افكار لاطباق سريعة للاطفال خلال نهار الشهر الكريم

اسمعي .. ولدك الا عمره 8 شهور عندي لك حل له ..

انا الحين اسوي له للغذا : أرز و كوسة بدون تقشير و بوبر و شوية جزر و شوفان و قطعة دجاج صغيرة .

و اذا استوى اخليه بالخلاط و اضيف له كم ورقة بقدونس حتى ما ينزل دمه و كم حبة زبيب .. و بعدين اخلي المزيج

في اربع زجاجات فارليز عندي من قبل .. و اخليهم بالثلاجة ..

و اغذيه و ساعات حتى العشا منهم


.. يعني شغلة سهله مو متعبة و مفيدة .. و الدكتورة مدحتها بعد ..


و قياس زجاجة الفارليز يشبع الجاهل يعني مو شوي و لا واجد .. و بعدين الساعة 5.30 عطيه زبادي مثلا

او اذا صار لك وقت عطيه فواكه ..


و اتمنى افيدك ..

والله هالموضوع شاغل بالي من العام اللي فات يا ماما حسون..

بالبداية قلت اسوي له العشيات وقت الغداء..
بس طلعت السالفة متعبة..

وبالاخير ما ياكلها بعد..

وبعدين حاسبت انه يقعد معانا ع الفطور. فيعني صار لازم اعطيه شيء خفيف عشان ياكل معانا في الفطور..
فيا اخلي له عيش من فطورنا من الامس في الثلاجة وااكله مع روب او لبن .. وقطع تمر اكوره له عشان يحبه..
او روتي بانواعه مع حشوات مختلفة كل يوم ..

وساعات اذا اسوي صالونة لحم للفطور .. اشيل له من المرق واعطيه مع عيش من امس ..وشوية خضار..

وامشيها...

بس صج السالفة متعبة..

السلام عليكم و رحمة الله و بركاته

نفس طريقة أم حسين...

أخلّي شويه من شوربة اللحمة مع رز...و قطعتين لحمة...و أغديها لمريم وقت الغدا...

علشان تقعد معانا وقت الفطور...

أو معكرونة مسلوقة...هذه تحبها و ممكن تشبعها لحد الفطور...

بنتي الصغيرة إن شاء الله بتكون بدري عليها تاكل...يعني رضاعة بس...

الله يعين على الصيام هالسنة و يقدّرني عليه هالسنة يا رب...

أقتراحات حلووووووووووووووووه وانا استفدت منها واجد

لان بنتي بتكمل السنه 15 رمضان إن شاء الله

والمفروض اني انوع لها في الاكل لكن انا مااعرف شيء عن هذا الموضوع

والحمد لله انكم افدتوني بافكاركم الحلووووه
بس لسه نبغى بعد افكار

جود القمر

الله يعينك ياماما حسون على العيال برمضان،، بس الحمدلله إبنك الحين 8 شهور يعني كبير وإن شاء الله حسين بيعينك...

أنا أكل عبودي للغده يكون مرفوع له من فطور اليوم اللي قبله يعني من المرق مع الرز واللحم او شوربة وبعدها قطعة فواكة،وإلىوقت الفطور نقعده معانه وأدز فيه من الزين، وقبل لاينام أعطيه شوية ثريد او رز (يكون ماكمله من الفطور) او سندويش جبن.

يعني الخلاصة رفعي لهم من أكل اليوم اللي قبله وخليه بعلبة...

مشكورين بنااااات ..


تصدقون فكرة اني ارفع له غداه من فطور اليوم اللي قبله عمرها ما خطرت ببالي :qaq: لان ما تعودت من زواجي للحين اخلي شي ليوم ثاني دايما ارميه .. ويوم ثاني احتار في غدا ولدي ..

غالبا غدا ولدي في شهر رمضان يكون اندومي لان يموت فيها وساعات تكون نفسها وجبة الريوق اذا قعد متأخر يعني شاي وكورن فليكس او سندويتش منزلي :gum: ،، وكنت احيانا اذا لقيته رافض كل اللي اقدر اوفره له ع الغدا اضطر اقدم وقت الطبخ بحيث ان الفطور يكون جاهز على الساعه 3 واغديه منه مرة وحدة ..


ان شا الله من السنة راح اطبق فكرتكم وان شا الله ما يمل بسرعة .. والصغير اشوفه للحين يحب الروتي المغمس بالشاي ويحب بعد خضرة الصالونة وااايد يعني ان شا الله ما احتار في غداه هو بعد ..

واكيد راح يكونون معانا على السفرة المغرب وبشتغل عليهم الين ما يمتنون :2_106:


واللي عندها افكار ثانية ممكن تفيد البنات تحطها هني .. وشكرا مرة ثانية :9_28:

ويييييييييييييييييين البنات ؟؟؟ :qaq:



:9_33:

بنات الحمد لله أنا متعودة من زمااااااااااااان أخلي من فطور يوم لغدا الصغار ثاني يوم



لا تحضير ولا وقوف ولا غلبة


لكن مرة الله يسامحها كان عندي شغالة ورحت أدور على أكل بنتي ما لقيته اتضح إنها كبته الناصحة !!!

لان ما تعودت من زواجي للحين اخلي شي ليوم ثاني دايما ارميه

كيف يا أختي ترمي نعمة ربنا في الزبالة .. وفي ناس ما هي لاقية لقيمة تسد جوعها ... !!

بالنسبه لي بنتي للحين صغيرة والسنه في شهر رمضان راح يصير عمرها 5 شهور
بس عندي لكم فكرة جهنميه
انتوا طبقوها وقولولي النتيحه حتى اطبقها السنه الجايه
وهي سهله جدا جدا











الا وهي










تصوموهم معاكم :21_11:


هههههههههههه


في اسهل من جذي
ما اعتقد:D_smil1:

هلا بنات ..والله من زمان عنكم لكم وحشه والله ..

اما انا اخلي الشغاله اتسوي لهم غدا كل يوم ..وطبعا احنا في الخليج
اكثر وجبات الغدا عيش (رز) فكل يوم تشكل لهم مره عيش ابيض مع دجاج مشوي
ومره مرق دجاج او سمك مقلي مع عيش ابيض او مجبوس ..
يعني مريحه راسي لا اقعد اطبخ لهم وانا صايمه وراجعه من الدوام
ولا اني اشيل من فطور اليوم اللي قبله ..

الا اذا كان طفل صغير يعني 5 او 6 شهور اكون امجهزه له اكل مهروس في الثلاجه
ومجرد اني اسخنه له واغديه .

ووووسلامتكم

أسماء زكي الدين;4201750:

كيف يا أختي ترمي نعمة ربنا في الزبالة .. وفي ناس ما هي لاقية لقيمة تسد جوعها ... !!

انا المشكلة عندي اني ما اعرف اقدر الكمية المضبوطة لنا .. دايما اسوي اكثر من اللي ناكله ، واذا اقلل ابتدي اطبخ احس بعدها ان اللي سويته كميته قليلة فاقوم وازيده حتى لو اضطريت ان اطبخ من جديد(w)<< تعرفين الصايم بعد >> وفي النهاية تكون في كمية زايدة لكن في نفس الوقت هالكمية تقون بسطة يعني مو معقولة بخليها لفطور يوم ثاني لان اولردي بطبخ عليها زيادة فاقول ليش اخليها ما دامني بطبخ بكرا ،، واما على السحور فزوجي يحب يتسحر باشياء خفييييفة وانا نفسه ..

فالاكل الزيادة يكون دايما مصيره الزبالة .. خصوصا ان هني ما اعرف احد جنبنا علشان اعرف من محتاج واعطيه ..

السنة ان شا الله راح ارفع كمية لعيالي لغدا يوم ثاني .. واريح نفسي من تحضير الغدا ..



وهج الدموع انا اقترحت هالفكرة على زوجي :2_106: بس شرايج تطبقينها اول ولين نفعت خبرينا :2_106::2_106::2_106:

أنا العام ولدي كان يصوم معانا وما كان ياكل شيء لينصلاة التراويح وبعدين يبتدي ايوع وأأكلة من الفطور ..... بس كنت أطبخله لأن أهل ريلي محدفيهم يطخل المطبخ بس الخدم فمرتاحين بس ساعات أبي أدخل و؟أسوي أي شيء خاصة السويت لأنهم ما يسون غير فرني وكستر وأحسه مال سنة سكتو وأنا صغيرة ما كلتهم باكلهم الحين يوم كبرت ولا جان زين مرة ولا اثنين كل يوم نفس الأكل عاد يوم امل أسير بيت أهلي وأطبخ وأسوي إلي خاطري فيه.... وسلامتكم بس عندي اقتراح يعني الأشياء الخفيفة مثل الفطاير والسمبوسة اتكون جاهزة من قبل وبس اتقلينها وتعطينهم .....أو روب وسيريلاك يعني يمشي الموضوع لين الفطور وعقب ياكلون منه بعد...

بنات شنو يعني روتي ؟؟؟؟

انا عن ولدي اسوي له غدا حق كم يوم و اثلجه ي تبرويرات منفصله يعني تقريبا يكفيه اربع او خمس ايام

[QUOTE=lolu;4211123]بنات شنو يعني روتي ؟؟؟؟

lolu الروتي هو الخبز السلايس او الشرائح اللي ناكله على الريوق
واحيانا الصمون نسميه روتي او صمون ..في قطر والبحرين نسميه روتي .:D_smil1:


ليش انتوا في الكويت شتسمون الروتي السلايس ؟ :think:

lolu;4211123:
بنات شنو يعني روتي ؟؟؟؟

lolu الروتي هو الخبز السلايس او الشرائح اللي ناكله على الريوق
واحيانا الصمون نسميه روتي او صمون ..في قطر والبحرين نسميه روتي .:D_smil1:


ليش انتوا في الكويت شتسمون الروتي السلايس ؟ :think:

شكرااستفدت منكم

up





اعتقد ان ممكن البنات يستفيدون من الموضوع واتمنى يصير تفاعل اكبر :wink:

ماما حسون شكرا على رفع الموضوع
فعلا استفت وايد من تجارب الامهات