سؤال لخبيرات الولادة :)

-1/ كيف يبدأ الألم ووين؟ يعني الظهر البطن المهبل ولا وين بالضبط؟
يبدا الألم في أسفل البطن والظهر معا ويكون في البداية بين فترات متباعدة يروح ويجي الألم ثم
بعدوقت ربما اربع أو خمس ساعات يبدأ الألم بالإقتراب أكثر فبدل مايكون اللألم بعد ساعة يصبح بعد ربع ساعةوهكذا حتى تولدين بالسلامة

2/ - وحدة قالتلي لازم أضغط على عمري وأدفع كلما حسيت بالألم ومب لازم الرحم يكون مفتوح 10 سم
صح ولا أترياه ينفتح وعقب أدفع؟
صحيح تدفعين إذا حسيتي بالألم حتى يتسع عنق الرحم ليسهل خروج الطفل وأذا خف الألم خوذي نفس عميق وأذا بدء اللألم يعني الطلق أدفعي بقوة وبعدين ياحبيبتي أنتي بتدفعين غصب عنك من شدة اللألم وأصلا أذا وصل عشرة سم خلاص يطلع الطفل إلا إذا أحتجتي لتوسعة

3/شو يكون دوري بالضبط يعني كيف أساعد الدكتورة في تسهيل الولادة إن شاء الله؟
أولا أسمعي كلامها ولاتعارضيناها ثانيا: أذا جاء الطلق شدي بقوة ولاتنسين دعاء الكرب وسورة الزلزلةأيضا

4/إذا نزل الماي أسير على طول المستشفى ولا أمشي لين أحس بالألم؟
لاياروحي لاتمشين روحي على طول للمستشفى لآنة إذا جفت الموية مايطلع الجنين يعني مافي موية تساعدة على الخروج بعدين تحتاجين لقيصرية

أتمنى أني أكون وصلتلك المعلومة يامس نواعم
أن شاء الله تقومين بالسلامة يارب

تسلمين فديتج أبدا ماقصرتِ
المعلومات كافية ووافية،،
يزاج الله خير :)

مس نواعم;4266456:

السلام عليكم،،
سؤالي للي يربن الولادة كمن مرة،، لأني أول مرة أحمل وقريب إن شاء الله بربي،، عندي كمن سؤال:
1- كيف يبدأ الألم ووين؟ يعني الظهر البطن المهبل ولا وين بالضبط؟
2- وحدة قالتلي لازم أضغط على عمري وأدفع كلما حسيت بالألم ومب لازم الرحم يكون مفتوح 10 سم
صح ولا أترياه ينفتح وعقب أدفع؟
3- شو يكون دوري بالضبط يعني كيف أساعد الدكتورة في تسهيل الولادة إن شاء الله؟
4- إذا نزل الماي أسير على طول المستشفى ولا أمشي لين أحس بالألم؟
وشكرا لحسن تعاونكم
:)

1- كيف يبدأ الألم ووين؟ يعني الظهر البطن المهبل ولا وين بالضبط؟

يبدا الالم مثل الم الدوره بالضبط وكان بالنسبه لي اكثر شيء في الظهر وفي البطن بعد بس الظهر اكثر

2- وحدة قالتلي لازم أضغط على عمري وأدفع كلما حسيت بالألم ومب لازم الرحم يكون مفتوح 10 سم
صح ولا أترياه ينفتح وعقب أدفع؟

لا الكلام غلط لان الدكتوره مارح تباشر اصلا في الولاده إلا بعد مايفتح الرحم 10 سم
بعدين بتبدا في الولاده وبتقول لج ادفعي


3- شو يكون دوري بالضبط يعني كيف أساعد الدكتورة في تسهيل الولادة إن شاء الله؟

بتقول لج ادفعي بس عليج انش تسمعين كلامهم ومع كل طلقه تدفعين واهم شيء انش ما تصارخين قبللا ينفتح الرحم وتبدا عمليه الولاده لان طاقتج كلها بتستنفد وبعدين مابتقدرين تدفعين ولا بتقدري تساعدي الدكتوره على تسهيل الولاده( والسهاله من الله طبعا)


4- إذا نزل الماي أسير على طول المستشفى ولا أمشي لين أحس بالألم؟
الكل ينصح اول بيبي تتاخرين شوي لان الرحم بيكون بطأنوعا ما في فتحته وحتى لو حسيتي بالم انتظري شوي واذا حسيتي حالش ماتستحملين روحي



وارجو انك تستفيدين


جود القمر

بصراحه انا استفدت من الموضوع لان هذا اول حمل لي وانا الحين بشهر الثالث
يعطيكم العافية ماقصرتوا على المعلومات

1- كيف يبدأ الألم ووين؟ يعني الظهر البطن المهبل ولا وين بالضبط؟
انا اعتقد كل وحده تختلف عن الثانيه انا ابتدأ معاي الم مثل الم الدوره خفيف يروح ويجي وكل ماليه يقوى

2- وحدة قالتلي لازم أضغط على عمري وأدفع كلما حسيت بالألم ومب لازم الرحم يكون مفتوح 10 سم
صح ولا أترياه ينفتح وعقب أدفع؟
لا طبعا اذا دفعتي قبل الـ10 سانتي بتتعبين وبتعبين البيبي معاج اهوا بس يتوسع يصير 7 او 8 سانتي بتحسين بالدفع بس لا تتدفعين لانه يسبب تمزق في عنق الرحم ولا سمح الله يصير نزيف حاولي تاخذين نفس لين ما يصير 10 سانتي بعدين دفعي

3- شو يكون دوري بالضبط يعني كيف أساعد الدكتورة في تسهيل الولادة إن شاء الله؟
الدكتوره راح تساعدج وايد بس انتي بعد لازم تساعدينها يعني اذا قالت لج خذي نفس ووقت ما تقولج دفعي تدفعين مع كل طلقه تتدفعين دفعه طويله

4- إذا نزل الماي أسير على طول المستشفى ولا أمشي لين أحس بالألم؟
اي حبيتي لانه مجرد ماينزل الماي يبدأ الألم

انشالله تقومين بالسلامه والله يسهل عليج وعلى كل الحوامل بس لاتنسين تقرين سورة مريم والزلزله وسوره القدر ترى وايد بتسهل عليج الولاده

يسلموووووووووووووووو على ا الرد على الاسئله بصراحه استفدت وااايد

والحمدلله ولاتي قربت

تشكرااات صبايا والله يسهل عاليميع ياااارب

شكرا عالمعلومات

حبيت أقولكم إني ربيت يوم الثلاثا 4/9/2007
و الله من عليه بخليفة فديته :)
تجربة الولادة كانت صعبة،، واللي تصارخ مول ماتساعد عمرها
وأحسن شي تسوينه تدعين ويوم توصلين للمرحلة الأخيرة
تساعدين الدكتورة عشان تقللين فترة الألم
والله يسهل عاليميع