بنـــــــــــات الامارات

م

مس منشن

عروس جديدة

13-08-2007 | 03:53 PM

السلام عليكم

بنات اللي عندها فكره عن جامعه في الامارات خاصه طبعا تقبل اللي نسبتهم تحت الستين تقوليي الله يسامحهم كل ما ابغى اسجل يقولولي فوق الستين يعني اللي تحت الستين خلالاص ما يتعلمون وشوه بيكون مستقبلهم حسبي الله عليهم

واللي ماعندها رد ارجو انها تدعيلي بالتوفيق والله ينولني اللي في بالي :sad:

ت

تسبيحات

مشرفة سابقة

13-08-2007 | 03:56 PM

والله ياعمري انا مومن الامارت
بس حبيت
ادخل وادعيلك
يارب تيسر امورها وتشرح صدرها
واكثري من الاستغفار
بالتوفيق غاليتي

ا

المتغشية

عروس برونزية

13-08-2007 | 04:56 PM

الغالية لي أعرفه انهم مايقبلون الا من فوق الستين

بس انشاله ايوفج لج وينولج مرادج الغالية

@

@شموووخ@

عروس مشرقة

13-08-2007 | 05:30 PM

بصراحه ماعندي فكره

بس الله يوفقج وينولج اللي فبالج ان شاء الله

ق

قيثارة

عروس مبدعة

13-08-2007 | 09:43 PM

الله يوفقج أختي

فعلا هاللي سمعته انه الجامعه حاليا ماتقبل اللي نسبتهم أقل من سبعين انتي قلتي تحت الستين وهالشي كان من زمان بس مادري حاليا هل اللي في الستين ينقبلون بس نتمنى لكل اعيالنا التوفيق وفعلا حرام مستقبله يضيع على الاقل يخلون لهم مجال في كليه او جامعه وحده على الاقل

دعواتي لج فظهر الغيب والله يوفقج ويوفق جميع المسلمين

ا

الريـــــــــــــم

عروس مبدعة

13-08-2007 | 10:40 PM

الحين صار 80 في معظم الجامعات

بس عندكم جامعه ولونغونغ ما أعرف مستواها بس سمعت عنها

و عندكم كليه الغرير

والله ماذكر بس وايد شفت عندكم كليات صغيره اكيد يقبلون

الله يوفقج

السموحه عالقصور

a

alhalwa6_6

عروس مبدعة

13-08-2007 | 10:50 PM

هلا
بس انت من وين

جامعه عجمان ممكن يقبلوووون لان انا نسبتي 61%

وممكن جامعه الافق الي بالشارجه اعترفو فيها وشهادتها معترفه
ودراستهم اوكي

ممكن

ب

بنت زايد

عروس مبدعة

13-08-2007 | 10:52 PM

هلا حبيبتي..

اول شئ الله يوفقج يارب... معظم الجامعات او بالاخص الجامعات والكليات الحكومية ما تقبل الا اكثر من 60

بس عندج جامعة الغرير عادي ودراستهم اوكي
وكلية الحاسوب بعد

م

مس منشن

عروس جديدة

13-08-2007 | 11:11 PM

alhlwah 6

بالنسبه لجامعه عجمان صعبه اروح لين عجمان بس دبي ممكن لاني انا من العين

يااااااارب افتحها علي مع اني دارسه في التقنيه وماخذه انجاز بس ابا اكمل دراستي والجامعات الخاصه اللي في العين ماتقبل حتى لو دارسه بعد الثانويه ياويييييل حالي متى الله بيكتبلي اني اكمل دراستي

ما عليه يا بنات اتحملوني تراني يالسه افضفض من القهر اللي فيني :mad2:

مشكوره كل وحده ردت على موضوعي

ظ

ظماي انت

عروس مبدعة

27-08-2007 | 03:52 AM

هلا هلا

تفالي خير وانشالله بتقبلج جامعه وبتكملين فيها بس ليش ماسجلتي في جامعة بوظبي الي عندكم وعندكم جامعة العين الي في المرخانيه اعتقد فاتحه من فتره واذا تقدرين تين بوظبي عندج جامعة بوظبي ونيويورك وستوربون والحصن وايد اوكيه انا اكمل فيها خلاصت دبلوم من التقنيه وكانت نسبتيه في الستين وقبلوني وماقالولي لازم نسبتج تكون 70 عادي والجامعه معترف فيها .. الله يوفقج انشالله اختي واذا تبين اي شي عن جامعة الحصن انشالله اقدر افيدج :)

ن

نجوم

عروس مشرقة

01-09-2007 | 05:18 AM

حبوبه ...

جامعة الامارات ما تقبل الا فوق 75

و هالسنـــــــــه وايدين يابووو اكثر من 75 لكن ما قبلوونهم ..

عسب انه عندهك اكتفاااااء خلااااااص ....

و نصهم ودو اوراقهم التقنية ونفس الحاله ...

اللي قبلووه واللي ع الفصل الثاني ...

يعني اللي يحصل له مكان بالحظ هالايام في الجامعات او الكليات ..

وربـــــــــي يوفقج ..

والسموحه منج

ش

شوووووووق

عروس مبدعة

01-09-2007 | 12:35 PM

الصراحه الغاليه انا ماابي احبطج بس تحت الستين ولا جامعه بتقبلج

يعني لازم تعيدين الثانويه عساس تييبين مجموع والله يوفقج

M

Miss.Uae

عروس مشرقة

02-09-2007 | 11:10 AM

الله يوفقج وينولج اللي في بالج :)