شاعر بكل المقاييس
كثيراً ما جذبني شعرهـ وخاصة ..... الحب كذبة .....
ولكم هذهـ الرائعه
\
\
اللي يقول الحـب موجـود كـذاب
شغلات ممنوعـه يسمونهـا حـب
واللي يقول اسهرني العشق نصاب
ويعرف نصّابـه معلمتـه النصـب
لاشافت عيوني مواليـف واحبـاب
والعشـق ماخطّـا بقلبـي ولا دب
اكتب غزل كله على شان الأعجاب
ماهو على شان الهوا كـل ماهـب
لاهب نسناس الهوا خاطـري ذاب
ولا كمّل النسناس وشلـون بشتـب
اوهـام شعّـار وخرابيـط كـتّـاب
والجيل ذا من يوم جا والهوا خرب
نهيت قلبي من طبوعـه ولا تـاب
قد قلت له خل الصراحه على جنـب
لن الصراحه دايمن تفتـح ابـواب
صار الكلام الواقعي يشبـه السـب
الـي بيزعـل بيلقـا لـه اسبـاب
لو ان مالي ذنب بيحط لـي ذنـب
حنا بزمن فيه العلاقـات بحسـاب
للواضحـه ريبـه وللخافـيـه رب
حب اوطنك حب اهلك حب الاصحاب
ذولا لا قلت تحبهـم فعلـن تحـب
\
\