سؤال حق الي ولدوا بأول التاسع.....اتمنى الكل يشارك

هلا يا الغالية
اول شي الله يثبت لج حملج
ويسهل عليج يارب

وهذه اجابات اسالتج:


شنو كنتي تسوين؟
ماسويت شي غير كنت اقرا قران وادعية التساهيل

شنو كني تاكلين او تشربين؟
بديت اكل الرطب لان ماكنت اكله ببداية الحمل

شنو حسيتي فيه؟
حسيت بالام خفيفة مثل الامساك بس مو مستمرة

هل نتى متوقعة الولادة مبجر و لا كانت مفاجأة؟
كنت متوقعة الولادة مع ان المستشفى عاطيني موعد غير مبكر

كنتي تتحركين وايد؟ ولا كله مرتاحة؟
احيانا واحيانا

مشيتي عالبحر؟
لا
كنت تمشى بالبيت او ممشى
هل الطفل يتأثر سلباً اذا الولادة بأول التاسع و لا عادي؟ يعني صحياً لان ما كمل 9 شهور
جم يوم ظليتي بالتاسع؟

لاماعتقد لان البنت من تدخل التاسع خلاص عادي تولد وانه من دخلت التاسع الدكتورة قالت لي استعدي للولادة باي وقت
انه على 37 اسبوع وكم يوم ولدت

مشكووووووووووة حبيبتي امونةة

الله يخليلج علاوي يا رب

بعد؟

منو تقولنا عن تجربتها؟

انا بولدي الكبير ما ولدت باول التاسع .. تقدرين تقولين بنص التاسع :D_smil1: ولدت وكان لي 38 اسبوع و4 ايام :21_207:

وكانت الولادة جدا مفاجئة وما توقعتها ابداااا وبالعكس كنت متوقعة اكمل شهري كله .. كان موعد ولادتي ب4 \ 4 \ 2004 يعني تاريخ حلووو لكن ولدت قبل ..

وعن الالام وهالسوالف ما حسيت بأي شي سوى متاعب الحمل والام الظهر .. والمشي كان عادي ،، اقصد ما كنت اروح اتمشى خصوصي حق الولادة لكن انا كنت بالجامعه وكان يصيدني مشي وايد هناك ..

الاكل ما اكلت شي خاص ..

وكانت الولادة بسبب انفجار كيس الماي اللي حول الجنين .. وانا قرأت مرة ان الجماع في الشهر التاسع يساعد على تفجير كيس الماي ويسرع الولادة .. وانا فعلا زوجي ما وقف ال........ في الشهر التاسع :21_207: والدكاترة ينحصون فيه حق الولادة الميسرة ..

والحمدلله ولدي كان بخيييير ووزنه 3.364 كيلو وكل شي عنده تماااام ..


بس حبيت اوضح ان انا لما نزل علي الماي رحت المستشفى بسرعة وهم خلوني عندهم 3 ساعات ولما شافوا ان ما فيني طلق حطوا لي طلق صناعي وذحبني هالطلق وولدت بعد ما حطوا الطلق بحوالي 7 ساعات (w)


اما حملي الثاني فولدت قبل موعد الولادة ب4 ايام ايام .. وكان كل شي طبيعي والحمدلله ..




الله يسهل عليج وتقومين بالسلامة ان شا الله :9_28:

انا ولدت ببأول التاسع بعد عشر ايام تقريبا

ما سويت و لا شي


هذه إراده الله

كنت عادي كله حركتي عاديه و لا أكلت شي

للرفع

انا بولدي الاول:

ولدت من الوقت : بالاسبوع ال35 وكان صغير فديته وظل بالشيشة 3 اسابيع والله تبهدلت
بولدي الثاني:سوو لي طلق قبل الموعد باسبوع

وانا ما في احد احس مثلي يمشي، والله امشي مشي اليهههههههههههههههههههههههههههههد وانام ميتة


والحين نفس الشئ: افرش وارتب بيتي اليديد، وهلكانة وايد
وتعبانة من الحمل والله

ما اتمنى اولد الا بنص التاسع ما ابي من الوقت

اول حمل لي وبقى علي5 ايام واخلص التاسع لحد الان ماولدت والتساهيل بيد الله
لا تستبقي الامور والله يسهل عليك في وقتك ............لانك بتتعبي ادا حطيتي في
بالك الولاده من بداية الشهر وادا طولتي بتتعبي نفسيا

هذا اول حمل لي

وانا الحين بنص الثامن

قالت لي الدكتوره اذا كنتي تبين تولدين بسرعه امشي من الحين نص ساعه واذا دخل التاسع امشي من ساعه الى ساعتين مو شرط متصله واشرب قرفه كثير وملعقه زيت الخروع كل ثلاث اياام

وكل شي بارادة الله

والله وانا مثلك يا اختي العزيزة
صار لي 8 ايام بالتاسع
واتمنى من كللللللللللللللللللللللللل قلبي اني اولد في اي لحظة
ابصراحة تعبت وودي اتخلص من هالثقل ابسرعه وارجع لحياتي الطبيعية
بس انا مواظبة على المشي على الاقل 30 دقيقة يوميا
ومن اليوم ان شاء الله راح اشرب قرفه واكل اناناس من الخااااااااااااااااااطر
يقولون يسرع الولادة
وبالتوفيق

اشكر كل الاخوات الي شاركوا

صراحة تجاربكم جداً مفيدة

و انا ماراح استبق الامور و بالنهايه كلشي بيد رب العالمين بس احنا ناخذ بالاسباب


الله يسهل على كل حامل يا رب

الصراحه انا بأمنن انو ربنا لما بدو الولد ييجي ويولد بيولد لانو له ساعته وكل وحده ونصيبها وحتى لو الوحده تعرضت لظروف طارئه من الارهاق والتعب والركض هذا كلو باراده رب العالمين يعني الي كاتبو بصير وكمان انو اسمعت زيت الخروع مو منيح ةممكن يقتل الجنين لهيك خفت استعملو

lemar1981

فعلاً كلامج صحيح و اشكر مشاركتج
و بالنسبة لزيت الخروع فعلاً انا بعد سمعت كلام متناقض عنة

انا اليوم لي 11 يوم بالتاسع
والله اني بموووووووووووووت ومتحرقصة بس ابغي اربي باسرع وقت
بس خلاص احس ما فيني صبر
بس احس بالالام خفيفة مثل اللاام الدورة اتي واتروح
بس ما في اي شي للاسف
ادعولي يا بناااااااااااااااااااااااااااااااااااااااااااااااااااااااااااااااااااااااات

Anamel

الله يسهل عليج و تولدين بسرعة يا رب

لو تقرين من بداية لموضوع تشوفين طرق تعجيل الولادة ممكن تنفع باذن الله

للرفع

منو بعد ولدت بأول التاسع تفيدنا؟

و هل ممكن الدكتورة تتوقع اذا الولادة بأول التاسع او لأ حق البكر؟

بنات انا دخلت التاسع و الدكتورة قالت ان الاسبوع الياي راح تفحصني عشان شوف اذا تقدر تتوقع موعد الولادة

منو صارلها جذي؟

منو تشاركنا تجربتها؟