فكرة مشروع وابي رايكم ومشورتكم
ريـــم البــوادي
23-08-2007
30 رد
3,873 مشاهدة
ر
ريـــم البــوادي
عروس مبدعة
23-08-2007 | 05:03 PM
بسم الله الرحمن الرحيم
السلام عليكم ورحمة الله وبركاته
راح ادخل في الموضوع على طول
انا عندي فكرة مشروع بس متردده فيه مادري اذا الفكره ناجحه او ما تنفع ياليت تفيدوني وما تبخلون علي برايكم
شفو بما ان هالايام التجاره الماشيه هي تجارة العقارات وانا ماعندي السيوله الكافيه لهالمشروع ففكرت اني افتح مكتب عقاري يمارس الشغلات العاديه مثل الوساطه او الدلاله وزياده على ذلك بسوي صندوق استثماري على قدي وافتح باب المشاركه للي راس مالهم صغير زي حلاتي ويكون راس مال محدد بجذي يكبر راس المال واقدر ادخل في السوق والارباح توزع بالتساوي كل ثلاث او اربع اشهر وكل التعاملات بتكون باسم المكتب واوفر كل الضمانات اللي تضمن حق الزبون وحقي بأوراق مصدقه من المحكمه وتكون في تقارير شهريه لكل من حط فلوسه معاي عن الارباح اللي وصل لها
ها قولو لي اشرايكم
انتظر الردود :21_209:
انشاء الله محد يطنش:whistling:
:8875:
الصراحه انا اشوفها فكره حلوه ..
والحلو فيها المشاركه و خصوصا اذا عندج مثلا خبره في هالمجال وواثقه من الارباح و جذي ..
والله يوفقج ان شاء الله ويوسع عليج و يفتح لج ابواب الرزق آآآمين
وانا مع الفكره مع ان ما عندي اي خبره و لكن اتمنى ان البنات يفيدونج ..
انا داشه اشجعج على الفكره بارك الله فيج و الله يبارك لج هالمشروع و يلاقي النجاح
آآآآآآآآآمين
:)
فكرة حلوةةة
بالتويفق اختي
بصراحه لو بديتي أنا بكون أول وحده معاج ..
يقولون تجارة العقار احسن شئ هالايام...
بصراحه لو بديتي أنا بكون أول وحده معاج ..
يقولون تجارة العقار احسن شئ هالايام...
بس سؤال هو انتي تبين مشاركه من بانت المنتدى مثلا و الا من برع المنتدى ؟
لو من بنات المنتدى شكلي بشارك احم احم ^_^
وموفقه يا غناتي
:)
ر
ريـــم البــوادي
عروس مبدعة
23-08-2007 | 10:28 PM
تسلمون حبيباتي على الردود والله شجعتوني بس بعد ابي آراء اكثر
اختي فطامي انشاء الله لين بديت المشروع اول وحده انتي راح اقولج
مجرد سراب من المنتدى ومن برى المنتدى وانشاء الله لين بديت بخبرج وعلى فكره المشروع بيكون في قطر
بس لازم اسوي دراسه للمشروع قبل واسأل عن كيفية فتح الصندوق ويتصدق من الجهات الرسميه
يالله يابنات نبي تفاعل اكثر
صراحه فكره حلوه وايد
واذا بديتي انا بشارك معاج
لاتنسيني
وموفقه يارب
صراااحه فكره حلووه وانا رااح اكوون معااج بس انتي درسي المشرووع وسألي عنه واخبرينا بنتايج اول باول
وانشالله رااح انكوون معااج ,.................وبالتوفييج الغاليه ...واول ما تخلصين كل شي خبرينااا بس كل شي اتسوينه
اكتبيه عندج عشاان ما تنسيين شي حتى ولو شي بسيط اكتبيه عاان ما تتخربطيين وشغلج يكوون ماشي
ر
ريـــم البــوادي
عروس مبدعة
23-08-2007 | 11:20 PM
ام فيصل
عنود المهيري
شكرا لكم حبيباتي
ولا يهمكم اكيد انه راح اعلن في المنتدى لمى ابدى المشروع
احلى من العسل
عروس مشرقة
23-08-2007 | 11:58 PM
بالتوفيق ان شاء الله
بشارك وياج ان شاء الله
اتمنى من رب العالمين انه يوفقج و يفتحها عليج آآآمين
وان شاء الله المشروع يلاقي النجاح ونشارك معاج ^_^
الله يرضى عليج ان شاء الله :)
ر
ريـــم البــوادي
عروس مبدعة
24-08-2007 | 06:36 PM
احلى من العسل
تسلمين عمري
مجرد سراب
مشكوره يا عمري على الدعوه
وجزاج الله خير
الله يوفقنا جميعا انشاء الله
ر
ريـــم البــوادي
عروس مبدعة
25-08-2007 | 11:59 AM
شدعوه يعني هالتطنيش
كلمه ولو جبر خاطر
ترى كسر الخواطر شين
ح
حيرانه في اسمها
عروس مشرقة
25-08-2007 | 12:37 PM
الفكره حلوه بس لازم تسوين دراسه للموضوع زين ما زين لان على حسب علمي العقارات تبا مبالغ مو هينه
وان شاء الله ربي يوفقج واذا لنا نصيب بنشارك معاج
والله حلوة الفكرة
^_^ خصوصا انه في ضمان يعني الواحد يرتاح لهالشئ
انزين سوي لي مكان ههههه بشترك وياج
ر
ريـــم البــوادي
عروس مبدعة
26-08-2007 | 12:15 PM
حيرانه في اسمها
هلا حبيبتي
اكيد انا ماراح اخطي خطوه الا ودارستها هذاذ غير آرائكم اللي نستفيد منها
تسلمين على المرور
ر
ريـــم البــوادي
عروس مبدعة
26-08-2007 | 12:16 PM
شامسية1988
هلا الغاليه
ولا يهمج اول ما افتح المشروح بحجز لج مكان
موفقه اختي مثل شو الضمانات
بصرااااااااااحه المشرووووووووووووووووووووووع فكرته من فتره في بالي ويالسه اجمع معلومات عن الموضوع واذا انت حابه نتعاون وانا ابغي اشاااااااااارك وياج