اجازة مرضية

وينكم؟؟

انا مو من الامارات بس احنا بالكويت العيادة الحكومية تعطيج على الاقل 3 ايام اذا كنتي حامل وبأي شهر سواء بالاول او الشهر التاسع اما العيادات الخاصه يعطونج اسبوع وانا بحملي من الشهر الثامن كله مرضيات لين ولدت طبعا غير المرضيات المقطعه خلال الشهور الاولى .


بنات الامارات وينكم ردوا على بنت دبي قبل لاتولد....

الله يسهل عليج يابنت دبي
انا من الشارجة وما عندي فكرة والله عن الاجازات
لاني ما اشتغل
بس ما حبيت امر بدون ما ارد:2_106:

هلا اختي
الله يسهل عليج إن شاء الله يا رب
انتي عندج اجازة سنوية ليش ما تاخذي منها
آنا باخذ اجازتي السنوية في شهري علشان اريح قبل الوضع بإذن الله
وموفقين جميعا

ليش تاخذ من السنوية لها الحق بأن تأخذ مرضية في الحمل وخصوصا الشهر التاسع،، أنا أذكر بالشهر التاسع داومت بس أسبوع وبعدها رحت دورة يومين ومن بعدها ماشافوني،، كانت الدكتورة تكتب لي خمس أيام وبما أن المراجعة كل أسبوع بالتاسع كنت آروح وتمدد لي..

إن شاء الله بنات الديرة ينفعونج..

اممممممممممم والله ما عندي فكره بس جربي المستشفيات الختصه يمكن يعطونج


بس انا كم مره اروح للمستشفى اذا كنت تعبانه وانا بالشهر الثاني يعطوني 3 ايام ومره يوم على حسب

هلا والله ببنت دبي انا مره سرت الوصل وعطوني اسبوع حاولي او خذي من الرصيد ولا مذله العيادات انتي عند
اي دكتوره اتابعين ف الخاص

بنت دبي
سيري عند الدكتوره عفاف بتعطيج انا كنت اخذ منها ومصدقه من دائرة الصحه بعد بس ادفعي 100 والله انا كنت في السياره وريلي يسير ايب الورقه

http://go.3roos.com/D64ytvLACHv .

مشكورين ...

انا سرت عيادة ام سقيم عطوني يوم واحد وبعدين سرت عند دكتورة زينب عطتني يومين..

بصراحة انا ابا اسبوع راحة وما اقدر آخذ من رصيدي لان اول شئ ما بيخلوني اطلع اجازة وثاني شئ ابا اجازتي حق عقب يعني عقب ما اربي...

يالا هانت ما بقا شئ انشاءالله اربي اليوم قبل باجر...

مستشفى الوصل ما يعطون الا في المواعيد بس 3 ايام وفي الطوارئ مستحيل يعطون ماعرف ليش؟؟؟

وعفاف بعد بس تعطي 3 ايام...

مب جني طماعة هههههههههههه شو اسوي والله تعبانة...

http://go.3roos.com/D64ytvLACHv .

بنت دبي والله حاسه فيج..

ان كنت كله اخذ من رصيدي ومن عند عفاف والوصل على الايام يوم كانو يعطون اسبووع

على فكره دائراة الصحه مانعه الاجازااات وهالقرار من شهر 5 بدا عندهم انا موظفه عندهم ما يسولي سالفه هههههه

صدقوني أنا أستغرب ليش دائرة الصحة مانعة الأجازات هل في نظرهم الحرمة الحامل جالسة تتدلع ولا هم ما عندهم زوجات وخوات عشان يشوفو شو يحصل للوحده لما تكون حامل وخاصة على نهاية الشهر الثالث. لكن المشكلة صدقوني اللي يحط هالقوانين مش رجل لأن الرجل عادة يكون متعاطف مع المرأة لكن معظم هالقوانين اللي يحطوها كانت فكرة وحده من المسترجلات واللي يسمن عمرهن حريم.

أنا على كل ولااداتي أول شئ ينزل علي ماي وبكثرة وبدون سابق أنذار لكن الحمد لله والشكر صارت لي هالمواقف مرة كنت بالبيت ومرة كنت منومه في المستشفى لكن تخيلو لو كنت في مكتبي وفجأة ينفجر ماي الطفل ويصب قدام الموظفين والموظفات شو بتكون حالتي ساعتها؟؟؟؟؟؟؟؟؟؟؟؟؟؟

أنصحك اختي لا أداومي وأنتي خلاص على وشك ولاده واللي يبا يضرب راسة بالجدار يضربه .

وبعدين 3 أيام حلوين عسى تولدي خلالهم وكل ما خلصت أجازتك داومي لهم كمن ساعه وأستأذني وروحي عيادة ثانية وخذي أجازة وكذا لحد ما تتسهلي.

.

عروس الموج
ريحانة القلوب

مشكورين... والله محد حاس فينا

انا الحين بديت اسويلهم طاف.. معني ماحب آخذ اجازات طويلة لاني اعرف برد بكرف.. يالا شو انسوي

بس المفروض الوحدة من تدخل التاسع خلاص يعطونها اجازة...

انا الحين اييني الويع بين فترة وفترة.. واذا زاد الويع وانا في الدوام والله ماعرف شو اسوي

اليوم داومت الساعة 10 وطلعت الساعة 1:30 عندي موعد
وباجر واللي عقبه بعد عندي موعد بدوام وبطلع بحاول يوم الثلاثاء يعطوني اجازة عالاقل الين الخميس..

وانشاءالله اربي وافتك..


.

عيادة زليخه إلي في الطوار تعطي إجازات للحوامل سواء عند الدكتورة العراقيه ولا الهنديه. و بدون تصديق من الوزاره إذا دوامج ما يطلبها. بس قوليلها إن يوم واحد ما يكفيج . الله يعينج والله و يسهل عليج. أنا بعدني في شهوري الأولى و مب رايمه أداوم حالي حال الناس. الله يعيني للتاسع شو بسوي.