نداء لبنات البحرين

حنوون 15-08-2007 13 رد 298 مشاهدة
ح
السلام عليكم جميعا..
خطوبتي قربت وانه ليحين مو عارفه اجهز روحي من مكياج وشعر عند من..
اللي عنده رقم اي شخص من المذكورين تحت بلييييييز طرشوهم لي على الخاص الله يرضى عليكم :
عائشه البلوشي- لمياء بوجيري -فاطمه شويطر او اختها صفيه
واللي تعرف اسعارهم تقول لي بليييز .. واذا عندكم اختيارات ثانيه حق مكياج او شعر ساعدوني بلييييز
أ
اختي طرشت لج الارقام على الخاص

وحق الشعر عندج بعد وحيده في صالون الرونق وااايد شغلها حلو

وبالتوفيق
ا
هلا حبيبتي لا تحتارين و كلنا هني بنساعدش
انصحج روحي الرونق لشعرج عند وحيدة و صالون النجمة لنور حق المكياج و ما بتندمين ياحلوة و بالمبارك
ع
وي فديتش لا تحتارين ولا تخافين ولا شي احنا عني كلنا وياش الى لين يوم الحفلة لا تحاتين انتين اخترتين المكان الصحيح
ا
الشعر ب40 بدون وصلات عند وحيده
والمكياج ب60 عند عايشه البلوشي
ر
انه من اسبوعين كانت خطوبتي و رحت الرونق
الشعر عند وحيده طلع علي ب 75 دينار
انه شعري طويل و حطت لي 3 وصلات بس في شي مثل الباروكه مادري باستيج حق الشعر تحطها و سعرها ب 20 دينار و لا قالت لي و لا شي بس يوم بادفع خبروني ان هذي لازم تحطها و في عروسه معاي حطوا لها شعر طبيعي و خذوا منها تأمين 80 دينار غير سعر التسريحه و المسكينه ماكان عندها الا 100 دينار و توهقت فالصالون

و عايشه 60 دينار بس سوت لي مكياج وايد وايد حلوو و الكل عجبه
م
هلا فيج وين خواتج حبيبتي اذا تبين سفرة عجم اخذي ايجار ةتفتكين من عوار الراس في محلا ت اكثيرة واذا تبين تصوير لحفلتج ومجربة انا بعطيج رقمها وشوفي العروض الي عندها من تصوير وفيديو
ن
>>ثنتينا مثل الشي تقريبا

لهالسبب استأذنج وحابه استفسر عن بعض الشغلات اللي يمكن اتفيدنا احنا الثنتين


حابه استفسر عن صالونات للمكياج والشعر وافضل انهم يكونون من مناطق قريبه

وحتى التصوير ابغي اسال سمعت عن صحاري والمستقبل والمجال

وابغي بالحنا اخلي احد يجي لي البيت يصورني عندكم نصيحه او تعرفون محل يصورون دجتال حلو بالبيت وفيديو بعد؟


>>هذي مشاركتي في موضوع تجهيزات عرايس البحرين

السلام عليكم

>>ادعوا لي قريبا ان الله يوفقني

وانا بصراحه ما اعرف ولا شي عن سوالف الاعراس و لا عندي اي احد يقدر يساعدني

فاحترت شسوي او لمن الجأ او أسال يعني باختصار "وحدانيه" ولا اعرف لامور الاعراس

محتااااجه مساعده من الجميع من كل عضوه بالمنتدى اتوجه بالنداء

ابغي احد من بنات البحرين المخطوبات او لمعرسات انهم يساعدوني:tears:

ابغي تعلموني وين اقدر اروح بالخطوبه

يعني ابغي اعرف احسن الحنايات من هم وكم اسعارهم اذا ابغي وحده اتحنيني لخطوبتي؟

>>كل وحده تعرفونها او احد من قرايبكم تحنوا عندها وتحسونه حليو او صالونات يحنون فيهم .. انصحوني


ومن وين اقدر اختار فستان لخطوبتي ويكون لونه حليو و وموديلاته كشخه؟


وبالنسبه لاماكن الاقمشة اللي يبيعون اقطع حليوه ؟

والخياطين وين اروح اسوي لي فستان"يصلح للملجة والحناء>>لاني افكر اسوي الملجه والحنا بمثل اليوم وابغي

فستان يصلح لهالشي ،واذا سمحتون او احد يقدر يقترح عليي موديلات لهالمناسبه


واما للمكياج والشعر ليوم الخطوبه وليوم الملجه ابغي اروح صالون اقدر اوثق منهم ومن شغلهم

>>لاني اول مره اروح صالونات وباغلب الاوقات اتعدل بالبيت

وهل عندكم احد تعرفونه يقدر يجي لي البيت يعدلني يوم الملجه عشان استغل الوقت>>من منطقه المحرق خصوصا..

وبالنسبه لسفره العجم شلون اقدر ارتب فيها شغلات حلوه ومن وين اقدر اشتريهم..وهل عندكم افكار او مقترحات لي

من الممكن تفهموني بهالامور وتعتبروني اخت لكم لاني محتاجه لمساعدتكم لاخر حد..:tears:

للعلم"انا من محافظة المحرق ">>يعني من المناطق اللي بالمحرق

يعني كلش ما اعرف بهالسوالف شي


واشكر كل عضوه سواء بالبحرين او بخارج البحرين بتقدر تساعدني او اتحاول تنصحني بهالامور

تحياتي لكم جميعا

اختكم

نور البحــــرين
ع
شخبار انشاء الله قررتي شنو تبين اتسوين
م
ماريا 1;4217566:
هلا فيج وين خواتج حبيبتي اذا تبين سفرة عجم اخذي ايجار ةتفتكين من عوار الراس في محلا ت اكثيرة واذا تبين تصوير لحفلتج ومجربة انا بعطيج رقمها وشوفي العروض الي عندها من تصوير وفيديو



نور البحرين ممكن تستفيدين من التصوير للحنه طرشت لج رقم المصورة
آ
إذا ممكن تطرشون لي أني بعد أرقامهم على الخاص مع أسعارهم
م
آهات الزمن;4247967:
إذا ممكن تطرشون لي أني بعد أرقامهم على الخاص مع أسعارهم



شيك ع الخاص
آ
ماريا 1;4255583:
شيك ع الخاص


أختي جيكت الخاص بس ما كان فيه رقم
b
انا بعد بغيت الارقام عالخاص

واذا ممكن رقم فردوس بعد للمكياج
X