طلاب البحرين بغيت مساعدتكم ضروري

●
●
●

. أهليــن حبوبة ^.^

أنــآ في AMA وأدرس هالتخصص

بروح سنة ثانية،،

وبفيدج اللي أعرفه ^_^

بالنسبة للتخصص أول شي هو مكس بين البزنس والآي تي.. يعني في مواد بزنس مثل الأكاونت، الماركتنق، المنيجمنت وإلخ.. وبنفس الوقت مواد آي تي بس تتعلق بالبزنس.. مثلا تجارة إلكترونية وشي جذي.. يعني لازم بكل كورس في مادة معاها لاب كمبيوتر.. وساعات مادتين فيهم لاب بالكورس الواحد

بالنسبة للدراسة وايد سهلة وحلوة والتخصص حلوو ومو معقد.. بس شوي في مواد يبي لها حفظ مثل المواد العامة الهستوري والماث..

وبالنسبة للجامعة أكيد أحسن من المعهد لأن الشهادة بكالوريوس ومعترف فيها.. والمعهد مب بكالوريوس..


الحين بالنسبة لنظام الداراسة يمكن سألتي عنه أو تعرفينه بس بعطيج معلومات عنه

أول شي كل سنة دراسية فيها 3 فصول دراسية "الفصل الثالث يعتبر فصل عادي مو صيفي"

وبين كل كورس وكورس إجازة ثلاث أسابيع تقريبا.. وكل كورس مدته 3 أشهر ونص تقريبا.

بالنسبة لنظام الإمتحانات..

كل مادة لها 100 درجة مقسمة على

30% للمنتصف الأول

30% للمنتصف الثاني

40% للنهائي

وأحلى شي إن الكمية اللي تدرسينها في المنتصف الأول ماتدخل بالمنتصف الثاني ولا النهائي طبعا..

يعني كل إمتحان له كمبية محدد بس تمتحنينها خلاص ماتدش باللي عقبها

تقسيم الدرجات جذي:


50 درجة لللإمتحان

40 درجة للإختبارات والواجبات والبرزنتيشن والأنشطة

10 درجات على الحضور

بيكون المجموع 100 درجة لكل منتصف وللنهائي.. مثل ما قلتلج للمنتصفين ياخذون منها 30% وللنهائي 40%

ويجمعونهم وتطلع من 100 طبعا وهي اللي تنحط بالشهادة

والنجاح من 75


بالنسبة لرسوم الدراسة

أول مابتقدمين طلب لازم تدفعين نسيت يا 25 أو 50 رسوم تقديم الطلب

وطبعا يعطونج ورقة فيها المستندات المطلوبة

عقب ماتسجلين.. بداية كل سنة دراسية تدفعين 150 دينار بحريني.. رسوم التسجيل للسنة كامل.. يعني طول فترة الدراسة لين التخرج تدفعينها 3 مرات لـ 3 سنوات


وكل مادة لها 3 كردت والكردت الواحد بـ 50 دينار يعني كل مادة تدفعين لها 150 دينار

والحد الأدنى للمواد كل كورس هو 4 مواد والأعلى 6 مواد "طبعا كورس التخرج استنثنائي"


أي وبعد شي.. عقب ماتسجلين بيعطونج وقت تروحين تقدمين إمتحان القدرات ووقت للمقابلة الشخصية..

إمتحان القدرات يتكون من مستوى واحد رياضيات و3 مستويات إنجليزي.. ولج وقت أعتقد ساعة ونص أو ساعتين للامتحان

إذا نجحتي بكل المواد تعدين التمهيدي وتقدرني على طول تسجين 4 أو 5 مواد في الكورس الأول

أما إذا لا سمح الله مانجحتي في مستوى تاخذينه تمهيدي..

إذا كان عندج مادة وحدة تمهيدي تقدرين تاخذين وياها أعتقد مادتين من المواد العادية..

وإذا مادتين تقدرين تاخذين معاهم وحدة "هذي مو متأكدة منهم لأن طوفت التمهيدي"

بس ع العموم الامتحان سهل وايد.. انجليزي ورياضيان عامة..

والمقابلة بعد بسيطة يسألونج أسئة عنج وجذي وعن التخصص وليش اخذتيه وبس..

إاذ صار عليج مواد تمهيدي مدة التخرج بتزيد عن ثلاث سنوات.. بكورس أو كورسين..

إذا بدون تمهيدي ومشيتي على الخطة اللي بيعطونج اياها تكملين في 3 سنوات


وبعد نقطة.. إاذ كنتي محولة من جامعة البحرين.. تطلعين منها سليب الدرجات الأصلي بالانجليزي وتودينه لهم ويشوفون إذا يعادلون لج بعض المواد.. الحط الأقصى للمعادلة 10 مواد..


إممممم هذا اللي حسيته مهم.. إذا بغيتي أي سؤال ثاني لا تترددين :9_28: .

●
●
●

●
●
●

. أفا عليــج حاضريــن.. وأي استفسار ثاني لا تترددين ^_^

بالنسبة للغة.. لا تطمني.. حتى لو إنتي مب لهناك وصار عندج تمهيدي.. مواد التمهيدي الإنجليزي كلها عامة وبتفيــدج وايــد..

بالنسبة لتحويل الشهادات مال المدرسة قصدج؟؟ إذا ماخاب ظني فمن جهاز الإمتحانات تطلعين النسخة الأصلية بالإنجليزي.. أعتقد بدينارين..

طبعا إنتي طلعي الأصليين بيعطونج إياهم ورقهم أصفر مقوى.. وصوريهم وودي الجامعة المصورين ^.^

وأي استفسار ثاني أنا بالخدمـة ^_^ .

●
●
●