تغسلين ملابس البيبي عقب ماتشترينها؟

حبيبتي انا هالمره غسلت الملابس اللي ماجت بداخل كيس
اللي تجيك مفتوحه والكل يحط يده عليها وهذا من غير التخزين وهي مفتوحه وجسم البيبي حسااس
وراح يتاثر جسمه

بس الاحسن انك تغسلين اللي بداخل الكيس واللي برا اظمن لك

انا الملابس اللي ماجت دااخل كيسه شميت فيهم ريحه مب زينه عشان كذا قلت اغسلهم احسن

حبيبتي اكيييييييييييد لازم تغسلينهم افضل

وطبعا لازم تغسلينهم بصابون اللاطفاااال

بس ما يختربوا ولا يتغيروا .. وعادس اغسلهم بالغسالة على الناعم .. ولو وضعتهم في طشت بدون فرك بس ماي وصابون ينغسلوا زين ؟؟

لازم ينغسلون احسن
تخزين وشحن انا كل الاغراض غسلتها
واكو صابون خاص بالاطفال تحصلوه صوب الصابون يصير لونه وردي وعليه صورة طفل و اكو صابون قوالب

انت براحتج اللي تحبين تستخدميه

بالتوفيق

غسلينهم اضمن لج

لااااااااازم تغسلينهم
حتى الشراشف و البطانيات و اي شي راتح يلمس جلد الطفل


و تغسلينهم بصابون خاص لملابس الاطفال و منعم اقمشة خاص للاطفال الرضع

اكيد اغسليهم احسن لو حتى كانوا في كيس اضمن
ومايحتاج دعك ولا فرك بس خليهم في ماي وصابون وعلقيهم في الشمس
انا اشتريت صابون بس بعدني ما استعملته خاص للاطفال من الصيدليه وبعد موجود في كارفور

بس ما ادري هل اوكي انحط ديتول شوي ولا لا لاني افكر احط شويه ديتول ؟؟ شو رايكم ؟؟

طيب ماراح يتغير لونهم او تروح الصبغه
ويطلعو كانهم قديمات وملبوسين

مدنونة حمود;4228116:
طيب ماراح يتغير لونهم او تروح الصبغه
ويطلعو كانهم قديمات وملبوسين

احس هذا يعتمد على نوعية الملابس اللي اشتريتيتها
واول غسيل بس حطيهم في ماي وصابون للتعقيم فقط بدون دعك وفرك وبصابون خاص لملابس الاطفال

اي حبيبتي لازم تغسلينهم العمال الي بالمصنع ماتدرين اذا يحملون أمراض أو لا غير البياعين وغير المادة الي تبعد الحشرات الي يحطونها بالقماش قبل وبعد التفصيل.
آنه أغسل الثياب أول غسلة بكومفورت بس بدون صابون عشان ما يتغير شكلهم أغسلهم بيدي بدون دعك وأعصرهم شوي شوي وبالغسلة الثانية بعد مايلبسهم البيبي حطي صابون يابس مبشور آنه أستعمله لأن عيالي صار لهم حساسية من صابون الأطفال وخلي شوي كومفورت مع الماي وتأكدي ان الصابون ينشطف عدل خصوصا اذا الي بتغسله الخدامة ويكون أحسن تغسلهم دايما على يدها وما تستخدم الغسالة الا لهدوم الكبار.

جزاكِ الله كل خير

ماقصرتوا
فعلاً نبهتوني الاشياء كنت غافله عنها بالمره

لاني اشتري انا من اللي بالكيس والكراتين

مو مكشوفه......وعلى باللي معقمه ونظيفه

ماشاءالله عرايسنا ماقصروا
شكرا على المعلومات القيمة فعلا،،

xouaexo;4227657:
اكيد اغسليهم احسن لو حتى كانوا في كيس اضمن
ومايحتاج دعك ولا فرك بس خليهم في ماي وصابون وعلقيهم في الشمس
انا اشتريت صابون بس بعدني ما استعملته خاص للاطفال من الصيدليه وبعد موجود في كارفور

بس ما ادري هل اوكي انحط ديتول شوي ولا لا لاني افكر احط شويه ديتول ؟؟ شو رايكم ؟؟

اعتقد ما يحتاج ديتول بس يكون الماي ساخن وبعدين اتكوينهم :9_28:

وانا أأكد كلام الحلوات

الملابس لازم تنغسل ،، انا احط هم في ماي ساخن وبعدين في سائل مثل الكومفورت بس خاص للأطفال وفي منه صابون ناعم للغسيل صناعة المانية وااااااايد زين

اسمه [ فليتي ] على ما اعتقد تحصلينه في الجمعيات صوب أغراض البيبي او مكان الصابون

وفي بعد الصابون البلدي اللي اسمه حياة يا انه يكون قطع او ناعم ( انا عن نفسي افضل الناعم أحسن للغسيل )

عزيزتي انا عن نفسي اغسل ملابس البيبي الجديدة

طبعــا على طووووووووول أغسلهـــم

ماشاء الله عليكم انزين بنات كتبولنا اسم الصابون والكمفورت المناسب وهل عادي انحط ديتو ولا لا؟؟ وماتخترب الثياب او الوانهم وعادي لو وديناهم المغسله للكوي او الغسيل؟؟؟مب شرط الملابس يعني الشرشف وجي

بن حارب;4940261:
ماشاء الله عليكم انزين بنات كتبولنا اسم الصابون والكمفورت المناسب وهل عادي انحط ديتو ولا لا؟؟ وماتخترب الثياب او الوانهم وعادي لو وديناهم المغسله للكوي او الغسيل؟؟؟مب شرط الملابس يعني الشرشف وجي

السلام يا عروسات ..
عزيزتي بن محارب الديتول مو زين على ملابس الاطفال بس غسليهم او نقعيهم بماي وصابون من دون فرك وبعدين تشطفيهم بماي ونشريهم بالشمس واكويهم .. انا سويت جذيه واسم الصابون في وااايد صابون ملابس الاطفال تلقينهم بالصيدليه او السوبر ماركت واذا عندكم سنتر بوينت راح تلقين ماركة بايجون .. والله يوفق الجميع