بناااااااات الرياض حيرتوني

شسالفه وينكم بناااااااات محتاجه فزعتكم

وهـ ياقلبي الله يهون علينا يالغلا .............

وانا نفس حالتك والله ودخلت الموضوع قلت يمكن استفيد وانا قررت اني اولد بالتخصصي الي على طريق المملكه محد قالي عنه .................

بس مدري ليش اخترته وان شاء الله الي عندها خبره تفيدنا

متابعهـ...

يمدحونه يا اختي والله يهون عليك وعلى كل مسلمه

انا بخاطري الحمادي شنو رايكم

اختي والدة بالحمادي والله تمدحة مرة وتقول عناية حلوة مرة



وحدة ثانية اعرفها تذم فية والله المستشفى مالها دخل بالعناية العناية والتساهيل عند الله ويوم يجيكي الم الطلق وربي


ماودك تسالين احد ودك بس تولدينهذا الي اعرفة

حبيبتي صلي استخارة و ان شاء الله الله بييسرلك الافضل لك

ولا تخافين مو دايما البكر تكون ولادتها عملية انتي خوفك هذا بيسويلك مشاكل كثيرة لا قدر الله

وكلي أمرك لرب العالمين

كثير حريم يكونوا بكر وتكون ولادتهم اسهل من الي عندها 3 واربع عيال

التساهيل من رب العالمين ولا تخافي هم ما يستفيدون شي من ولادتك بعملية او طبيعي بالعكس الطبيعي اريح لهم بدل عملية وبنج واهتمام اكثر الطبيعي الوحد تتعب بروحها بس العملية هم يتعبون معاها

وصدقيني لو صادف وسمعتي ان كذا وحده بعملية فاكيد وضع الجنين جبرهم على العملية او وضع الام الصحي

لا تحطي ببالك موضوع الولادة كذا ترى مو زين للبيبي ها الضغط النفسي

عزيزتي انا من الرياض وبقولك اللي اعرفه وان شاء الله افيدك..

مستشفى التخصصي اللي على طريق المملكة ماانصحك فيه لان كثيرات ولدوا فيه وعيالهم ماتوا ماادري ايش السب هو قلت خبره او عدم عنايه بالمواليد ،،، ربك اعلم المهم انه مو زين.

مستشفى الحمادي زين مافيه شئ حتى عندهم دكتوره هنديه ممتـــــــــازة زوجة خالي ماتولد وتراجع الا عندها وعيالها كلهم بخير وهي بعد صحتها زينه.

فيه دكتوره سمعت عنها كثير في مستشفى المشاري هي بريطانيه بس ماادري اذا مسلمة او لا عشان كذا انا ماافضل تروحي لها سبحان الله مافي زي المسلمين تسمي وتقرأ عليك اذا مره تعبتي.

انا اولد دايم بمستشفى اسمه دار الشفاء عندهم دكتوره فلبينيه اسمها نيمفا مرررررررره مممتـــــــــازة ، بالها وسيع عليك وقت الولاده واذا حست ان ولادتك تعسرت شوي تآخذ زيت وتقعد تقرأ عليك سورة الزلزله (انا صار معي كذا) غير كذا ممكن تسوي لك تضييق بعد الولادة لو وصيتيها بدون ماتآخذ زياده خاصة انك بكريه فلا تهملي هالشئ،، بس مشكلةالمستشفى انه مو مره فخم و الاجانب كثير فيه لان عندهم تأمين من شركائهم عنده، انا بس اروح مراجعه الحمل والولاده عشان هالدكتوره لانها مارضت تروح مستشفى ثاني لما طلبت منها.،، بعد عدهم دكتوره مصريه اذا ماتحبي الفلبينيه اسمها عزه بعد ممتـــــــــــتازه بس انا ارتحت لدكتورتي اكثر.

انتي استخيري وربي يكتب لك اللي فيه خير . أساله تبارك وتعالى ان يهون عليك طلقك ويرزقك الذرية الصالحه ويقومك بالسلامة.
آسفه على الاطالة بس حبيت افيدك..

حبيت اقولك بعد اذا تحبي مستشفى التخصصي الحكومي عندهم قسم خاص اذا تبين تولدين عندهم وعنايتهم مافي مثلها بس مشكلتهم انه مو شرط الدكتوره اللي تابعت معاك حملك هي نفسها اللي تولدك ممكن حتى مايكون فيه دكتوره بس قابلات هم اللي يولدونك.. مع انه حتى هم عندهم كفائه عاليه في التوليد بس طبعا مااحد يظمن وش يصير وقت الولاده فلازم يكون فيه دكتوره موجوده.

مستشفى دله انصحك ماتروحيه لانه مو زين بس يبون فلوس على غير سنع.

عزيزتي ادري كلامي كثير بس وربي ودي لك الفايده ، وحاسه فيك قد ايش خايفه وقلقانه بس ترى ربك هو اللي ييسر كل شئ والمستشفيات بس وسيله مساعده.. الله يكتب اللي فيه الخير لك ولطفلك.

الله يهون عليك اختي انا سمعت عن الدكتورة فاطمة عسيري بالمملكة من خلال المنتديات يمدحونها البنات ومافي احد

سبها وفي دكتورة ثانية اسمها امل نوح في مستشفى المواساة نفس الشي يمدحونها هذا من خلال بحثي في النت ولو

الله كتب لي ورجعت اولد بالسعودية يمكن اروح لوحدة من الثنتين والله يهون عليك ولادتك .

مرحبا خواتي
انا ولدت بمستشفى المواساه والصراحه عنايتهم ممتازه وحتى ولادتي كانت متعسره وتعبت وكنت اصارخ ابي عمليه بس دكتورتي رفضت وقالت لا انتي ماتحتجين بس لنك بكر مستغربه وجع الولاده والحمدلله ولدت طبيعي والحين انا بثامن وراح اولد انشالله عندهم والدكتوره اسمها فاديه واما الدكتوره امل نوح راجعت عندها بعد الولاده وكانت طيبه معاي وحبوبه

الله يجزاااااااااااااااااكم كلكم خير ويرزقكم من اوسع ابوابه ويسخر لكم ازواجكم نفستو كربه

انا في بالي الحمااااااادي بس يقولون حضانتهم شينه

شرااايكم بناات انا محتاره بين الحماادي ومستشفى المملكه ؟