قادم ;)

3

3roosah

عروس مشاركة

06-04-2003 | 06:46 AM

waw , great idea ya 3roosh qaddeimah , i love your ideas:D :D

د

دانة الكويت

عروس نشيطة

06-04-2003 | 10:35 PM

عروس قديمة فكرتج حلوة بس ما تصلح معاي يبيلها تجهيز وانا ماعندي الا 4 ايام .......... ابي افكار عن الهدية نفسها شلون اغلفها شلون اقدمها .... شي جذي .... يالله وين ابداعاتكم ؟؟

ع

عروس دبي

مشرفة سابقة

07-04-2003 | 05:01 AM

السلام

عزيزتي ممكن تشترين

صندوق خشب كبير وتفتحينه واذا عندج صورة عرسج كبيرة ممكن اتحطينها

في الصندوق وتخلينه مفتوح وتحطين داخله الهدايا وتزينينه بورد روز

لونه برتقالي او اللون اللي تحبينه ...

وتخلين الصندوق في مكان بارز في الصالة طبعا تحاولين تغيرين في

ديكور البيت بالورود الطبيعية والشموع وشغلي الفواحة ....

بعد ما تتعشون ممكن تشغلين شريط العرس وتستعيدون ذكريات العرس

وبعدها تتبادلون الهدايا ...

وفي نفس اليوم الصبح ممكن اطرشيله ورد الدوام وتكتبيله بطاقة كأنها

دعوة رسمية للحضور للبيت بوقت معين ...

وممكن نفس اليوم زواجكم الصبح تحطينه له الريوق على السرير اذا

عندج الطاولة الصغيرة مالت السرير وتسويله مساج بزيت عطري تكون

ريحته حلوة مثل الفراولة مثلا وتكونين مجهزتله البانيو ...

يعني مب لازم تتقيدين ان الحفلة تكون بالليل بس ممكن تهيئينه

نفسيا بالمسجات والرسائل قبل الوقت....بيكون شيء احلى والله

يوفقج ....

ع

عروس قديمه

مشرفة سابقة

07-04-2003 | 05:26 PM

خساره؟؟؟

عيل عندج حركة الليتات الملونه...مالت اعياد الميلاد...والحفلات...

وتزينيننها على ديكورات البيت..او غرفة النوم حول السرير مع الورود الصناعيه او الاوراق الصناعيه...

طبعا مع كيكه عليها صورة ريلج...

والهديه تسوينها على حركة مسابقات...يدورها...او شي بهالاسلوب

ر

ريم الشمال

مشرفة سابقة

11-04-2003 | 04:29 PM

انا عندي فكرة حلووووة بصراحة مو فكرتي فكرة زوجي هو سواها لي بعيد ميلادي

لما صحيت من النوم لقيت تحت السرير ورد أحمر منثور على شكل خط سير بدون ما اغسل وجهي مشيت وراه ونزلت مع الدرج الى ان دخلت غرفة المكتب لقيت الورد ينتهي عند المكتب مال زوجي وورى المكتب لقيت الهدية بصندوق كبير وفيه دبدوب مررة حلو وغريب ماسك ورقة عليها التهنئة وكلام حلو وورد أحمر وعطر جوتشي الأحمر وساعة ايبل وعقد مرة حلو وسي دي أغاني حلوة لها ذكريات عندنا من ايام الخطوبة الى اليوم

وبـــــــــــــــــــــــــــــــــــــــــــس***:o

ا

امطرطعه

عروس جديدة

28-04-2003 | 04:29 PM

دانه الكويت طمنينا علي حفلتك كيف كانت انشالله حلوه وبعدين ليش قاطعه بالمنتدا ترانا اشتقنا لافكارك الحلوه..........