استفسار حول اكتئاب الحمل و مابعد الولادة ..!!

شو نقول بس؟؟؟
انا حامل للمره الثانيه توني ساكته من الصياح احس بضيقه ماادري شو سببها
والوحده فينا لمل تجيها الدوره تكتئب وهي كلها ايام فكيف تسع شهور تحاتي وتتعب؟؟؟وعقب الولاده تفكر بالعيال وابو العيال؟؟؟والله يعين؟؟؟

زي ما قالت أم عزوز ... أنا حملي هذا كله صياح ... بسبب وبدون سبب ... وعلى أشياء تافهة ...
بس حملي اللي راح كنت رايقة ما شالله .... الله يستر ما يستمر معاي الحال الين النفاس .... الله يقومنا بالسلامة

تحياتي

انا في نهاية الخامس احس اني مظلووومة ودايم ابكي واخر شي سواه زوجي مبارح خلاني انفجر من البكاء ولاسكتت انا كنت نايمة وتعرفين الحامل دايما تعبانة ويجي يدخل ويفتح النور كله وانا نايمة بحجة انه بيصلي ؟ طيب اللي بيصلي بياخذ المصلى يروح لها اي مكان ودخلو عيالي معاه ويتكلم معاهم ويتفاهم وكل هذا وانا نايمة وصحيت من النووم قلت ليش تسوووي فيني كذا مش حرام عليك قال لي عشان تجلسي تصلي لاتفوتك الصلاة قلتله انا صليت قبل مانام طبعا سكت وقاااال لي خلاص وهذا النوووور طفيناة عقب شنو عقب نص سااااااااااااعه راااح النوم من عيوني والله جلست ابكي ابكي ابكي تعرفون ليش مش لانه ولع النوووور علي وصحاني علشان اذا هو ناااام وررررربي اخاف حتى اروح من جنب الغرررفة عشان يصحى وعيالي اخذهم معاي الغرفة الثانيه ودايم اقول لهم اسكتو ابوكم نايم . وللحين والله يابنات من اذكررر اللي عمله ابــــــــــــــــــــــــــــــــــــــــــــــــــــــــــــــــــكي

أختي ماريا الموقف عادي جدا ولا يزعل بس تدرين وش اللي خلاك تبكين أنك تبينه يسألك وش فيك
ياعمري عساك هالحين أحسن تبين الحنان منه ...........صارحيني صح وإلا لا ؟
ثانيا هو ما سوى هالحركة إلا لأنه مشتاق لك ويبيك تتكلمين معة وتقومين وتنسين التعب وأنتي الله يصلحك فقعتي بوجهه وطردتية هو وعياله
وهذي أعراض كل وحدة حامل بس أعراض الإكتئاب بالنفاس أشد لدرجة أن نساء الغرب يحاولن الأنتحار
تقبلي مروري الصريح

انا لما كنت حامل ما كان فيني شي ولا اكتئاب وهم يحزنون ،،، كنت طبيعية واكثر من طبيعية ...
بس في النفاس ،،، قربت انا زوجي نصل للطلاق ،،، كنت اجلس بالليل وبدون سبب ابكي ابكي ابكي
الين ما تقرح عيوني .... واذا زوجي علق علي الولد قال لي غطيه ولا لفيه ولا اي شي .... خلاص تقوم الدنيا ما تقعد .
يعني انا مش مهتمة بابني .... خلاص اجا الولد وصرت تتعامل معي كدة .. انادي اخي اللي اكبر مني ... وخلاص انا الرجال هذا ما اريد بس خليه يحل عني ........ وحالة اكتئاب مش طبيعية .... كنت دايما اقول ربي يعدي الايام دي بخير
الي ان خلص الاربعين وانا رجعت طبيعية .....

الله يعين

سبحان الله والله لو تعرفن شو يستويلي أنا فالحمل حالات غريبة

وساوس (أقول ليش محد يحبني ليش ما يكلمني فلان ليش لبستني فلانة ليش فلان قال ما بيوصلني السوق ليش شكلي يفشل ليش أنا دايما تظلمني الناس ما حرام عليهم كل شي يطيح على راسي محد عندهم غيرهم طايحين علي ) وانفجر من الصايح ونطري عاد لما اسكت

واحيانا أخلق حق عمري مشاااكل وبين إني مظلومة

يعني فترة الحمل عندي حاله نفسية صعبة (صياح وساوس إحساس بالظلم عصبية حساسة فضولية ................) خليها على الله

اي واله الاكتئاب وما ادراكم ما الاكتئاب (w)

انا في حملي الاول صار الحمل بدون تخطيط وزعلت وااايد في البداية لكن بعد شوي انشغلت بالدراسة لان يما تركتها في فترة الحمل ، ولا حسيت باكتئاب .. لكن لما قعدنا في اجازة منتصف الفصل وكانت مدة شهر تقريبا صادني اكتئاب فضييع وكنت اتحسس على اقل شي :21_207: وكل افكر خصوصا لما اكون بروحي وزوجي يشتغل من الصبح للمغرب وانا بعيدة عن اهلي يعني تقريبا طول اليوم كنت بروحي وكل افكار وساوس واكتئاب ومللت عيشة زوجي من كثر ما اتشكى وابكي ،، لكن الحمد لله بعدها لما فتحت الجامعة ورجعت اداوم راح عني الاكتئاب ..


اما الحمل الثاني :qaq::qaq: كان بعد بدون تخطيط .. وكنت ادرس ، لكن صادني اكتئاب فظيييييييييييييييييييييييع لان كانت ظروفي ما تسمح لي بالحمل في هالفترة والحمل خرب علي اشياء وااايد وسبب لي اكتئاب .. ولما خلصت الامتحانات وابتدت الاجازة الصيفية زاد علي الاكتئاب وتم معاي تقريبا الين الشهر التاسع والولادة .. حتى وحامي استمر الين الشهر السابع تقريبا وبعدها كان اكلي جدا قليل وكان وزني ناقص من ايام الوحام 10 كيلو بعدها زاد بس 5 كيلو الى الشهر التاسع ..
لكن خف علي الاكتئاب في فترتين اثناء الحمل :: فترة اللي سافرنا فيها ، وفي شهر رمضان ،، يمكن لان يتغير الروتين وزوجي يكون معاي اكثر .. واتذكر قريب الولادة حاولت اشغل نفسي بالتجهيزات وخف الاكتئاب شوي .

اما بعد الولادة .. في المولود الاول الحمد لله كان كل شي عادي ولا صادني اكتئاب ولا شي ،، وبالمولود الثاني صادتني ظروف سببت لي اكتئاب ، كان عز البرد عندنا وولدي الكبير كان مريض من قبل ما اولد بيومين وولدي الثاني مرض بالزكام وكان وايد يتعب ويلاقي صعوبة في التنفس وحتى لما طهرناه كان وايد يبكي في اول 5 ايام الين ما طاحت الحلقة مالت التطهير .. وانا بعد اضافة على تعب الولادة والخياطة مرضت وتعبت واااايد ،، وقضينا فترة النفاس كل المستشفيات وهالشي سبب لي اكتئاب يعني تعب جسدي وتعب نفسي لكن الحمد لله بعدين لما رجعت شقتي بديت اخف لاني رجعت على اجازة عيد وكانت الاجازة لمدة اسبوع وكان زوجي معاي ويساعدني عليهم وخف عن الاكتئاب ..


لكن للحين بين فترة والثانية احس باكتئاب وحتى اوصل لدرجة اني ابكي .. يمكن الرضاعة وتربية طفلين هم السبب ..

:21_207:

كسرتون خاطري كلكم .. موعارفة شسوي .. يعني صدق تعب الام مو بس جسدي في حمل الولد الا نفسي بعد ..

الله يخلي لي امي و اقدر اجازيها ..

ام عزوز .. اكيد تعرفين ان اللي فيه انتين الحين طبيعي بسبب تغير بعض الهرمونات .. انا بعد جذي كنت حساسة

هذا مو اكتئاب مجرد فترة بسيطة و تعدي ..

ماريا حبيبتي .. تصرف زوجك طبيعي بس تعرفين ؟؟ انتي تشوفينه تصرف مو حلو لانك الحين حساسة ..

ام حبيبي وسام .. الله يعينك و الله صعب اكتئاب بعد الولادة .. شفت نماذج واجد منه .. اعرف وحدة بغت تنتحر مرة ..

ماما حسون .. الدراسة و الشغل يبعدون الحامل عن الاكتئاب مو مثل اللي قاعدة بالبيت ..



شكرا اخوات على الردود ..

هذي اشيا طبيعية تصير للام الحامل وانفسا وبعدين يروح كل شئ



الحمد لله على النعمة

اني برايي ان السبب الاول والاخير لللأكتئاب لما الواحديستسلم له واستسلامي له معناه بعدي عن الله وعن نفسي طول ماأنا قريبه من الله مافيني اكتئاب لكن من أبعد عن الله واجلس بمجالس تصيرفيها غيبه وهداشرلابدمنه يجيني اكتئاب فضيع وأحسن علاج الصلاة على محمد وال محمد

الكوثرالمهدور;4275803:
اني برايي ان السبب الاول والاخير لللأكتئاب لما الواحديستسلم له واستسلامي له معناه بعدي عن الله وعن نفسي طول ماأنا قريبه من الله مافيني اكتئاب لكن من أبعد عن الله واجلس بمجالس تصيرفيها غيبه وهداشرلابدمنه يجيني اكتئاب فضيع وأحسن علاج الصلاة على محمد وال محمد

؟؟؟؟
الاكتئاب يجي من الهرمونات يعني وش معناة كلامة احنا مش قريبين من الله لان يجينا اكتئاب
اجل معناتة كل العالم ماعندهم ايمان والسبب اكتئاب الحمل ؟؟؟؟؟؟؟؟؟؟؟

هذا اول حمل لي وطول الوقت ابكي وحالتي حاله ونفسي خايسه وعصبيه زياده عن اللزوم