دموع في يوم زواااااااااجي !!! شو الحل

السلام عليكم بنات اشحالكن

هذا اول موضوع لي فالمنتدى فاتمنى اني الاقي عندكم الحل الشافي ان شاءالله

انا متزوجة ولله الحمد وعندي ولد عمره 3 شهور والحمدلله ساكنه بروحي في الشقة وكل اسبوع نروح بيت ابوه واذا كان البيت فاضي مثلا سافر ابوه ولا حد نسير نقعد اهناك عشان ما يفضى البيت ولله الحمد خواته واااااااااااااااااااايج طيبات معاي مثل خواتي بالضبط ومشكلتي يا بنات ان عاداتهم غير هم شوي منفتحين عنا يعني عادي يسولفون مع بنات خالهم وعمهم والمزح والضحك اما نحن حتى عيال عمنا ما نشوفهم الا بالصور فكانت مشاكلنا كلها عهالموضوع وفجاة وحده من بنات خاله هي معرسة وعندها عيال واكبر من ريلي اتي البيت وتضحك وتسولف وكل امورها تبا تاخذ شور ريلي فالبداية وايد تضايقت واضاربت مع ريلي قتله اذا هي قاعده انا بشل عمري وبروح وطبعا قالي كيفج هذول اهلي وما اقدر افترق عنهم وشرحلي الوضع كله وما قصر انها اكبر وشو اباها وانتي عندي من هالكلام قتله انا واثقة فيك بس فيها لا المهم استوت وااااااااااااااااااااااااااايد مشاكل بينا وبنت خاله هاي اضاربت مع ريلها وتركت بيتها ويت سكنت اهني معانا ( في بيت ابو ريلي) ونحن منتقلين له من شهور تقريبا لانه اقرب لدوام ريلي وخصى البيت فاضي بعد وعمتي الله يرحمها المهم احسها تغاااااااااااااااااااااااااااار مني انا ماريد احط شي فذمتي بس دايما تشوف انا شو البس وكيف اكشخ وانا استغليت ان البيت فاضي قمت البس على كيفي وطبعا ما اقصر فنفسي جدامها وحركات واسولف معاها عادي واحبها واضحك بس من يدش زوجي انجلب قهر ومد البوز ماعرف ليش وقبلها يوم عرفت انها سكنت معانا انقهرت ورديت من بيت اهلي لاني ماريد ريلي يكون بروحه وييت ركض وريلي طبعا حس بالحركة هاي المهم شوي مني ومنه اضاربنا قتله ما اباك خلاص قالي روحي وخلي ولدج اهني وشدت الضرابه وتدخلت اخته وصالحتنا يزاها الله خير لين ما جا ورقد عندي واعتذر وتم يحبني وانا قررت حزتها ما اغار تنقع هي دام زوجي عندي وبحاول اسعده قد ما اقدر ومرة حضرتها بالرغم من مشاكلها مع زوجها تحنت وقالتي ريلج يحب الحنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انا تفاجات قتلها لا يكره وحده متحنية وانا احب الحنا بس هو يغار علي لاني اداوم وما يباني اتحنا جان تسكت ودايما تسال عنه وينه وشو يسوي وليش يرقد هالكثر ومرة قالتلي انا عادي اتزوج انسان معرس قتلها ليش ترضين على غيرج نفسج لانها زوجها تزوج عليها قالت لو كان زين ويا زوجته عادي انا زاد قهري وطبعا ما قلت لريلي وقعدت مع اخت ريلي وشرحتلها اني اغار وفهمتني وقالت فلان والله ما عنده هالامور هو يحبج ويحب ولدكم واقنعتني وانا تغيرت بس بين فترة وفترة ارجع اضارب والله غصبن عني ومرة كنا قاعدين انا وريلي وولدي في غرفتي عندهم دشو علينا ياو قعدوا عالشبرية وحضرتها قعدت عدال ريلي وشوي بتتسدح؟؟؟؟؟؟؟؟؟؟؟؟ ريلي شل عمره وطلع وسار نام غرفة اخوه وبنتها الكريهة من الصوب الثاني اتي تلعب باغراض ولدي وتكسرهن وانا ما احب الفضول وكل شوي تدخل غرفتي تبا ولدي هزبتها قتلها دقي قبل وهي عمرها 6 سنوات بس مخها ولا 20 سنة ما شاءالله وكل شوي طبت علينا اخر مرة هزبتها قدام امها ومرة ضربت ولدي بغيابي طبعا سمعت صوته من الدور الثالث يييت ركض قالي ريلي اكيد مغص ولا شي عقب ما طلعت قالي هي ضربته وانا فولت عليه ليش ما نازعتها قال ياهل وقعدت انا مبوزة ويا وراضني المهم هذا كله فكوووووووووم

والعوق اولت البارحه كان عيد زواجي الاول والحمدلله صادف الاجازه زهبت الغرفة عقب الغدا وتكشخت وشريتله هدية وغيرت الفرش وكله اترياه المهم دخل وياب هديتي معاه وقعدنا ضحكنا وسولفنا وكل شي ......... عقب المغرب ابا اظهر الحين وياه قمت وتحججت قتله وديني الخياط جان تقول اخته لا تروحين بروحج شلي معاج حد الحبيبة قامت وراحت لبست قالت انا بروح احميج اونه وانا خلاص فوللللللللللللت واخته بعد راحت معانا وقلت لريلي عقب الحياط نزلهن وبنروح نتمشى قال اوكي دخلنا الخياط المهم طلعت بسرعه بحجة ما عيبني شي وهي طبعا تبا تعرف انا شو بلبس وشو بسوي وفالسيارة سالني زوجي شو ما عجبج شي نقزت فالنص وتقول الملابس مب حلوة قتلها هذا الماشي وانتي ما تعرفين شي المهم وصلنا البيت نترياهم ينزلون مرت 10 دقايق سويت روحي انزل قالي ريلي قعدي بنروح السينما قالت اخته حتى نحن بنروح وقعدوا معانا وانا الدموع اربع اربع من تخت النقاب قتله ابا فيلم وهن يبن فيلم ثاني وقعدنا نعاند وريلي قال بروح معاها يعني معاي جان تقول اخته خاص نحن بنروح فتاكسي انا استحيت قلت لا خلاص بنروح على كيفكم اخته والله طيبة وما عندي اي مشكلة معاها بس بنت خاله نقزت من النص ودينا مارينا مول انا ما رديت عليها ونزلنا السنما وقعدت ايدي في ايد ريلي واضحك واسولف لو القهر ضاربني واطرش له مسجات اقوله عن احساسي وهي وين ماراح ريلي وقفت ما ادري تقصد اولا ..... المهم ردينا البيت وانا اصييييييييييييييييييييح من دخلنا الغرفة فجيت الونان مالي قالي بيسمعوونج قتله ما يهموني شو ماشي عقل انا عادي اذا جاو معانا بس الا فهالييييييييييييوم انا مودره ولدي عند الشغالة عشانك ويون يخربون علي قالي خلاص والله بعوضج اسكتي خلاص يوم ما سكت قال قومي يالله لبسي بنظهر قتله لا باجر دوامات وسير ارقد انا بتم واعية منغصة وما برقد وقعد معاي يراضيني وقتله حضرتها تتشرط بعد مارينا بشوتها في ظهرها كنت المهم رقدت عادي وراضيت زوجي وقررت اني ما اودره ايدي في ايديه وهي كل ما شافته فتحت مواضيعها ما ادري قاصدة او لا بس انا انقهر واااااااااااااااايد قتله برجع شقتي قال بعدين يوم بيرد ابوي من السفر ان شاءالله ما عرف شو اسوي وشكلها هي مطوله واااااااااااااااااايد وهي صح ريلي هداني ساعه خليته يلبسني قدامها..... وادلع زوجي جدامها لو ان زوجي مب رومانسي مرة بس احيانا يعق كلام يثبت حبه لي بس ما اعرف شو اسوي زيااااااااااااااده ابا اقعد ويا ريلي بروحنا بس الا ما يقتحمووووووووووووون ونحن بعدنا بس كملنا سنه والله الحمد

ساااااااااااااعدوني كيف اتصرف بطريقة ما ابين لهم هالشي وارضي زوجي دايما وابدا لاني احبه والله