حد بيعرف قصة متلي بجد غريبة كتير

حبيباتي انا بدي الكن قصتي انا تزوجت من سنة وتعرفت عزوجي قبل 4 سنين عن طريق النت بداية تعارفنا كانت حلوة وحكينا بمواضيع جدية وهو حب صدقي واخلاقي وبعد اسبوع من حكينا تكلم مع اهلي وطلبني بس هو كان صعب يجي فلسطين بسبب الاحتلال بس هو متلي فلسطيني وحاولنا نلتقي لحتى نكتب الكتاب مامشي الحال وكتبت كتابي بالوكالة وكل اخي عنه وتزوجنا بعدين صار لازم نتزوج زوجي اخلاقه منيحة ودينه الحمد لله ولهيك رضيت ماخد دهب ولا شي بس كتبنا بالعقد هيك بس حرام ماقصر معي شو قدر يعملي ويعطيني والحمد لله جهزت تياب واللي بحتاجه وتنازلت عن العرس ايمانا بحديث رسول الله اذا اتاكم من ترضون دينه وخلقه فزوجوه وايمانا بكلام الله خذوهم فقراء يغنهم الله
اكتفيت بحفلة صغيرة جدا وسافرت الى الاردن انا واهلي حيث التقيت بزوجي هناك
ومن عمان سافرت للإمارات محل اقامة زوجي صار مشاكل عند زوجي بالشغل وتركه وبالتالي التغت الاقامة واضطريت سافر بعد شهرين من زواجي وقعدت بعمان فترة الله بيعلم فيها قديه تعذبت وانا لاقادرة ابقى عند زوجي ولا قادرة انزل فلسطين ولما سافرت وتركت الامارات كان على اساس اني اجهضت من اسبوع وبعد شهر من العذاب رجعت لزوجي بشهر 10 واضطريت سافر لتجديد الفيزا كمان مرة بشهر 12 وكنت وقتها حامل وبعدين بشهر 2 اضطريت انزل عفلسطين لانه خلصت فيزتي وماقدرنا نجدد وبشهر 5 وولدت وجبت طفل بعاني من مشاكل كتيرة وبعد 50 يوم مات انا بحس اني رح جن ولا قادرة روح عيش مع زوجي ولازوجي بيقدر يجي عندي
انا نفسي اعرف ليش هلقد صارلنا مشاكل هل علاقتنا كانت حرام مع انه احنا من اول اسبوع ماحكينا اي شي عيب او حرام ومن اول اسبوع طلبني من اهلي وضلينا 3 سنين نحكي مع بعض هو يوصيني بالدين والاخلاق وانا كمان
انا لما عشت بالامارت ماكان عندي غرفة نوم ولا شي كنت نام على فرشة بس فعلا كنت مبسوطة مع زوجي وماطلبت شي ولا كلفت عزوجي هل انه الانسان لما يرضى بالقليل مابياخد شي
انا صارلي سنة مزوجة ولهلا تيابي بالشنط لانه ماقدرنا نجيب خزانة وبرجع بقول الحمد لله بس فعلا بدي اعرف ليش هيك بصير معنا في بنت فيكن بتعرف شي اعمله او الرقية الشرعية او استغفار معين او اي شي نعمله لحتى ارجع لزوجي
انا فقدت ابني والحمد لله بس ماطالبة شي اكتر من اني كون مع زوجي حد بيعرفلي حل او سبب