حركة الجنين في اول حمل تختلف عن تاني حمل ؟؟؟؟؟

ولله بصراحه انا ماعندي خبرة ولا عندي تجربه خيوو لان هذا اول حملي ليي
انشاءالله يفيدونك خواتي ذوي الخبرة

البعض تختلف عندهم الحركه يعني موشرط متشابهه الحركه

والبعض تتشابه عندهم الحركه

الله اعلم


اني هذا حملي الثاني واحس الحركه غير بس ما يندرى

ما عندي فكره ان شاء الله الاخوات بيساعدونج

اختي انتي ما بتقدرين تحسين بالحركه غير في الشهر الرابع اللي تحسين فيه الحين يا حركه الامعاء او غازات في بطنج

لا ياحياتي النونو لسه ما بيتحرك
لسه صغير
وكل حمل يختلف احساسه عن الثاني
انشا الله ما فيه تشوه ولا حاجه
انتي بس لاتفكرين كثير

اختي الغاليه خلي ثقتش بالله كبيره وخلي عندش حسن ظن بالله وبرحمته ولاتفكرين وايد ترا التفكيرالسلبي يسبب الاجهاض ومشاكل كثيره والحركه اللي تحسين بها هدي حركة الرحم

انا عن نفسي في حملي الاولي تحرك البيبي في نص الشهر الخامس وتم يتحرك طبيعي لمدة شهر تقريبا بس بعدين قام ما يتحرك بالايام ..
خفت ورحت المستشفى وبعدين الفحص طلع ان كل شي طبيعي بس مو عارفين ليش الجنين مو راضي يتحرك ، مع العلم انا رحت المستشفى بعد ما توقفت حركته باربع ايام يعني باليوم الخامس المغرب رحت المستشفى..
خلوني عندهم 3 ايام في المستشفى تميت خلالها تحت الملاحظة يعني كل شوي يتأكدون من الضغط ، وسووا لي تحليل سكر وتخطيط للجنين والتراساوند وكل شي اوكى لكن الجنين ما زالت حركته قليلة ..
بعدين صدمني الدكتور " وهو احد اكبر الاستشاريين لامراض النساء والولادة " بان احتمال يكون الجنين هادئ ونايم وان احتمال يكون في تشوه في الجنين ..
:qaq:

طبعا ان مت من الخوف وكنت وقتها بداية الشهر السابع تقريباومحد عرف بالموضوع الا زوجي .. بعدها خلوني اروح المستشفى كل اسبوع علشان يلاحضون حركة الجنين وشوي شوي تحسنت حركة البيبي وقام يتحرك احسن وبعدها خلوها كل اسبوعين وقريب الولادة قمت اروح كل اسبوع وطبعا الحمدلله كان كل شي اوكى لكن الخوف من كلام الدكتور كان ملازمنا طول الوقت الين صار وقت الولادة والف الحمد لله اني انجبت طفل طبيعي :2_106:
يعني يا اختي قلة الحركة مو شرط ابدا على وجود تشوه في الجنين ..

وفي الحمل الثاني كان عكس الحمل الاولي .. تحرك في اول يوم من الشهر الرابع .. وكان ما شا الله شقي جدااااا وعلى طول يتحرك لدرجة اني ما كنت اقدر انام واحيانا اقوم من النوم على حركته وكان حركته قوية وااايد ولا يهدا .. وياما اروح مواعيدي في المستشفى والدكتورة تسمع وهو يتحرك ويقولون لي باين عليه البيبي بيطلع شيطون وحرركي ..


لكن الحين الاحظ فعلا ان ولدي الصغير انشط من الكبير وحرركي وايد ونومه قليييل ومتعبني اكثر من اخوه .. لكن في تطوراتهم مثل الزحف والجلوس والحبي مثل الشي تقريبا ..