خايفه من الجامعه وخايفه من التفكير لا يذبحني

هلا اختي

ترى موضوعج جدا جدا بسيط ومايحتاج كل هذا التفكير والخوف يعني انتي كبرتي الموضوع وهو صغير

اولا انتي ماذكرتي سبب خوفج من دخولج الجامعه يعني انتي تقولين انج بتدخلين عالم ثاني ترى هذا مش سبب
ثانيا في وايد ناس كانوا متخوفين من هالشي ولكن توكلوا على الله ودخلوا ونجحوا بحياتهم

يعني ياطويلة العمر تعوذي من الشيطان وجهزي امورج للجامعه وصلي استخاره واقدمي على الجامعه بكل تفاوؤل وان شاءالله خير

وصدقيني بعد مده راح تحمدين الله انج دخلتي الجامعه وما فوتي عليج اي كورس

الله يوفقج

وناطره اسمع منج

سلامي

اختي الله يوفقك و يسر امورك و مبروك عليكي نجاحك و تفوقك وكمان قبولك في كلية الهندسة بهنيكي لانوا تخصص واعد وان شاء الله بيكون بداية لحياة ناجحة ان شاء الله و بالنسبة لموضوع الجامعة فكلنا مرينا منها و اكيد بالجامعة بتلاقي عالم اخر بتلاقي فيه من كل الاشكال و كا اكثر الاشكال الخاسية بس اختي انتي انسانة متربية و سلاحك رح يكون مبادئك الي اتشبعتي فيها بين اسرتك الي ربتك على المحافضة على نفسك و ها الاشكال من البشر ممكن تلاقيهم في اي مكان في السوق في الشارع في و في ... ليش بتفكري انو هما الي ياثروا فيكي و مو انتي الي اتاتري فيهم او على الاقل في شخص تردينه للطريق السليم زميلة تنصحيها او صديقة تاخدي بيدها لا يكون تفكيرك سلبي و ديما خدي الجانب المشكرق من الامور و بعدين هدا مستقبلك ما يجوز تضيعيه في افكار مثل هادي يعني انتي ممكن تقولي ان كل الجامعيات خاسيات؟؟؟؟ لا اعتقد بل في جامعيات فاضلات و محترمات جدا اعتبري نفسك منهم و بالتوفيق ان شاء الله

اختي العزيزه مثل ماقلتي الجامعة عالم ثاني
وترى كلنا مرينا في هذه المرحله الي تكلمتي عنها..انا وصلت لمرحله قعدت فيها مستوى كامل في البيت لان مو قادره تنقبل شيء ..ولو على هواي في لحظه درست كل شيء طب هندسه اداره
ووساعات ماودي ادرس ولا حاجه..اختي اخذيها قاعده
مافي شيء مايبي اليه جهد وتعب ..وكل شيء اجي بسهوله يروح بسهوله..
وبالنسبه الى اشكال بنات عادي يااختي..ترى ناس اشكال و الوان ..و الشاطر الي يعرف يعيش بين كل الناس من دون ما يتأثر بمبادئه وقيمه..وترى يمكن شكل ايل ماترتاحي اليه هي الي تخدمش و تعينش..والي ترتاحي من شكلها هي الي صدش وتطلع من تحت الى تحت..

أختي الغالية .. الجامعة كانت بالنسبة لي ولازالت أجمل أيام عمري .. ويا ليت بس ترجع وترجع لي صديقاتي اللي عرفتهم بالحلوة والمرة وكنا أكثر من أخوات لأني كنت عايشه بشكن داخلي للطالبات.. دخلت الجامعة وانا مثلك خايفة وقلقة .. خايفة من زحمة الدراسة ومن توقعات الأهل ومن الصحبة السيئة .. ولكن الحمد لله كل شيء كان تمام ومصير الخوف يتلاشى بدخولك داخل التجربة بنفسك.
انتي بنفسك راح تقرري طريقك وتفرضي شخصيتك وراح تصاحبك اللي هي مثلك في التفكير والنظرة للعالم والحياة .. لا تقلقي وتأكدي انك بتبكي لما تفارقي الجامعة وتتمني لو ان الزمن يرجع ورى لأول يوم دخلتي فيه علشان تستعيدي كل اللحظات الحلوة..

أثرتي في نفسي عواطف مخزونة تحاول الأيام تمحيها .. يا ليت ترجع لي أيام الجامعة:cry:

هيه والله صدقج انا بعد وااااااايد اخاف من جامعة الامارات بالعين

وانا تقريبا نفس نسبتج بس نقصي درجه خخخخ

وبما اني من بوظبي دشيت الكلية وبتخصص علمي

لكــــــن


انا نفسج كنت وايد وايد خايفه من مجتمع الجامعه والكلية

ووالاول الايام كانت بالنسبة لي كاااااارثـــه..تقريبا اول شهر بس

خاصه انه محد من ربيعاتي ايام الثانوية كانت معاي

بتنصدمين اكثر شي من البنات في الجامعه وطريقة تفكيرهم الغريبه :qaq:

لكن الحمدالللله الله رزقني بصحبة جيدة

نفسي ونفس تفكيري :21_207:

سبحان الله

والحمدلله استوت لنا سنتين مع بعض وبنكمل ان شالله لانه حتى مجال شغلنا مع بعض وفي مكان واحد
......

وبالنسبة لصعوبه الدراسه

انا بعد كنت خايفا خاصه من تجارب البنات

(الدراسه صعبه والمدرسين ماعندهم تفاهــم والله يعينكم ..والتخرج صعب..بتندمو انكم دشيتو الجامعه..الاشغل اريح)

ومن هالكلام الكئيب (w)

لكن يا حبيبتي انا خذيت الامور ببساطه

مع انه كان عندنا ضغط مواد وبروجكتات

اذا انتي تعاملتي مع الامور بصدر رحب وسهل الامور راح تتسهل

واذا كبرتي السالفه وزودتيها راح تتكبر الامور وتتصعب عليج

فكري فيها انه مجرد امتحان تدرسين صفحات وتقدمينه

وامتحان ورى وامتحان لين توصلين لنهاية السمستر يعطونج الامتحان النهائي وتنتهي السالفه

لا تصعبين الامور وتعيشين حياتج دراسه في دراسه

ادرسي بس بشكل خفيف

لا تقعدين ساعات مجابله الكتب

ترى والله بتملين وبتحسين نفسج منعزله وغير عن الناس


ولا تنسين انه الصديقات لهم دور اساسي في الجامعه :balloons:

اقربي من صديقاتج الي لهم نفس طبعج وتفكيرج

لا تقعدين مع الي مثلا كسلانه وماتهمها دراستها ويايه الجامعه عشان تتسلى ودوم كلمه الدراسه صعبه على لسانها

لانه مع الايام بتاثر على نفسيتج

كان عندنا في الكلاس هالنوعية من البنات واثرو على ربيعتي وخلوها تطلع من الكلية! وصار تفكيرها كله الدراسه صعبه الدراسه صعبه


وترى الهندسه واااااايد حلوة وممتعه

ومجال البروجكتات فيها حلوو

والشغل بيكون احلى

عالعموم

انا حكيت لج عن تجربتي لانج ذكرتيني بنفسي قبل سنتين هههه

والحين عقب سنتين وانا في الكلية ..احس انه صدق بيتي الثاني...:poster_dev:

صدقيني بتتعودين على المكان وبتستانسين

وبيصير الوضع عادي ..كانج يالسه في بيتكم ههه

سوري طولت علييج

اللله يوفقج ويريح بالج ويبعد عنج بنات الحرام

الله يحفظج

ليش تخافين من بنات الجامعه؟ ترا هاذيل متخرجين من الثانوية يعني شراتج بالضبط، الاشياء اللي تصير في الجامعه هي تفسها اللي كانت تصير في المدرسة بس فروق بسيطة و امتيازات اكثر.

الانسان الطموح والناجح مايفكر بهالطريقة، يعني لاتمين خايفة وشالة هم البنات و حركاتهم، انتي اكبر عن جييه، فكري منو من البنات المتفوقات اللي راح يكونون معاج و كيف راح تنافسينهن بذكائج و مهاراتج و توفقج، فكري كيف تحافظين على مستوى تفوقج العلمي وشو الاشياء اللي لازم تركزين عليها عشان تتخرجين بامتياز مع مرتبة الشرف، يمكن مابتلقين حد من ربيعاتج اللي كانوا وياج في المدرسة و بتضطرين انج تتعرفين على بنات من امارات ثانية بيكونون معاج في نفس مجال تخصصج وفيهم الزين والشين وانتي اكيد ما بتميلين الا للبنات اللي بتلقين ان في شي مشترك بينكم او بتلاحظين عليهم الادب والاحترام و بتحسين انهم يستاهلون صداقتج.

لعلمج ان تخصص الهندسة مب سهل ان الواحد يحصل قبول فيه يعني اغلب اللي بيكونن معاج متميزات و متفوقات و جادين في الدراسة، اللي يبا يلعب اكيد بيدش تخصص سهل عشان يقزرن وقت و بس لانهم بدون هدف ماوراهن حد، لا تخلين هالاشياء التافهه تأثر على مستقبلج وشهادتج اللي بتفرحين فيهم اهلج كم تسوى فرحتهم و انتي اكيد مع الايام بتتعودين على جو الجامعه و صدقيني بتكون من اسعد ايام حياتج بعد ما تتخرجين بتقولين ياليت اقدر ارجع هالايام...

حبييبتي ذكرتيني بنفسي لما جيت ادخل الجامعة
كانت ماما تبغاني ادرس طب
وماكان في جامعتنا هذا التخصص فكان لازم اسافر لمدينة تانية وادخل السكن
بس من رعبي وخوفي رفضت رفض تام ودخلت تخصص تاني
وجلست في بلدي
في البداية كنت متأزمة وفكرت اترك الدراسة
لكن الحمدلله ربي رزقني صديقة
كانت احسن صديقة لي على الاطلاق
وتشبهني في كل شي ولنا نفس الميول والحمدلله فضلنا صحبات حتى بعد التخرج
بس اللي يأثر حاليا في نفسي اني ماأتشجعت ودرست طب
يمكن كان الحال اتغير بس قسمة ونصيب الحمدلله
انتي لاتضيعي ع نفسك فرصة انك تكوني مهندسة
المجال رائع ومتميز
استخيري ربنا واتوكلي عليه
الخوف شي طبيعي لاتتركيه يتحكم بحياتك

حبيبتي لا تضيعين تعبك كل هالسنوات واحلامك
والله اني كنت نفس شعورك لكن الجامعه شي ثاااااااااااااااني
حلو ووناسة بس اهم ماعليج اختاري الصحبة الخيرة

والله يوفقك يااااااااااارب ويفرح امك فيك

هلا حبيبتي

جوفي بقولج عن تجربتي لاني كنت في جامعه الامارات..ودرست هندسه معماريه :)
الغاليه انا كن تمثلج بالضبط خايفه ومتردده وكنت مقبوله في الطب..لكن الله ماراد وما انقبلت لاني يمكن ما نجحت في امتحان القبول النهائي يمكن..بس سبحان الله كان هذا نتيجه الاستخاره لاني انسانه خوافه جدا و ما اتحمل نمظر الدم و المرض..المهم قلت شو ادخل ..وانا مب حاطه في بالي شي ثاني...والهندسه كانت اخر ما افكر فيه...بس سبحان الله مادري شو اللي خلاني ادخل هندسه معماريه..قلت يمكن لانها اخف من فروع الهندسه الثانيه...
ودخلت الكليه.والحمدلله على صعوبه التخصص قدرت امشي فيه...عيل نسب وشطاره في المدرسه عالفاضي:groupwave:

وبالنسبه للي تسمعينه عن سوالف الجامعه..ترى انتي من بنات العين..وما بتدخلين السكن ...وبتحتكين ببنات تخصصج بس ..وما اظني اللي تدخل هندسه معماريه بيكون لها وقت للعب والخرابيط...:sm229: وهذا عن خبره

وصدقيني تراها من احلى ايام العمر..وبتلقين الزين و الشين...بس هذي هي الحياه...وما اظني بتشوفين شي العن عن سوالف الثانويه هاليومين..الله المستعان

الله يوفقج حبوبه و يسهل دربج..واذا احتجتي شي تراني في الخدمه..خخخخخ بطرش وياج سلامات للاساتذه حليلهم ..والله ايام حلوه ذكرتيني و حنيت لها :21_195:

بنت الدوسري
ادري اني مكبره المووضوع .. تدرين مرات اقول عن عمري سخيفه هههه لو وحده يتني تتشكى من نفس موضوعي بعطيها كف وبقولها روحي ما عندج سالفه..
ما ادري مرات اقعد مع عمري واستغرب من تفكيري وخوفي واكون عاديه يعني كل هالخوف يخوز عني لكن تييني حالات ارد اخاف وافكر واضيق ..
افكر في ربيعاتي انه نحن بنتفرق واحاتي اذا بلقى ربيعات زينات ولا لاء
افكر في الدراسه وكيف بتكون
افكر في الدكاتره واسلوبهم ووايد يقولولي انهم ما يتفاهموون
افكر في بيئة الجامعه اللي احسها بيئة وصخة مب بيئة تعليميه
افكر في نفسي بتم انا نفسي انا ولا بتغير
هنييه احس اني صدق في مصيبه مب مشكله .. لكني ارد واقول حق عمري انه انا قويه ومب ضعيفه لهدرجه والجامعه خرجت اجيااال واجيال وووايدات منهن كانن اوكيه وقدرن يتاقلمن مع ظروف الجامعه وما تاثرن بهالمناظر .. بس ليش انا افكر جييه .. هن بعد فكرن قبل ما يحدرن الجامعه مثلي ولا بس انا
دايما احاول اشوف الجانب الايجابي عشان انسى السلبي لكن يرد كل شي سلبي يلعب بمخي
يعني باختصار احس عمري شخصين مب شخص واحد شخص قوي ويشجعني احدر الجامعه وشخص ضعيف وخايف
مشكووره الغاليه ... عمروورج

yakoutta;4232845:
اختي الله يوفقك و يسر امورك و مبروك عليكي نجاحك و تفوقك وكمان قبولك في كلية الهندسة بهنيكي لانوا تخصص واعد وان شاء الله بيكون بداية لحياة ناجحة ان شاء الله و بالنسبة لموضوع الجامعة فكلنا مرينا منها و اكيد بالجامعة بتلاقي عالم اخر بتلاقي فيه من كل الاشكال و كا اكثر الاشكال الخاسية بس اختي انتي انسانة متربية و سلاحك رح يكون مبادئك الي اتشبعتي فيها بين اسرتك الي ربتك على المحافضة على نفسك و ها الاشكال من البشر ممكن تلاقيهم في اي مكان في السوق في الشارع في و في ... ليش بتفكري انو هما الي ياثروا فيكي و مو انتي الي اتاتري فيهم او على الاقل في شخص تردينه للطريق السليم زميلة تنصحيها او صديقة تاخدي بيدها لا يكون تفكيرك سلبي و ديما خدي الجانب المشكرق من الامور و بعدين هدا مستقبلك ما يجوز تضيعيه في افكار مثل هادي يعني انتي ممكن تقولي ان كل الجامعيات خاسيات؟؟؟؟ لا اعتقد بل في جامعيات فاضلات و محترمات جدا اعتبري نفسك منهم و بالتوفيق ان شاء الله

افهم كيف شعورك لاني مريت بنفس اللي مريتين فيه

اول شي كنت في الثانوية معروفه عند الكل
عند المعلمات والبنات مافيه احد مايعرفني في المدرسه فلانه بنت فلان
و كنت من ايام الابتدائي اختي معاي اصغر مني ب 3 سنوات بس اعتبرها صديقتي وكنا نطلع سوا للمدرسه ونرجع سوا
حتى المتوسطه والثانويه في مدرسه وحده والابتدائيه جنبهم

ومرت الايام وتخرجت من المدرسه
وطبعا كل شي تغير
كنت احاتي كيف بقدر اثبت وجودي في الجامعه مثل المدرسه
كنت في المدرسه من اول يوم في الدراسه اروح الفصل الجديد المعلمات عارفيني وعارفين اسمي

وصابتني حالة اكتئاب
وخصوصا في السعودية مو اي جامعه تقبلني
حاولت حتى على حسابي في جامعة الفيصل وماقبلوني قالو اكتفو من اعداد البنات وطبعا كله بالواسطه
والمشكله كان اخر تسجيل هذا قبل ماتفتح المدرسه بشهر على الاكثر

وتأزمت نفسيتي لحد مالقيت معهد
وقلت بدرس فيه مااحب اقعد في البيت :cry::cry:
اصير مجنونه واهلوس لحالي و دايما حابسه حالي
ولو تشوفين كيف حالي اول يوم بروح المعهد
اقول لامي روحي وياي
مااعرف ادخل لحالي مااعرف احد هناك كيف بتعرف على البنات و عمري ماشفتهم
دخلت المعهد والحمدالله من اول يوم تعرفت على بنت حبووووبه بس خساره شهر بس وطلعت من المعهد وراحت البحرين تدرس وخلتني
و نفسيتي تحطمت اكثر لان الامال اللي بنيتها عن المعهد كلها راحت لانه مايسوى
وتخيلي اخر شي
طلعت منه و في البيت 3 شهور وارجع للي كنت عليه من جنون لوحدي

واخر شي جت الفرصه واهلي ودوني ادرس في البحرين واخوي معاي
يعني الجامعه مختلط

وتطلع لي المصيبه الثانيه
احنا في السعوديه مانشوف الاولاد كيف بدرس في جامعه مختلط وبعدين دولة ثانيه قلت مابروح
ونفس الموال الاول مابروح مااعرف احد بس اخوي سحبني معاه
والحمدالله ثاني يوم تعرفت على البنات والحين نص الجامعه صديقاتي خخخخخخخخ
ومرتاحه في الجامعه بس طبعا اول سمستر كنت متضايقه من تغير الجو وبس بدأت اتعود عليه كل شي تغير حبيت المكان
و رجعت نفس ماكنت ايام المدرسه معروفه بشطارتي حتى الدكاتره مو مقصرين بالمقارنه بيني وبين اخوي :D_smil1:
يعني خوفي ماكان له داعي ابد وحسيت حالي فيني مرض يوم رفضت ادرس الحين اعاني من الاجازه متى تجي الدراسه :2_106:
وعلى الدراسه ترى كنت مثلك بالضبط
اقول كيف بدرس في الجامعه الدراسه اصعب
كيف بنجح مااعرف اذاكر
بس تدرين اللي اكتشفته الجامعه اسهل من المدرسه والمذاكره احلى من المدرسه يعني لاتحاتين ابد
ذاكري بتنجحين مابتذاكرين اكيد مابتنجحين
والتخصص ادرسي سمستر واحد وشوفي تقدرين تكملين والا لا وبعدين حولي لتخصص ثاني

كتبت قصة حياتي:2_106: بس انشالله قدرت افيدك ولو بالقليل

مرااااااااااااحب
حبيبي صدق انتي وايد مكبرة الموضوع انا شراتج قبل كنت اتمنى ادخل الجامعة وكنت اسمع عنها وايد وبعد ما دخلتها والله انصدمت من اللي شفته واللي صار لي يكفي اني افترقت عن اعز صديقاتي او بالاحرى ربيعة عمري ............. من غير الظروف اللي صارت لي مع هذا كله بالعكس كملت دراستي (علم نفس) وهالكورس ان شاء الله تدريب .بس صدقيني الشين والزين في كل مكان سواء التقنية او الجامعة او غيره وبعدين بتاخذين ع جو الجامعة وبتعيبج خاصة اذا كونتي صداقات فيها والهندسة تخصص مطلوب وحلو واما عن البنات والبويات لو كل وحدة نفس تفكيرج محد بيدرس فيها الجامعة وشي طبيعي انج تحاتين لانج بتطلعين من مجتمع تعودتي عليه 12 سنة لمجتمع ثاني غير بكل شي ماعدا الدراسة
اهم شي خلج واثقة من نفسج ولا تحاتين بالعكس ايام الجامعة والله ما تتعوض حلوةةةةةةة واااااايد بس ما بتحسن بها الشي الا بعد التخرج
الله يوفقج يا رب ولا تعذبين ماماتج وتخلينها تحاتي
واذا بغتي اي شي من عيوني حتى لو كان عندي تدريب بس دوامي اول اسبوعين بيكون في الجامعة وما بنقطع عنها ما يردج الا لسناج ولا بغيتي اي استفسار حاضرين
ادري وايد اتفلسفت بس كسرتي خاطري........(علم نفس لازم اهذرب)

أختي انا دخلت جامعة العين لكن عشان ربعي راحو هناك ورحت معاهم..وعشان..أمي اصرت..لكن نصيحه مني ادخلي تخصص تحبينه..عشان تمشين فيه..وتدرسينه من خاطريج..وتجتهدين فيه..واكيد بتشوفين اشكال وايد فالجامعه..بس خلج واثقه من نفسج وماعليج منهم..حطي فبالج انج رايحه تدرسين..مب رايحه تتمسخرين..وتذكري انه كل شئ يروح من عمرج..وقبل ماتتاثرين بأي شئ حطي ربج وغضبه عليج..ثم والديج اللي ربوج وهل هم يستحقون رد الاساءه بالاحسان..حبيبتي اانا الحمد طلعت من الجامعه ودرست فالتقنيه وتخرجت..ولكن كانت نسبتي في الثمانين وانتي ان شاء الله بتتوفقين فالجامعه نسبتج حلوه..وصلي الأستخاره فالتخصص..والله يسر امورج..

::

الله يوفقج وييسرلج امورج ان شاء الله والهندسه المعماريه من اروع التخصصات..

استمتعي في وقتج في الجامعه ترى في بنات فيهن خير ..و لا تنكدين ع روحج عشان لا تكرهين الجامعه وتطلعين منها .. الدراسه ما تحلا الا بصعوبتها لان يوم التخرج بتحسين انج سويتي انجاز كبير .. السنوات تخطف بسرعه بعد كم يوم بتلقين عمرج متخرجه ..


عقبال ما نزقرج يا بش مهندسه ..وترى بيتنا بيكون باشرافج ..وببلاش طبعا :B_wink:

الله يوفقج في دراستج ويسدد خطاج...

::

احلى ايام العمر ...ايام الجامعه
الشعور الي فيج طبيعي لانج مقبله على شي يديد ...اول كم شهر او اول كورس بتكونين مب متقبله الجامعه لكن عقب بتموتيييييييييين فيها حتى انج ما تبين تغيبين عنها يوم

صدق ايام الجامعه احلى ايام العمر .. و بتمين طول حياتج تتمنيها ترجع ....و يوم بتتخرجين منها ان شاء الله ...بتتذكرين هذا الموضوع و بتضحكين على عمرج ...

فستمتعي بكل لحظه فيها ...و شلي هذا التفكير من بالج


و ربي يوفقج و ييسر لح امورج ان شاء الله

ألطاف;4232997:
أختي الغالية .. الجامعة كانت بالنسبة لي ولازالت أجمل أيام عمري .. ويا ليت بس ترجع وترجع لي صديقاتي اللي عرفتهم بالحلوة والمرة وكنا أكثر من أخوات لأني كنت عايشه بشكن داخلي للطالبات.. دخلت الجامعة وانا مثلك خايفة وقلقة .. خايفة من زحمة الدراسة ومن توقعات الأهل ومن الصحبة السيئة .. ولكن الحمد لله كل شيء كان تمام ومصير الخوف يتلاشى بدخولك داخل التجربة بنفسك.
انتي بنفسك راح تقرري طريقك وتفرضي شخصيتك وراح تصاحبك اللي هي مثلك في التفكير والنظرة للعالم والحياة .. لا تقلقي وتأكدي انك بتبكي لما تفارقي الجامعة وتتمني لو ان الزمن يرجع ورى لأول يوم دخلتي فيه علشان تستعيدي كل اللحظات الحلوة..

أثرتي في نفسي عواطف مخزونة تحاول الأيام تمحيها .. يا ليت ترجع لي أيام الجامعة:cry:

كل الناس يقولولي بتتمنين تردين الجامعه يوم بتطلعين
مشكووره حبوبه عردج .. :21_207: ما قصرتي والله

يا عيوني عسا الله يوفقج اول شي ويبعد عنج صداقة السؤء ويكبر في قلبج الايمان والثقة بنفسك ان شاء الله وينور طريقك يارب