العين والحمل

رانيا البحرينية;4206001:
أخواتي حابة أعرف رايكم في موضوعي هذا..

قبل سنة وبالتحديد في شهر ثمانية،، كنت جالسة مع بنت خال أمي في صالة بيتهم ومعي إبني(احنا صديقات من الطفولة ومانفترق عن بعض وتزوجنا مع بعض أنا حملت مباشرة وهي ماحملت الا بنهاية السنة يعني بعد 3 سنوات وشوي وتوها والدة ولد عسول)..
المهم دخل علينا أخوها وزوجها (طبع وقتها بعدها ماحملت) الا ولد خال أمي يقول يحليلج والله وصرتي أم وتشيلين عيالج أيام كنا أحنا نشيلك فيها،، الا زوج بنت خالي يقول إن شاء الله ماتشوف الثاني..
أنا أنصدمت وكان عبودي بيدي وبغيت أطيحه من كلامة المسموم،،، زعلت ورحت قلت حق أمي،، جان أمي تقول حق ولد خالها ليش هالحجي الا هو قال لا هو يتغشمر ويقصد أني أموت قبل ماجوف عيالها الباقي... بس آنه كنت عارفة أن فيه حقد علي اني حملت وصار عندي عيال وهو لا،، مع أن الله يشهد كل مرة أدعي لهم وكل عمرة أروحها أدعي لها..

من وقتها وأنا قررت الحمل على إبني وماصار، وبعدها حملت بشهر فبراير والله ماسهل وأجهضت,, والحين صار لي 3 شهور وماقاعد يصير الحمل..

تحاليلي في شهر يناير كلها سليمة وصار حمل وماستمر،،، وبعد الإحهاض عملوا لي تحاليل وكلها سليمة..

ممكن اللي فيني يكون عين؟؟ وكيف أعالج العين هذي؟؟؟؟

مادري هالركن يصلح لموضوعي او لا؟؟؟ بس لأني بديت أحس بأن اللي صايبني عين مو مشاكل بالحمل او غيره، لأني حملت بإبني من اول محاولة وماكان عندي أي صعوبات بالحمل....