مطلوب افكار لتوزيعات مواليد شهر رمضان

أ

أخــت القــمــر

عروس نشيطة

14-08-2007 | 02:45 AM

السلام عليكم ورحمة الله وبركاته

خواتي انا ان شاء الله ،، بولد في رمضان

فكنت حابة اخذ منكم افكار لتوزيعات البيبي وللقرقيعان . . لان تقريبا موعد ولادتي بيكون نص رمضان او بعده بيومين

فكنت حابه اسوي توزيعات قرقيعان لولدي الكبير .. وتوزيعات للمولود الجاي قريبة من فكرة القرقيعان او على الاقل تكون محتوية على اذكار او فتاوي خاصة بشهر رضان

انا افكر اسوي توزيعات البيبي على شكل فوانيس .. فبغيت اعرف من وين ممكن اجيب الفوانيس الصغير
ة عندنا في قطر

او اي شي له علاقة بالتوزيعات اللي ديزاينها من التراث واشيا قديمة تنفع للقرقيعان والمولود الجديد فنفس الوقت

مادري فهمتوا علي ولا لخبطتكم :21_207:

والف شكر لكم مقدما

أ

أحلى ملح

عروس رائعة

14-08-2007 | 07:32 AM

انا ان شاءالله ولادتي في رمضان بس ماراح اسوي شي يتعلق برمضان يعني عادي
بسوي شي ناعم على ورد او شي جذي

ا

ام شهد11

عروس جديدة

14-08-2007 | 02:01 PM

حلوة فكرتش خيو
انج تشترين فوانيس واشكال تخص شهر رمضان

بس انه من البحرين وماعرف اماكن في شهر رمضان

.

.. طيف الأمل ..

مشرفة سابقة

14-08-2007 | 02:31 PM

الله يقومك بالسلامه احنا في السعوديه تحصلين هالشغلات عند محلات الحلويات والمكسرات ومن يدخل رمضان ما شاء الله تشوفين اشكال حلوه وكل محل يتفنن فيها

e

endless hope

عروس رائعة

14-08-2007 | 02:44 PM

في اخت عندنا في المنتدى تبيع هالشغلات وشفت عندها فوانيس اظن اسمها معاني دبي

م

مايمدحني لقب

عروس برونزية

14-08-2007 | 03:09 PM

روحي للمحلات الحلويات واحجزي واطلبي من الحين
((واحجزيهم عنده الى موعد ولادتك-تقومي بالسلامه باذن الله))

اكيد لازمك كم من فره 00000وصوله0000 وجوله0000 بالاسواق
روحي قبل لاتثقلي واحجزي على ذوقك وبراحتك
علاشان ببداية رمضان-على خير- تكوني مرتاحه وخالصه

يمكن مابيكون عندهم 0000000
علاشان يطلبون لكِ الطلبيه ويجهزونها على ذوق

أ

أخــت القــمــر

عروس نشيطة

14-08-2007 | 10:32 PM

هلا احلى ملح

انا قلت فرصة دام ان ولادتي بإذن الله بتكون في رمضان .. فحلو ان يكون ثيم الغرفة والتوزيعات رمضاني

انا مفكرة اجيب فانوس الحجم العادي واوديه لمحل ورد طبيعي يركب عليه ورد وحركات عشان احطه سنتر بيس على الطاولة الرئيسية

مشكورة على مرورج اختي :)

أ

أخــت القــمــر

عروس نشيطة

14-08-2007 | 10:34 PM

هلا ام شهد

مشكورة الغالية على مرورج وعلى رايج بالفكرة .. ان شالله تطلع النتيجة حلوة :)

أ

أخــت القــمــر

عروس نشيطة

14-08-2007 | 10:39 PM

هلا ام صلووح

انا لو اقدر كان مريت السعودية .. ماشالله بلدكم كبيرة واللي مايدلي فيها شي يتوهق

رغم ان هلي هناك واكيد بيوفرون لي الشغلات لو طلبت .. بس انا من عادتي ما احب اجيب شغلات من برع واتعب نفسي على كم يوم لوووول .. ماحب التعب والدوارة في الاسواق

افضل الشي البسيط المتوفر عندنا فالبلد

<<<<< شعندها الحكيمة :)

انا كلمت زوجي عن الفكرة وعجبته .. وكلفته بمهمة البحث وسؤال الاصدقاء.. وانشالله بيلاقي

تسلمين اختي على مرورج

أ

أخــت القــمــر

عروس نشيطة

14-08-2007 | 10:42 PM

هلا عزيزتي اندلس هووب

مشكورة حبيبتي عالمشورة .. بس انا احب اشوف المنتج وجها لوجه

يعني ماحب اشوفه بس بالصورة والوصف

بس بجرب اشوف الاخت اللي كلمتيني عنها .. على الاقل استفسر منها

أ

أخــت القــمــر

عروس نشيطة

14-08-2007 | 10:45 PM

ههههه مدنونة حمود

تصدقين فكرت بهذي الفكرة .. بس قلت بخليها الحل الاخير

بشوف خلال هاليومين اذا مالقيت فوانيس .. ممكن ابدا ادق عالمحلات واشوف ايش رايهم

انا معتمدة على ربع زوجي .. 2 من ربعه شغالين في سوالف التوزيعات والهدايا

وانشالله ربج كريم.. ورمضان كريم :)

س

سمااا نسيااان

عروس مبدعة

15-08-2007 | 04:36 AM

ماشاء الله عليك اختي انا ولادتي ان شاء الله في رمضان وما كنت ناويه اسوي توزيعاات بس الحين انتي شجعتيني وخصوصا انه في رمضان له جو خاص والتوزيعات بتكون حلووه وغريبه
وان شاء الله في هاليومين راح اشوف محلات ابو ريالين لانه دايما عندهم حركاات حلووه ورخيصه

أ

أخــت القــمــر

عروس نشيطة

20-08-2007 | 12:46 PM

سما نسيان

يلا انشالله اهم شي الله يهون علينا .. ويكتب لنا صيام اللي نقدر عليه من رمضان ..

ونشد حيلنا باللب نقدر عليه

بنسوي اللي علينا .. وربج كربم

مشكورة حبيبتي على مرورج :)