صديقتي فاقده الامان ببيتهم . والسبب والدها، ارجوكم ساعدوني لايجاد حل لها..

السلام عليكم


الله يعينها على ما ابتلاها

الصراحه مشكله صعبه حيييل
وخاصه انه ابوها
انا اشووف انها لازم تواجهه وخاصه انه مسوي هالحركات قبل مع اختها يعني الحركات مفهومه
ومعروف شنو يقصد ابوها
حسبي الله ونعم الوكيل

lazm te2ol le waldetha

أسأل الله سبحانه وتعالى ان يحمي بنات المسلمين من كل شر ويهدي عباده

الصراحه منصدمه

بس اول ما طرا على بالي
انها تكتب له رساله وتخليها له في مكان محد يقدر يشوفها غيرة مثلا بسيارته واذا احد غيرة بستخدم السيارة
تخليها مخفيه وتدز له مسج تقول له في المكان الفلاني شي مني لك
وتكتب كل اللي في خاطرها وتحاول تكثر من الكلمات اللي تاثر فيه مثل يا قدوتي وعزي ...........

وتحاول تبتعد عنه كم يوم ودام اختها تدري ممكن تاخذها عندها باي حجه

هذي انسب طريقه لقيتها لانها ماتقدر تواجهه وتكون قويه وتسويها وتشوف شنو ردة فعله
واذا رجعت البيت تعامله عادي ولاكاته شي صار بس لازم تاخذ الحذر منه لحد ماتوثق فيه

الا هي كم عمرها ومن متى بدا يطلع مواهبه عليها

من جد منصقعه

لاحول ولا قوة إلا بالله العلي العظيم
والله ماادري وش اقولك بس الله يهديه ويعافيه من اللي هو فيه .

الريـــــــــــــم;4211518:

الصراحه أنا في حاله ذهول مب قادره أصدق

بحاول أفكر في حلول (أو حتى حل!) بعد ما أستوعب الموضوع !!!!

انتظرك عزيزتي .. واشكرك على مرورك
:9_33:

*bano0ota q8*;4211548:
السلام عليكم


الله يعينها على ما ابتلاها

الصراحه مشكله صعبه حيييل
وخاصه انه ابوها
انا اشووف انها لازم تواجهه وخاصه انه مسوي هالحركات قبل مع اختها يعني الحركات مفهومه
ومعروف شنو يقصد ابوها
حسبي الله ونعم الوكيل

عزيزتي مررررررره صعبه لو تخيلتي الموضوع ، هي لما قالت لي كانت منحرجه اشلون عاد لو تكلم ابوها.. وحتى لو قلتلهاواجهيه ادري انها ماراح تنفذ.
اشكك عزيزتي على مرورك وردك .
:9_33:

prof_nona21;4211581:
lazm te2ol le waldetha

عزيزتي مستحيل ، اول شئ لان والدتها ماراح تستحمل خبر زي كذا، فما ندري ايش ممكن تكون ردت فعلها.يعني ممكن تتعب او تمرض، وممكن تسوي فضيحه، او تترك البيت ..ماادري بس حل مستحيل .
اشكرك عزيزتي على مرورك وردك.
:9_33:

سلفانا .. آمين يارب
اشكرك على مرورك
:9_33:

وهج الدموع;4211683:
الصراحه منصدمه

بس اول ما طرا على بالي
انها تكتب له رساله وتخليها له في مكان محد يقدر يشوفها غيرة مثلا بسيارته واذا احد غيرة بستخدم السيارة
تخليها مخفيه وتدز له مسج تقول له في المكان الفلاني شي مني لك
وتكتب كل اللي في خاطرها وتحاول تكثر من الكلمات اللي تاثر فيه مثل يا قدوتي وعزي ...........

وتحاول تبتعد عنه كم يوم ودام اختها تدري ممكن تاخذها عندها باي حجه

هذي انسب طريقه لقيتها لانها ماتقدر تواجهه وتكون قويه وتسويها وتشوف شنو ردة فعله
واذا رجعت البيت تعامله عادي ولاكاته شي صار بس لازم تاخذ الحذر منه لحد ماتوثق فيه

الا هي كم عمرها ومن متى بدا يطلع مواهبه عليها

من جد منصقعه

حل ماجاء في بالي بقولها عليه وبشوف ايش ردها، وبعد بنتظر ردود البنات يمكن احد يعطينا حل تاني..

هي عمرها 22 سنه (ضحكتني كلمتك ..بدأ يطلع مواهبه عليها ههههههههههههههههههه)

الـف شكر عزيزتي على مرورك الرائع..
:9_33:

موني العمر .. آآمين ياارب
اسعدني مرورك عزيزتي
:9_33:

هذا كلام ماينسكت عليه
وضروري تقعد مع امها وتقولها كل شي صار بينها وبين ابوها
وتخلي الام تتصرف
والله يهديه ويصلحه ولاحول ولاقوة الا بالله


دمتم سالمين
اختكم شريفة

أقولك اختي معليش هذا موضوع ماينسكت عليه
يعني مايصير تكلمه أوتتركله رسالة ولايشوفها احد( ليش تخاف على شعوره )
هذا انسان مريض مايخاف الله
لازم تقول لأمها
واذا عندها عم أو خال كبير تتكلم معاه
مع الايام ممكن يزيد الموضوع وتحصل لاقدر الله مالاتحمد عقباه
اخاف نفسيتها تدمر
شجعيها وربي يكون في عونها ويخلصها

لاااااازم تقول حق امها
شو تسكت
لين ما يسوي الاعظم من جيه
و بعدين شو الفايده
يا ربي قلبي يعورني عليها


الله يحميها و يفكها من اللي يهي فيه
لين متى بتم تشرد منه ... لو ف يوم ما قدرت تشرد !!
استغفر الله مب عارفه شو اقول انا منصدمه


الله يخليج ساعديها بحل و الله انا ما اعرف شو اقول
بس لازم تقول حق امها و تفهمها الموضوع
مثلا تنخش امها فالغرفه و تشوف بعينها شو يستوي !!!!!!!!!!!!!!!!!!!!!!!!!!

تحاول تتهرب منه والمكان إلي هو في هي تطلع منه يعني إذا قعد في الصاله تروح المطبخ واذا راح المطبخ تروح المجلس لين إجي ليها نصيبها وتطلع من البيت وغذا بتنام تقفل على روحها الباب خصوصاً لأنها بنت بعدين إذا طاح الفاس في الراس محد بينفعها ولا في أحد بتزوجها حتى أمها ما بتوقف وياها لأنها ما راحت وشتكت عليه من البداية يعني إتسترت عليه وبعدين هذا الشي ما يرضي الله يعني قد ما تقدر لازم إدافع عن شرفها حتى لو كان الجاني أبوها ((عاد هذا أبو)) وإذا زاد الشي لازم إتقول إلى أمها لأن حتى الأم حرام تعيش طول عمرها مخدوعه ويه واحد مثله يعني إهي تخدمه وتريحه وتشاركه السرير وهو إفكر أشلون يستغل بنته وينفرد فيها ((إلي ما يخاف ربه)) لو آنه منها جان من زمان قلت إلى أمي وخليت أمي تطلب منه الطلاق والمحكمه تحكم الى الام بالبيت وخليته يشحت من الشواع ((يعني هاذي آخرت العيش ))صدق عشرت عمر بس ما هانت عليه وإذا طلع منه جذي أنه بعد ما تهون علي أمي ولا الأم تهون عليها بنتها أبوها تزوج وتمتع بالدنيا وخلف عيال وقاعد الحين إضرهم ((يستغلهم يعني))شنو بياخذ زمنه وزمن غيره شنو ناوي عليه أصلاً إخلي البنت بلا زواج لو إكون عندها عقده نفسية المفروض البنت إتفكر في مصلحتها ابوها اكيد صار كبير في السن يعني كلها اليوم وباجر وبفنقش((ينتقل إلى جوار ربه)) وبظل هي في دنيا ما ترحم فخله تحافظ على نفسها وما تخلي أحد إقرب عليها ولا على مستقبلها صحيح الله أمرنه بطاعة الوالدين بس حط حد إلى هاذي الطاعه والقرآن الكريم يشهد والله يوفقها ويحفظنه وجميع المسلمين والمسلمات وانتين بعد لا تخلينها وحاولي تقنعينه بلغة العقل والمنطق مو بلغة العواطف والقلب ترى العواطف بين يوم ليلة تتغير وإنشالله غير وننتظر الرد الطيب لحل هاذي المشكله وإنشاللله نشوفه قريب

الـف شكر خواتي على ردودركم ..تقريبا كلكم تشوفون انه الحل تقول لامها ،، والله ماادري انا بقولها هالكلام وان شاء الله تقتنع لاني انا اقتنعت بوجة نظركم،، صدق اذا طاح الفاس بالراس مااحد بينفعها ..

دمتم بود

الله يعينها ياحبيبتي انا اعرف وحدة كانت نفس الشي مع ابوها بس للاسف كانت بوايد اصغر من رفيجتش يعني من يوم عمرها 11 او 12 وماقالت لاحد وظل معاها سنوات وهي ماتعرف شي بس الحمدلله مافقدت عذريتها وماتوقف هالشي الا على عمر 16 او 17 سنة يوم فهمت وكبرت بس ماقالت لاحد الا لي يوم توفى ابوها وهي عمرها 18...

انا من رايي بما انها الصغيرة وهي 22 يعني امها مو صغيرة في السنن يعني اكيد راح تتأثر والموضوع مو سهل يتراوى لي تكلم احد من اهلها كبير او اخوانها او خالها او عمها قبل لايطيح الفاس في الراس او تقول له مرة اذا ماتوقف عن هالحركات راح تخبر اهلها

السلام عليكم ورحمة الله وبركاته

الله يعينها صديقتك على مصيبتها مع أبوها عديم الأخلاق بدل ما يصونها ويحافظ عليها يتحرش بها
الأفضل زي ما قالوا لك البنات تكلم أمها على الأقل حتى ما تتركها وحدها معاه أبداً , حتى لو تركته الأم ايش تبغى أمها في زوج ما عنده دين ؟ ولو مرضت أو ماتت ايش لزمة حياتها وبنتها شرفها مهدد والله أعلم ممكن يتطور الأمر ويعتدي عليها وقتها مين حيفيدها ؟ وعشان كمان يعالج نفسه الأب المريض نفسياً وخلقياً ومايكرر الأمر مع اللي بعدها إن كان عندها أخوات صغيرات . وياريتها لو أتقدم لها أحد تستخير وتتوكل على الله و أنت ياصديقتها لو تعرفي أي أحد مناسب لها دلي عليها أو بلغي أمك تساعدك بطريقة انك تشكري في صاحبتك في وجود أمك وفي وجودغيرها وانها تستاهل كل خير .و تستحق أحسن عريس وماشابه , لأن الزواج أفضل لها من حياتها مع أبوها بس مو أي زواج الله يرزقها بالصالح اللي يسعدها ويهنيها ويعوضها خير و لا حول و لا قوة إلا بالله .