ساعدوني اتزوج حبيبي او خطيبي ساعدوني

"]السلام عليكم ورحمة الله وبركاته ياعرايس شخباركم ابي اطرح عليكم موضوع وياليت تساعدوني فيه لاني مو عارفة شاسوي ابي مساعدتكم بلييييييييييييييييييييييييييييييييييييييييز القصة ومافيها انا بنت عمري 22 سنة جامعية ومثل ماتعرفون في سن زواج المهم اثناء ماكنت ادرس بالجامعة تعرف على شاب وحبيته وحبني باخلاص وصدق وشفت كل شي حلو معاه بس مثل ماتعرفون لازم في مشاكل بينا لكن الحمدالله تنحل وتكون سهلة ذات يوم قررنا ان لازم نحط حد لعلاقتنا خبرته انه يكلم هلي وطبعا اثناء ماكنت احبة محد يدري وادري انه غلط لكن اعرف انهم بيمنعوني لانه محد يرضى على هله قتله كلم امك انها تكلم امي بس عشان تعرف امي وهلي بالموضوع رغم ان كان هناك خطاب يتقدمون لي لكن هلي والحمدالله اللي يرفضونهم مو انا لانهم على كلامهم مايناسبوني وبيني وبينكم هلي من رايهم يبون يزوجوني على هواهم اللي يشوفنة مناسب طبعا وكل اهل يتمنون الشي الزين لاولادة وبناته شي اكيد لكن بعد ماقلت حق الشخص اللي احبه كلم امه وقالت خلصها تصبر ليش مستعجلة وحنا الحين ماعندنا فلوس كافية حق زواجك وانت مو ميمع شي لان عليه سلفة قالي صبري بس في نفس الوقت تقدم لي شاب وفيه كل المواصفات الزينة من عايلة محترمة وسمعة طيبة ومركزممتاز وكل شي كنت اقوله كلم هلي قبل لايجون هذول رسمي اخاف يسئلوني ماعرف شرد وانا اخاف اقول لهم لان هلي مبدئيا موافقين عليه هم اللي يتمنونه الزوج المناسب لي وهذا الشخص يصير اخو زوج اختي ويعرفونه عدل يعني بس اهل اللي خطبوني قالوا صبروا علينا لانه كان هذا الشخص مسافر لدورة ولين يجي نجي نتقدم رسمي انا قتله خل امك تكلم ثبل لايصير شي رسمي قالي لو تبيني انا بكلم امج بس امي تستحي تتكلم وشنو بتقول لهلج انتظرونا لنص السنة لين نخلص سلفتنا مايصير يقول تقولي امي لازم لين بنروح نخطب عندنا فلوس وهذي هي الاصول سكتنا ايام وصارت مشاكل بينا بسيطة وزعلنا على بعض فترة ورجعنا بعد ايام خبرته وقتتله قالي انا صج اتمنى لج الخير وابيج بس ماقدر الحين واني احبج وامي تتمناج لي بس شاسوي قتله انا اصلا حتى اهل اللي خاطبني الثاني قالوا صبروا علينا انت بعد خل امك تقول صبروا علينا مارضى عشان امه وانا اعرف انه يحبني والله وانا احبه بس شاسوي ومستحيل اقول حق اهلي لو عرفوا بيذبحوني ولاتقولون لي تفاهمي معاهم لانهم مايتفاهمون وبعد ماتراضينا رجعنا زعلنا وقررنا انه خلاص كل واحد يشوف دربه والله يوفق الجميع وكانت هذي المكالمة ببكي بس شنو نسوي قلنا خل اللي الله كاتبة يصير وقالي انا اتمنالج الخير والسعادة سوا كنتي من نصيبي او نصيب غيري لاني صج حبيتج وتقارقنا لمدة تقريبا شهر وانا خلاص فقدت الامل فيه ان نرجع لبعض في هذي الفترة اهل الخطيب الثاني كلموا هلي عني وقالوا شلون احنا نبيها بس كلها شهر ويرجع ولدنا وقال لنا انه لازم ياخذ راي البنت اذا كانت تبيه لانه هو صج شايرها هو يحبني من طرف واحد وانا ماكنت ادري المهم هلي قبل لا انا اوافق او ياخذون رايي طبعا موافقين جات اختي وامي وسالوني عنه قولي تبنه انتي مقنعه فيه هذي زواج مو لعب يهال انا سكت كنت اقول يمكن يرجع لي حبيبي انتظرته ايام ومارجع يتصل وانا مااتصلت عليه لان هذي المرة الاخيرة اللي تفارقنا كانا متاعلين وكان هو السبب واخر شي اتفقنا على كل واحد يشوف طريجة عقب مامليت من الانتظار والتفكير وقارنت بين حبيبي والخطيب الثاني لقيت ان الخطيب فيه ميزات احسن من حبيبي وفوق كل شي هو اللي شاريني يعني يحبني مو انا اللي احبة وفي وايد اشياء بس مثل ماتعرفون قلب البنت تجرها عاطفتها فكرت وقلت خلاص لو كان يبيني ماتم تقريبا شهر قلت اكيد كان جاد بكلامه وجت امي وكلمتني وقتلها خلاص موافقة انا عليه وقالتلي متاكدة قتلها اي خلاص وبعدين كلمت اهل الخطيب وقالت لهم واستنانسوا وااااااايد وخصوصا الخطيب وقالت انشاالله من يرجع خلاص نجي نتقدم ونقرر الملكة يعني الامور خلاص وقالت امه الخطيب الحين البنت خطيبة ولدي واي احد يتقدم لها قولي مخطوبة وقالت لها الوالدة تم وانا كنت مستانسة ونفس الوقت متضايقة لاني كنت اتمنى حبيبي وطبعا محد يعرف عنه اي شي المهم بعد ماخلص تقريبا الشهر اللي تفارقنا فيه وشوي اتصل لي الحبيب وخبري انه للحين يحبني ويبيني بس انا قتله اني انخطبت قالي مايصير انا ابيج قتله كنت انا عندك وجدام عينك تهاونت فيني وماقدرت تتقدم او تكلم هلي قالي عشان امه قتله انه خلاص عطيناهم كلمه تضايق هو انا طبعا مت من البجي لكن تم يعدل علي وقالي كلا ياخذ نصيبه في هالدنيا والله يوفقج ويستر عليج ولاتظنين اني راح يطلع اي شي عنج وعن علاقتنا وكلا يروح لطريجة وانتي الحين بحسبة مخطوبة مارضى عليج انج تكلميني وبعد بكاء مني ومنه سكرنا الخط وطبعا اهل الخطيب ماخلوا امي كل يوم والثاني يدقون عليها ويتطمنون ويقولون البنت لنا ها وامي تقول اكيد انشالله وطافت الايام وتجدد دورة الخطيب الثاني لمدة شهر ثاني عشان التخرج من الدورة هم اتصلوا اهلة وقالوا الولد يحاتي خطيبته خلها تتنتظر بعد انشالله كلها ايام ويرجع والحين طاف اسبوعين من دوره الخطيب وانا ماعرف عن حبيبي اي شي بعد اكثر من شهر واسبوعبن بعد في هذي الفترة تم يتصل فيني حبيبي وايد ولا ارد عليه ويدز لي مسجات ردي ابيج في موضوع ضروري انا خفت وقمت رديت عليه وقتله نعم قالي عنده اخت وخطبوها وهذي اخر وحدة ومحد بقى بالبيت مع امه وابوه الا هو قتله انزين وبعدين قالي امي قالت تبي تعزمج على الخطوبة قتله مشكورة وماقصرت وقالي تراها بعد تقول متى نروح نخطبها لك يالله انا جاهزة وتبيني من اليوم بخطبها قتله هي درت عني انه انا انخطبت قالي لا قالي انا احبج واموت فيج ومابستغنى عنج قتله انا كنت عندك ماتبيني بس الحين انا بكون لشخص غيرك قالي مستحيل انتي لي وحبيبتي والحمدالله الظروف تعدلت ومستعد من الحين انا شخصيا بكلم امج وبقول لها ان انا ابيج وبكرة امي تكلم امج بعد قتله مايصير عطوهم كلمة مايردونها عيب على هلي انهم يردونها قالي كيفج كل شي بيدج وانتي شوفي انا ابيج واحبج وامي تتمناج لي وحتى خواته يبونيالي فكري انتي وشوفي انا الحين خايفة ومترددة ماعرف شاسوي انا احبه يوم كنت اقدر قبل ماكان هو يقدر يتقدم والحين هلي عطوهم كلمه ومستحيل يرجعون فيها تعبت من التفكير شاسوي ساعدوني عطوني رايكم اتزوج حبيبي او خطيبي سااااااااااااااعدوني ويعطيكم الف عافية حبايبي واتمنى من البنات اللي ماتزوجوا يحصلون على نصيبهم يارب[/CENTER]