تضحكون على ولد أحمد فديته .. :)

ربي يخليه لكم ولا يحرمكم من بعض قولي امين

تسلمين الغاليه ..

واللهم آآآآآمين ..

هيه اختيه صح هو متولهه على ابوه.....

لأنه أنا ولدي نفس الشي طول ما ابوه موجود مافي احسن عنه من ناحية اللعب والضحك .... بس ابوه يسيرالدوام تبدأ دوامة الصياح الي ما اتخلص.وخاصة فليل وقت الرقاد... لانه ما يجوف ابوه إلا سبع أيام وفي هالسبع ايام لازق في ابوه...و15 يوم في الدوام.... فصج انا متبهذله وياه...
والله يحفظكم لبعض....والله يديم المحبة من بينكم يارب ....

تحياتي

http://go.3roos.com/D64ytvLACHv .

فديته والله الله يخليه حقكم...

http://go.3roos.com/D64ytvLACHv .

تدرين انا ولدي كان يمرض من يسافر ابوه لحد مايرجع وامي كانت تقولي متوله على ابوه الله يخليه لكم ويرجع ابوه بسرعه وبالسلامه

الله يحفظه لكم وان شاء الله يرجع بالسلامه حبوبه

اي اختي واحشنه ابوة

بنتي من يوم كان عمرها شهر وشوي مذا سافر ابوها ما تسكت دايم تصيح
ومن يسافر اخلي فانيلة في سريرها حتى تشم ريحه

الله يخليه لكم ظااهر ولدج متعلق في ابووه واايد من شوي اكلم رفيجتي تقول ريلها سافر شهر بالظبط وكل يوم ترقده عندها بسرير تقول اول مارجع ابوه ولا كانها بغرفه خخخخخخخخخخ وولدها عمره سنه تقول اكلمه بتلفون ولاكاني موجودة

وحبيبتي لو تعرفين من زماان كانوا يقولون لنا اذا ولد او البيبي عموما يصيح ويبي امه وامه طلعت يجيبون شي من ريحتها تكون لابسته ويعطونه يشمه فيسكت يحس ان امه معاها

الله يخله ليج ويرجع ابوه بالسلامة

تسلمن فديتكن والله ..

شو سويت البارحه حطيت مخدة أبوه في المنز ورقد عليها الحبيب ولا صاح ..

خبرت أبوه اليوم جان يقعد يصيح الأبو لا حووول أنا بلقاه من ولد ولا من الأبو ما عندي شغله غيركم أسكت هذا منه يصيح هذاك ..

الله يخلينا باباتنا ويرجعه لنا بالسلامه ..

وتسلمن عالردود الطيبه ..

اخخخخخخخخخخ من اليهال احنا نتعب ويموووتون على ابهاتهم ..

ولدي من ابوه يطلع من البيت يصيح وكل شوي يسال وين بابا .. لا ويتقمص شخصيته انادي باسمه ما يرد يوم اقوله ليش ما ترد عليه يقول انا حمود نوووو انا بابا..

وامس رادين الساعه 1 من بيت قوم خالتي ريلي قال باتي بيت اهلج لا تضربين درب الين البيت بروحج .. المهم قلت حق الخدامة بنبات بيت ماما الا يصيح مابا بيت ماما ابا اواو عند بابا ويصيح جبرني ارد بيتنا .. من وصلنا رقد في حظن ابوه الين الصبح ..

تخيلوا يوم ابوه مب موجود ايي يبوسني وييلس في حضني يحضني .. لكن من يوصل ابوه كاني انا خدامته يقعد يضربني ولا اذا قربت من ابوه شوي ويكنسل ويزتي .. وطبعا بو الشباب يستانسس بدل لا يعلمه ان هالشي غلط يقعد يضحك علي ..






وانا شوي واصيح .........

فديت اليهال والله ..

ما عليهم مردهم لنا ..

الله يحفظ ولدج يااااااااااااارب ..

ومشكوره ..

اي حبيبتي في اطفال جذي الله يخليه لج يارب

الله لا يحرمه من ابوه وامه كل الاطفال وخصوصي الذكور متولعين بابوهم اكثر سبحان الله

السلام عليكم ورحمة الله وبركاته

حتى انا ولدي جذي شكلهم الصبيان خونة ما يتأمن لهم

والله يحبني موت هالولد بس من يجوف ابوه ينسى وجودددددددددي ويلغيه يتم يسالف وياه انغو انغا وماادري شنو ومن يكون ابوه محد بس يبجججججججججججججججي ويصرخ فما بالج اذا ابو ولدج مسافر اكيد مسكين يحن له

ههههههههههه والله العيال فن

في أمان الله

آخر العنقوود;4216816:
الله يحفظه لكم وان شاء الله يرجع بالسلامه حبوبه

عيل انا بنتي بعد ابوها مسافر من يومين هااا نفس الفتره عاد هيه زعلانه عليه مب راضيه تكلمه في التيلفون عشان ما خذاها وياه
حبيبتي تتغلا البنيه

يحليله طلع متوله على ريحة أبوه...

الله يخليكم لبعض ولا يغير حالكم...