بنات البحرين لا تبخلون بالرد

هلا اختي

بالنسبه للمطاعم بالبحرين ما شاء الله وايد

بس بقول لج عن مطعم عجييييييييييييييب عزمني فيه زوجي بمناسبة عيدميلادي

بس مطعم والله مو طبيعي

امممممممممممممم الديكور جدا رومنسي احمر في احمر وكراسي مريحه بعد لونها احمر
وستائر من الكرستالات الي لونها احمر تغطي الكراسي من فوق الى تحت

اختي اسم المطعم تياترو في مجمع الدانه واذا ما تعرفين مجمع الدانه فهو مقابل مجمع السيف المعروف عندنا
طبعا المطعم فيه بوفيه واكلهم حلو وايضا موسيقى كلاسيكيه وشموع وكل الي عليج انج تتمخطرين وانتي تمسكين يد زوجك وتروحين هناك بدون اي تعب كل شي متوفر من اساليب الرومانسيه

والسعر للشخص الواحد بالبوفيه تقريبا 4 دينار او 40 ريال
يعني اسعاره مناسبه

ويوم الجمعه اكلاتهم او بوفيه بحري يعني سي فود

وان شاء الله اكون افدتج عزيزتي
والله يبارك لكم بمناسبتكم وجعل ايامكم كلها مناسبات سعيده

هلا اختي مشكووورة على ردج الوحيده يلي عبرتني
بلى اعرف الدانه بس ما حطيت بالي الى المطعم
عزيزتي انى ابغي مطعم يساعدني في المفاجاه
يعني اودي زوجي المطعم و مرتب لنا كل شي هناك مسبقا بتواصل مني معاهم

و اذا ما احد دلني على هالمطعم اكيد باخذ برايج و بروح المطعم يلي بالدانه

و مشكوووووره اختي ما قصرتي

انا مع خطيبي رحت معاه مطعم في نوفوتيل اللي عند متحف البحرين
داخل في مطعم وااااااايد حلو ،،
وعاد خطيبي كان حاجز قبله بيوم ووجهزو لنا شموع وموسيقى يعني الجو رومنسي ،،
والبوفيه حلو وروعه وطبعا كل الاصناف
الشي الحلو اللي فيه ان اذا تبين باستا يسويها لج وانتي واقفه وحتى البيتزا ،،

السعر مو مذكرة بس كأن الشخص الواحد 10 او 13 دينار


وموفقه

السلام عليكم ورحمة الله وبركاته

اختي انا بالنسبة لي عن تجاربي الشخصية تياترو جربته بالفلنتاين ما عجبني اكلهم بالمرة

رانديفو جربته بالركن الشخصي يجهزون لج واذا حبيتي وكل شي ... واكلهم انا بالنسبة لي لذيذ

نوفوتيل فظيييييع اكلهم والمكان والجو وكل شي ....

انتي حاولي تروحين يا رانديفو او نوفوتيل .... الاثنين بتحبين الاكل والمكان والجو وكل شي

في أمان الله