متى حملتي بعد الاجهاض..يارب الله يرزقها بلا حساب اللي تفيدنا

مضى 4 شهور على إجهاضي ولحد الحين ماحملت... إن شاء الله باقي الأخوات يفيدونك
أدعي لي أختى باقي يومين على الدورة وإن شاء الله ماشوفها...
الله يرزقك بأسرع وقت ويعوض عليك خير....

اختي انا مريت باجهاضين المرة الاولى حملت بعدها بشهر والله ما كتب له يتم ما ادري يمكن ما اعطيت نفسي فترة راحة..
والحين وقفت 4 شهور وسالت دكتورتي قالت عادي تقدرين تحملين بعد ما شافت لي البويضة ومدى قدرتها على انتاج طفل سليم والحمد لله تم الحمل بس اني كثييير مرهقة والاعراض مضاعفة لكن اعطتني ابر للتثبيت بالعضل وحبوب دوفستون للزيادة كثافة بطانة الرحم والحمد لله للان الامور مستتبة والله يرزقنا وياكم ويرزقكم الذرية الضالحة ويتتم لي حملي يا رب لاني مرة تعبت وجسمي جدا مرهق والله يعين الجميع..

حملت بعد الاجهاض بست شهووووور تقريبا والحمد لله ثبت حملي وجبت بنوووووووووته

متخافيش يا اختى و توكلى على الله وكل شى باوانه:21_162:

صار لي شهرين وماحملت ورحت المستشفى عشان اتطمن على روحي قالت دكتورة
كل شئ ok بس انتظر شوي ثلاث اشهر عشان يكون الحمل سليم ان شاء الله

بالنسبه لي اجهضت 3 مرات
حملت بعد الاجهاض الاول بشهر تقريبا
ويوم رحت للدكتوره قالت لي اريح 3شهور او اكثر
والحمد لله ريحت 6 شهور وبعدها فكرت احمل وحملت وجبت عبادي الله يخليه
وبعد ماجبته بخمسه شهور حملت واجهضت وريحت بعده
والحمد لله ربي عوضني الحين (بتوأم) ان شاء الله اجيبهم بالسلامه
اهم شي يا حلواااااات الصبر وربي راح يعوض اللي راح تصبر ان شاء الله
وتقبلوو مروررري

انا الدكتوره قالتلي بعد دورتين عادي تحملين ....

أجهضت والجنين كان عمره شهرين
وسويت عملية تنظيف
وقالت لي الدكتوره ارتاحي لمدة 4 أو 6 شهور وبعدين احملي
مو عشان شي و بس لأن الظهر يتعب من الاجهاض أكثر من الولاده
والحين صار لي 7 شهوور وللحين ما حملت

اهلين اختي رانيا البحرينية

يارب يا وهاب يا رحمن يا رحيم انك تكونين حامل وتبشرينا ويرزقك ربي بالذرية الصالحه المعافاة وجميع اخواتنا بالمنتدى

هلا اختي مالي غنى عنك

يارب يتمم حملك وتفرحين فيهم

بس ابغى اسالك؟؟
انتي باي شهر؟؟ وهل استخدمتي منشط او كلوميد ؟

ام سعودي memokh يارب يوفقكم اشكركم عالمرور

عروس سمرا يارب يرزقك بالذرية

اختي نوري يا رب يعوضك خيرا من اجهاضاتك

ما شا الله الله يثبت حملك ويقر عينك

بس عندي سؤال استخدمت ابر ساعدو بعد ارادة الله انك تحملي بتوأم؟؟؟

جمال الزهرة بنك روز يارب يكتب لكم الحمل وانا وجميع الاخوات

بنات تكفون اللي عندها تجربه لا تبخل علينا

يا بنات احلىىىىىىىىىى منتدى

انا اريح بعد الاجهاض عشان يرتاح الرحم والظهر وما أحاول ابدا بالحمل موعشان شي بس عشان تقل نسبة الاجهاض بالحمل الياي

إنزين بنات عادي الدورة تجي غزيرة بعد الإجهاض،، ماقصد الدورة الأولى لأن هذي الكل يعرف أنها غزيرة وايد بس أقصد الدورة الثانية والثالثة،، لأن امس جاتني الدورة الثالثة بعد الإجهاض ولحد الحين تجي غزيرة ومتكتلة مع أني تمرخت مرتين بعد العملية....

انا توني مجهضه ما كملت اسبوعين
وقالت لي الدكتوره ارتاحي ثلاث شهور على الاقل
بس ا نا خايفه مرررررررررهان التجربه تتكرر لا قدر الله
وناويه ارتاح ست شهور انشا الله
والله يكتب اللي فيه الخير
ويرزقني ويرزقكم الذريه الصالحه الكامله خلقها وخلقتها
قولو ااااااااامين

انا عقب كل اجهاض اريح 3 شهور وبعدين يصير حمل

لأني حصل لي 3 اجهاضات بعيد الشر عنكم جميعا وكلها في الاسبوع السابع

رانيا يا رب ما تشوفين الدورة وتطلعين حامل

انا بالنسبه لي عندي ولد عمره تسع سنوات جبته في السابع لان المشيمه ما كانت تغذي الجنين بعده بشهرين حملت واجهضت في الشهر الثاني وبعده بشهر حملت واجهضت نفس الحمل الاول بعدين كليت حبوب مانع لمدة سنتين ورحت عالجة على حبوب الحمل علشان احمل لكن قعت سنتين ما حملت بعدها كليت كلوميد وحملت بسرعه لكن ما تم حملي نفس الاثنين الي طاحوا ونفس العمر وكلهم سويت فيهم تنظيف وحملت في الرابع بعد كم شهر لكن بعد ماتم وبعدها قعت سنتين ما حملت ومره ثانيه كليت كلوميد والحين حامل بالخامس والله ماتم هالحمل وقف النبض عند الجنين وكلهم نفس السالفه الا واحد لقوا الكيس الحمل فاضى مع ان الدكاتره يقولون ان كل شىء عندي سليم لكن راح احاول الين ما الله يكتب لي النصيب في العيال:888345:

:9_33: انا حملت على طول بعد زواجي واجهضت والحين لي سنه وشهرين وماصار حمـــــــــل دعواكم لي ان شاء الله ياااااااارب