الرئيسية أركان الصحة والطب النساء و الحمل و الولادة البطن بعد الولادة

البطن بعد الولادة

الصيدلة 18-08-2007 15 رد 1,862 مشاهدة
ا
الصيدلة
عروس جديدة
18-08-2007 | 05:31 PM
السلام عليكم ورحمة الله وبركاته

شلونكم؟؟؟؟؟؟؟؟؟:flower:
حبيت اسأل عن البطن بعد الولادة وبصراحة قريت في هذا المنتدى عن البطن اللازق بالظهر بعد الولادة وهي باستخدام نبات الكاثة مع دهن الفكس وتدهنين بيه البطن بعد الولادة :9_28:
سؤالي هو؟
يعني نستخدم المزيج (نبات الكاثة المطحون مع دهن الفكس)وندهن بيه البطن الى الاربعين وكل يوم ؟؟؟؟؟لو لا اللي تعرف الطريقة الله يخليكم اتردلي لان انشاءالله دخلت بالتاسع واحس راح يصيرلي كرش فضيع بعد الولادة فاشتريت الغراض من العطار ومااعرف كم يوم استخدمه:21_207:
لاتبخلون عليه وجزاكم الله خير جزااااااااااااااء
قبلالالالاتي لكل من دخل المنتدى اللي اخذ كل وقتي لان بصراحة منتدى روووووووووووووووعة
ب
برنسيس مول
عروس ماسية
18-08-2007 | 05:44 PM
مااعرف عن الي ذكرتيه بس ان شاءالله البنات يفيدونك واريد اسالك شو هو نبات الكاثه وكيف شكله ...
ا
ام شهد11
عروس جديدة
18-08-2007 | 05:46 PM
اني سمعت يحطون الفكس وبعدين خلطه الكاثه

بس اني ما استخدمته
ا
ام رغد2
عروس متألقة
18-08-2007 | 06:06 PM
بصراحه مااعرف شىء انا توني حامل بشهر الثاني
ان شاء الله باقي البنات يفيدونج ويفيدونه معاج
أ
أحلى ملح
عروس رائعة
18-08-2007 | 06:18 PM
الفكس استخدامه بشكل يومي مضر جداً بالبشرة يسوي بلاوي

استخدمي كريمات معروفه و طبية من الصيدليات وايد احسن

عندج كريم روك مال شد البطن وايد يمدحونه

و بعدين لا تنسين الرجيم و الرياضة
ش
شوق الفيلكاوي
عروس نشيطة
18-08-2007 | 07:36 PM
مساء الخير
ايه والله البطن شي مقلق وانا قاعده احاتي وايد وزين طرحتي الموضوع
أحلى ملح يمدحونه عن تجربه وله بس جذي ...؟!

بانتظار الردود ...!!
ت
تباسكو
عروس جديدة
18-08-2007 | 08:18 PM
اذا انتي مالج بطن من الاساس صدقيني بيرجع مثل قبل ولاتعبين روحج

وذا انتي لج بطن هذي مشكله انصحج بالمشد
ش
شوق الفيلكاوي
عروس نشيطة
18-08-2007 | 08:29 PM
تباسكو المشد ماله اضرار خلال الاربعين ؟؟
ت
تباسكو
عروس جديدة
18-08-2007 | 08:35 PM
شوق الفيلكاوي;4227130:
تباسكو المشد ماله اضرار خلال الاربعين ؟؟


لا ان شاء اله ماله مضار وانا ولاداتي كلها قيصريه تخيلي البسه بعد اسبوع من الولاده وهذي نصيحه من اكبر استشاري عندنا

حتى يلم البطن ويخفف الثقل على الجرح واطلع من الاربعين مالي بطن

واذا جربتي بتلاحظين انه يدخل العضله داخل
و
ورد الامل
عروس مشاركة
18-08-2007 | 09:27 PM
تباسكو;4227091:
اذا انتي مالج بطن من الاساس صدقيني بيرجع مثل قبل ولاتعبين روحج

وذا انتي لج بطن هذي مشكله انصحج بالمشد


صح كلامج
انا ما كان لي بطن من الاساس و ولدت قيصيري ولبست المشد بعد 3 اسابيع تقريبا
الحمدلله بطني رجع مثل اول
بس نصيحة خلال الاربعين يوم لا تاكلين رز والاشياء الي تطلع كرشة، امي ما خلتني اكل رز ابد خلال الاربعين
ع
عرووووس البحرين
عروس نشيطة
18-08-2007 | 10:34 PM
اختي تباسكو قصدج عقب اسبوع من الولاده لبستي المشد

ابي اعرف فديتج

وايد احاتي بطني بعد الولاده

بس الحمدلله قبل ماعندي بطن
ت
تباسكو
عروس جديدة
19-08-2007 | 01:24 AM
عروس البحرين

اي عقب ماطلعت من المستشفى على طول لبسته

لبسيه حبيبتي ولحد يقص عليج يقول لج يضر اذا انا قيصري والبسه ترى والله بتحسفين هذي كلام استشاري وتخيلي

في امريكا يلبسونهم الدكاتره المشد وهم في المستشفى!!!

ومشيت عقب اسبوعين بالضبط ساعه في اليوم لأن فيني وسواس اخاف جسمي يخترب وانا طويله ورشيقه الحمدلله ماصار لي بطن وخاصه الحمله الأخيره كانوا توأم يعني ماقصروا فيني مقطوا بطني لين قالوا بس
s
smamedo
عروس برونزية
19-08-2007 | 09:41 PM
طيب لوسمحتو من فين اجيبو
يعنى من الصيدلية وله من محلات الراياضة وله من فين
افيدونى جزاكم الله كل خير
انا من مصر لوحد يعرف منين اجيبو يقولى
او يفيدنى من محلات ايه يتباع
x
xouaexo
عروس نشيطة
19-08-2007 | 10:32 PM
انا وحده قالت لي انها تلبس المشدات العاديه مال الفساتين اللي تنباع في نعومي بعد ما ولدت
في حد جربها ؟؟ لان هاي اسهل نشتريه بدل ما ندور المشدات ؟ وسمعت انه في مشدات في الصيدلية ؟؟ ممكن اعرف شو اسمهم او نوعهم ؟؟

شكرا مقدما
ت
تباسكو
عروس جديدة
20-08-2007 | 12:49 AM
المشد اللي ينباع في الصيدليه هو الافضل لأنه مصنوع خصيصا لما بعد الولاده
ك
كاشونه_2006
عروس جديدة
20-08-2007 | 01:47 PM
ورد الامل;4227380:
صح كلامج
انا ما كان لي بطن من الاساس و ولدت قيصيري ولبست المشد بعد 3 اسابيع تقريبا
الحمدلله بطني رجع مثل اول
بس نصيحة خلال الاربعين يوم لا تاكلين رز والاشياء الي تطلع كرشة، امي ما خلتني اكل رز ابد خلال الاربعين


السلام عليكم أخواتي,,

حبيت أستفسر عن المشد ,, شو هذا المشد و وين أقدر أشتريه لأني ولاداتي كلها عمليات وأريد أحافك على منطقة البطن بالذات لأن ولادتي الأولى كلهم خوفوني من الرياضه والمشدات فما اشتخدمت شي بس الحمد لله كنت محافظه بس وايد خايفه من ولادتي الثانيه لأني حامل ومش عارفه شو أسوي بعد الوالدة وطبعا بتكون بعمليه والله يسهل ان شا الله.
X