الى مستخدمي كريم "خلطة المملكة الطبيعية" ....هام جداً

والله الصراحه يا اخت ام ريوف أنا جربته بس على مساحة صغيره في خدودي وسبب لي حساسيه وحكه ومكانه صار أحمر من يوم الجمعه اللي فات إلى اليوم آثاره موجوده والحكه لي الحين ماراحت واللي يشوفني يسألني شفيه ويهج كإنه محترق وماناسبني لأنه بشرتي وايد حساسه وتركته .
وهذي تجربتي وإنشا الله البنات اللي جربوه مايقصرون معاج ويقولون لج تجاربهم .

والله ما ادري انا ما جربته بعد
بس كنت ناويه اجربه بس في
وحدة قالت لي انه يسبب الحساسية
ويطلع حبوب للبشرة الحساسة بس
البشرة العادية اللي مافيها شي
ما ادري يناسبها والا لا 000

شكرا لج ام ريوف على سؤالج المهم

بعدين منتشره عدنا بالامارات كلام وايد عن خلطه مبيضه سعوديه جدا مضره وانه اللي تستخدمها وتتركها ترجع بشرتها لاسوء مما كانت .

الاخت ندويا الله يعينج لانه البشره الحساسه بسرعه تتاثر انا اختي بشرتها حساسه اول ما يتغير الجو او حتى غبار تتحسس وتتقشر معاناه.

تحياااتي

ياليت يتم تثبيت هذا الموضوع فتره اطول لكي نعطي الاخوات اللي جربوا الخلطه واللي لسا ما جربوها فرصه للرد ......


وشكرا
;)

ايوالله انك صادقه يا ام ريوف انا كنت ناويه لما توصلني الخلطه راح اكتب عنها واقولكم وش صار معي بس انتي سبقتيني وانتي دائما سباقه للخير

انا انشاء الله توصلني بعد تقريباً خمسه ايام وحنا تقريبا 6 بنات نبي نجربها
واقولكم وش صارمعي ومعهم اوكي
:D

وفعلا يا ليت البنات اللللللي طلبوها واستخدموها يخبرونا وش صار معهم لان البشرات تختلف

:confused: يابنات السعوديه قولولي انا كيف نقدر انجيبها الكريمه هذي هم يبيعوها خارج السعوديه ولو عندكن رقم المحل الي يبيعها ياريت تعطنه لي واكون شاكره :confused:

فعلا ياريت انه يتثبت لفتره للفائده

بلييييييييييييز ثبتوه :confused:

مرحبا ...

جربته الخلطه بس كلامك خوفني عنها صار لي اسبوع الحين .. وما اعرف ما حسيت بحكه او اي شيء من هالنوع .. والحمد لله أحس بشرتي تحسنت شوي ... حتى لما رحت الصالون عشان تنظيف الوجه .. قالت لي التايلانديه الي تنظف الوجه انه بشرتي صايرة تحسنت.. والحمد لله ;)

الله يطمنك يااريج

لاني طلبت لي وللعائله المصونه يعني تقريبا 7 كريمات

تخيلو لو ما يطلع زين كان تعرفون وش صار فيني :confused:

والله ما يخلونها لي بس الحمد لله انها نفعت معك يا اريج لان البشرات تختلف فيها الحساس والعادي وووووووو

مشكورين أخواتي على تفاعلكم مع الموضوع.
وأود في الحقيقيه ان اوضح امرا وهو اني لم اكتب هذا الموضوع للتنفير
من هذا الكريم او الاضرار بموزعه ولكن بما ان هذا الكريم جديد علينا
فحبيت معرفة رأي كل من جربت الكريم لنرى مدى فاعليته وسلامة
استعماله.
واتمنى ان تبادر احد الاخوات ممن يملكون هذا الكريم ولديها القدره الى
ايصاله الى احد المختصين لفحصه وتزويدنا بالنتيجه ونكون شاكرين لها.

اخواتي اللي جربوا الكريم:
ارجوا انكم ماتبخلون بردودكم وايضاح رأيكم بالكريم بعد استعماله سواء
بالسلب او الايجاب.


وتقبلوا تحيات اختكم ام ريوف

هلا حبيباتي ... انا صديقتي تستخدمة من يومين وتقول انه كان يحرق في البداية لان بشرتها حساسة بس ثاني يوم صار عادي,, اصبرن عليها خمس ايام وبقولكن النتيجة :D

تدروون ليييش بعض البنات حرق تحسست بشراتهم منه!! وسببتلهم حكه؟؟
لانه موجود في مكوناته حامض الليمون!!!
فعشان جذي لازم يحرق البشرة اللي فيها جرح او حساسيه انا هذا اعتقادي وعلى فكرة انا الحين اجربه واصبرو على خمس ايام واعلمكم بالنتيجه.

شخباركم بنات

انا امس استخدمت الكريم وحسيت بحرقان ووخز بسيط بس بعد شوي راح وطبعا هذا شيء طبيعي لان الكريم فيه ليمون وانا بشرتي حساسه وحسيت بعد ان الكريم فيه كيلي مثل ريحة كريم كيلي مجرد احساس مدرى والله بس المهم اني صحيت اليوم الصبح الحمد الله احس ان بشرتي صافيه وحلوه والله من اول مره بس طبعا مع الوقت راح يبين كل شيء وانا راح اكتب لكم النتائج اول باول وياريت يااللي جربته تكتب وش صار معها
جزاكم الله خير

Gurls pleeeeeeeeeeeeeeeeeease tell does this products have bad affects and if it is can you mention them pleeeeeeeeeeeeeeeeeeease cuz my sis wants to buy one
:confused: :confused: :confused: :confused: :confused: :eek:

اهلين بنات اذا تبغو ن نصحتي اتركو الخلطات كلها مضره واسئلونى انا :confused:

تأكدوا اذا فيها نسبة حتى لوكانت ضئيلة من الكورتزون.؟؟ واذا فيها.. خلوها تولي..لان الكورتزون يبيض بسرعة فائقة ويحلي البشرة بصورة رهيبة لكن مع الوقت اذا تركتيه يسود لون بشرتج 9 درجات تحت لونج الطبيعي..وغير هذا يسرطن الجلد..ويقتل خلايا لون البشرة الاساسية...:mad:

بنات وين احصله بالرياض
تعبت وانا ادوره عند محلات التجميل والعطاره

حبيبتي ورد الحزينه .... الخلطه ما تنباع في المحلات بس في باالرياض موزع لها تتصلين عليه وهو يجيبها لك يعني يوصلها او ترسلين له احد ياخذها ورقم الموزع ( 057189916 ) واسنه ابو علاء اتمنى ان الارقام مو ممنوعه وانا والله ما كتبته غير للفائده
جزاكم الله خير

بنااات آسفه داخله عرض

بس حبيت اقولكم ياليت لو وحده من اللي عندها كريم خلطة المملكه الطبيعية تعرضها على طبيب عشان يشوف مكوناتها اذا تكرمتوا

والله ماقلت هذا الكلام الا عشاان خوفي عليكم لانه صرااحه شي غريب انه خلطه طبيعيه وتبيض في اسبوع

آسفه ماودي اخرب عليكم واخوفكم منها بس الكلام اللي قلته صح

باااايوو