متى راح تشترون ملابس العيد؟؟

السلام عليكم ورحمة الله وبركاته..


هلا ومرحبا فيكم اخواتي... :9_28: شرفتوا موضوعي

هههههههه لا مو مبكر ولا شيء .. العام اللي فات اخواتنا في عروس جزاهم الله خير.. نبهونا الى شيء مفيد جداً..
وهو شراء ملابس العيد قبل رمضان ما يبدأ حتى..

في البداية ما اقتنعت .. لكن لما دخلت وشفت ردود البنات .. اقنعوني لسببين..

1- ان في شهر رمضان كلنا نصير مشغولات بشدّة.. من ناحية اعداد الفطور.. او الزيارات ( صلة الارحام ) او التعبد في الشهر الفضيل..
وحرام نضيع وقتنا في التسوق من مكان لمكان عشان نكمل ثياب العيد..

2- ان قريب العيد تنزل بضاعة الشتا.. وللاسف الوقت يكون حار بعده.. وما نحصل ثياب صيفية للعيد الا بالغصب .. ويكون معظمهم مو حلو.. او بقية الموسم الصيفي...


والحمدلله فعلاً اتبعت نصيحتهم وارتحت بشكل فظييييييييييع من التفكير والترقب وحتى زوجي استانس لأني ما عذبته بروحة السوق في نهاية رمضان اللي يكون عادة مزدحم وللاسف في العشر الاواخر نضيع الفضيلة ..

فشرايكم نستغل تخفيضات نهاية موسم الاجازة الصيفية .. ونبدي نشتري للاعياد من الحين؟


ان شاء الله انا هاليومين راح انزل السوق اشوف للشباب واخبركم وين فيه ملابس حلوة او تخفيضات ووين ما عجبني .. طبعاً في البحرين..


انتظركم بنات مع تقاريركم :)