أخاف أخسر طفلـــــــــــــــي

خ

خرزة زرقة

عروس رائعة

19-08-2007 | 12:44 AM

بنات والله قلبي يعورني على شكل وجسم ولدي

انا ولدي عمره سنة وشهر ونص .....ووزنه 8 ونص والحين صار 8 وربع...ومن اسبوع طلع بس له ضرسين فوق وتعب موت وتعذب من حمى وسعال واسهال

واحمرار في منطقة الحفاظ بسبب الاسهال والحين منطقة البراز محترقة ومايقدر يمشي ويخاف من الماي

وماقصرنا عيزنا من ناخذه عيادات خاصى وحكومة وعطونا ادوية ومانفعت للحفاظ.......

المهم خليت المنطقة معرضة للجو فترة طويلة خف الاحمرار لكن الحرق طالع منه دم ومحمر بالقو مانعرف شو نسوي

والحين مطلوب تحليل للبول وماقادرة اجمع بوله عطونا كيس خاص للبول مانفع ...........كبف اجمع بول طفلي للتحليل..؟؟؟

ثاني مشكلة.............

مااعرف اتخلص من مشكلة طفلي لاياكل ولايشرب شي

اللهم يشرب حليب وعصير تفاح والحين بعد مامرض مايتقبل ولاشي

وللحين نظامه الغذائي حليب عصير سيرلاك وارز مهروس......

اسويله نظام التغذية الموجود في المنتدى ولايرضى ياكله اتعب واطبخ واهرس واجهز ويتفله بوجهي .......

تعبت تعبت تعبت لدرجة كنت اضربه يوم ماياكل.............لكن الحين صرت اطبخ واذا مااكل اطبه .........

سويت له كل شي موجود بالمنتدى من طريقة اغراءه ولانفع معاه

بس يحب ياكل شوكولاته وشيبس ..........بس كنت اجرب معاه واتقبله بس مستحيل اعطيه من الحينه واعوده على الغذاء الغير مفيد

سااااااااااااااااااااااااعدوني كيف اخليه ياكل

وحد يعاني مثلي خبروني ..........؟؟؟؟؟؟

م

مناهل78

مشرفة سابقة

19-08-2007 | 08:25 AM

أختى هدي نفسج العيال كلهم جذي،، أنا كنت مع كل ضرس لإبني أتعذب أسبوع، حمى وإسهال ومن يطلع الضرس كل شي يروح،، والله هالحالة كانت تصير مع كل ضرس.....

وأنا ولدي بعد حجمه صغير، الحين عمره 3 سنوات بعده يلبس ملابس من 18-24 شهر.... يعني سنة ونص إلى سنتين بس ووزنه بس 12..... ولما كان عمره 9 شهور قالوا لي الولد يمكن فيه شي لأنه راسه كبير (كنت وقتها محسنته على الزيرو) ولازم يطلع راسه عود، وعذبوني تحاليل دم وتحليل بول، وكنت مثلك مو عارفة أجمع تكرمين البول في الكيس،يمكن 3 أيام وأنا أحاول والأكياس خلصوا مايثبتون في الحفاظة، آخر حل خليناه بدون ملابس في البانيو وكنا نسكب الماء البارد عليه لحد ماتبول (يمكن المسألة مع الساعة وأمي تحاول معاه)وبسرعة خلينا اللي لحقنا عليه في الكيس.....

بخصوص الأكل لا تغصبين عليه، ترى مع التسنين العيال وايد يتعذبون،،، حاولي معاه روب الدانينو اللي على فواكه... او معكرونة لينة مع الجبن،، يمكن مابيحب اكلكم الحين من الم التسنين،، هدي البال معاه وإن شاء الله أيام وبيتعدي..

وشيلي من بالك أخسر طفلي وغيره،، ترى الأمومة يبي لها صبر أيوب....

أ

أم القمر والعسل

عروس ماسية

19-08-2007 | 08:48 AM

وانا مع الاخت رانيه

وشيلي من بالك أخسر طفلي وغيره،، ترى الأمومة يبي لها صبر أيوب....

الله يعينا احنا الامهات

تقبلي مروري
جود القمر
[img" target="_blank" rel="nofollow">http://vsdi.net/count/baby/i/meter35621.png[/img]"]

ع

عروس الدوحه

عروس ماسية

19-08-2007 | 10:15 AM

اختي في فاازلين للاطفال انصحج فيه وااايد يودي الاحمرار والحرق

نفس علبه مالت كبار لكن تحت مكتوب مخصوص للاطفال

واااااااااااااااايد ممتااز

واقولج انتي اغريه قولي له ادا اكلت صحن بعطيك قطعه شيبس او كاكاو

ادري يمكن طريقتي غلط انه بعدين كل مابقا ياكل بيقولج وين كاكاو

بس ياكل احسن من ولاشي

لانه وزنه حيل ضعيف

سويله وجبات متنوعه وعطيه سيريلاك تراه يمتن

واتمني غيري يساعدج لاني ام لاول مرة

ع

عروس الموج

عروس برونزية

19-08-2007 | 10:30 AM

مادام انيه يحب هالسوالف وهوو في فتره محتاج انه ياكل عطيه على الاقل كاكاو خليه ياكل جلكسي في دسووومه وبتغذيه لين مااا يتقبل الاكل

في طريقه انه تيلسينه يا اطفااال غير وياكلون يا بعض وبيحس عمره انه غير وبيحاول انه يقلدهم..بعد الياهل يمل كله رووحه وديه الحديقه البحر لعبيه واكليه في نفس الوقت وان شالله ياكل ويتعود على الاكل

b

bj3a

عروس ماسية

19-08-2007 | 03:36 PM

حبيبتي انا بنتي نفس الشي من اسبوع اسهال وحمى خفيفه واليوم ضرسها الي فوق شق وطلع بس واحد الثاني فالدرب ..

ومنطقة الحفاظ عندها صاير مثل الحرق من احطها تحت الماي تصرخ وتشيل البيت على راسنا .. استخدملها كريم Daktarin + Bepanthene اخلطهم مع بعض واحطلها ثاني يوم كل شي مختفي .. بس في حالت ولدج تقولين يطلع دم مع الاحمرار انصحج تاخذينه عند [GRADE="00008B FF6347 008000 4B0082"]دكتور اطفال[/GRADE] ...

وعن الاكل طبيعي وقت المرض انتي ما تشتهين الاكل ... لا تجبرينه خليه في هاي الفترة على السوائل لانه ضروريه مع الاسهال ..

وعن التحليل حاولي كل شوي تدخلينه الحمام (كانج تعلمينه ) وجهزي قلاس ولا عليه من يسوي حطيه وبهاي الطريقه بتجمعين لو 3 مل يادي الغرض

ا

الدمشقية

مشرفة سابقة

19-08-2007 | 04:25 PM

هدي بالك ولا تخافي كل اللي ذكرتيه مر على كتيير اطفال وماعليهم الا العافية اختي جربي كريم الكيناكمب والله رااائع
وبالنسبة لجمع البول مثل ما قالت رانيا اسكبي على عضوه ماء فاتر وتلقائيا راح يتبول وحاوللي تجمعيه بسرعة

وهالفترة صعبة ونفسية الاطفال تتعب فلا تخافي من قلة اكلله انتي عوضيه بالحليب والعصائر الفريش
وماعليه الا العافية

خ

خرزة زرقة

عروس رائعة

19-08-2007 | 04:59 PM

مشكووووووووووووووووووووورات على الردود وطريقة جمع البول اليوم بسويها .............

وبخصوص الاكل اصلا مايطيق يذوق الاكل يشرد يكرهه............حتى الماي مايدانيه ....ا........

بس عادي يعني بهالعمر سنة ونص ياكل سيرلاك لانه لاحول ولاقوة طبخت له الاكلات وسويت كل شي بس هو مايباه

بس عادي اعطيه السيرلاك والا انا ابالغ...........المهم ياكل شي

s

shama123

عروس متألقة

19-08-2007 | 05:05 PM

مثل ماقالو الخوات

عندج فازلين للاطفال احسه حلو وخفيف

اممم

روب اخلطيه بعسل وعطيه

او نوتيلا ..الشكولاته المذوبه

حطيها على قطعة بسكوت او خبز صغيرة

يمكن يحبها

الله يشفيه ان شالله

u

ummsarah2002

عروس متألقة

19-08-2007 | 10:04 PM

الله يعينج اختي بخصوص الاحمرار اللي في منطقة الحفاض اذا اختي انتي من دبي وديه عند دكتور جلدي في مستشفى الاخصائيين اللي في دبي وايد زين لانه ولدي عانا نفيس المشكله ووديته عنده وعطاني كريمات حطيته له والحمدالله استوى زين

بس يوم بتغسلين ولدج كل غسله نشفيه في فوطه يديده نظيفه

h

humsat.77

عروس جديدة

19-08-2007 | 11:01 PM

الله يكون بعونج خيوه

ا

اميرة الشاطئ

عروس مشاركة

20-08-2007 | 05:41 AM

هااااااااااااااااااااااااااااااااااااااااااي ياحلوين
الله يعينك حبيبتي هاذي مرحلة وان شاء الله تعدي
ان لما كانت بنتي في نفس المرحلة
وصار معاها اسهل نصحيني الدكتور استعمل لها كريم اسمة (( ميبو)) تلقية في الصيدلية سعر العصارة الكبيرة 50 ريال
بس الصراحة على طول راح واختفى مثل السحر
لان مكوناتها طبيعية ( عسل و زيت زيتون
انا صرت استخدمها بعد تغير الحفاظ حتى بعد اختفاء الاحمرار كنوع من الوقاية
وليومك بنتي مااشتكت من الاحمرار ابد
تحياتي