تونا مخطوبين والحقير يخوني (آخر الاخبار )

السلام عليكم ورحمة الله وبركاته

كيفكم يا احلى بنات والله فرحتي بيكم ما توصف وعن جد خليتوني احس اني بين اهلي وخواتي بعد وقفتكم معاي في

مشكلتي اللي هي في الموضوع (تونا مخطوبين والحقير يخوني )و قسما بالله تتبعت نصايحكم وجلست اصلي واستخير

ربي العالمين وبدعواتكم لي اللي انا اعرف انها كانت بقلب صادق

ربنا جعلي مخرج صدق وبانت الحقيقة قدامي من غير ما اكلف نفسي

اخت خطيبي الكبيرة الله يجزاها خير توسطت في الموضوع وجابت البنت اللي اسمها زينب وجلست خطيبي وانا طبعا

كنت معاهم على التليفون من غير ما تدري البنت وخطيبي عشان اسم كلامهم

المهم البنت اعترفت انها قرات رسايلي من الفاتورة المفصلة تبع التليفون وساعدها فيها واحد صاحبها شغال في

الاتصالات وممها عرفت رقمي

وعشان ابو البنت متوفي وما عندها اخوان ما في الا امها وجدتها اهل خطيبي يساعدونهم و وصلونهم وكذا وعشان

كده خطيبي راح عندهم للبيت عشان يتطمن على جدتها لانها كانت في المستشفى وسوي معاها الواجب عشان ابوه
مسافر

ومرة ثانية جاب اصحابه لبيت البنت عشان يصلحوا لها غرفة في السطح تحفظ فيها قران للاطفال عشان قالت انا ابغى

اشتغل عشان اصرف على البيت

والبنت لما شافت ان خطيبي يجي عندهم ويساعدهاعشان ابوه مسافر وخصوصا انها ما شافته من يوم خطبني (وانا

قلتلكم انه كان يعرفها قبل ما يخطبني )فهمت انه يحاول يقرب منها فصارت تكلمه كل شوي واحنا نبغى نروح السوق

واحنا نبغى نروح المستشفى وهو كان يجي يوصلهم ورجعهم البيت

ويوم خطيبي شاف انها تجيب شباب عندها خاف على عمره وقال ما بروح عندها فصارت تتصل بيه ما يرد عليها وتتصل

بيه على الشغل ما يرد راحت له لشغله ووقفت وهو طلع لها قالها ايش في قالتلها انت ليش تتهرب مني

المهم كلمة منه وكلمة منها ولما شافت انه ما يفكر فيها طعنته بمقص في كتفه

وقالت لاخته ان خطيبي كان قبل سنتين (قبل خطوبتنا )مواعدها بالزواج وضحك عليها وراح خطبني واني انا ما

استاهل وما احب خطيبي وان هي يوم كانت تتصل علي انا قلتلها انا بس استغله وكنت ابغى الفكة منه

ويوم قالتلهم اني انا اسمعهم في التليفون جلست البنت تبكي وتقولهم سامحوني انا غلطانة وانا فهمت غلط وجلست

تطلب مني اني اسامحهاواشترطت عليها اخت خطيبي انها ما تكلمني وما تخلي احد يدق علي من الشباب اللي تعرفهم

(عشان هي سبتني قبل كده وقالت علي اني مو محترمة واني اعرف شباب فقامت وزعت رقمي على ناس تعرفهم

لدرجة اني كل دقيقة يجيني اتصال من واحد ويطلبني بالاسم )

وانهم لما يحتاجون شي امها تتصل على بيت خطيبي وما احد يدق على جواله

وبعد البنت ما مشيت جلس خطيبي واخته يراضوني و يعقلوني وقالتلي ان المفروض الواحد ما يتأثر بسرعه المفروض

يشغل عقله

والحين انا وخطيبي تمام ونسينا المشكلة زي ما يقولوا سحابة صيف وان شاء الله زواجنا بعد رمضان

وانا ما حبيت انكم تساعدوني و مااقولكم على ايش صار عشان اريح بالكم واطمنكم علي :9_28::9_28::9_28: