محاولات دائما فاشله

السلام عليكم ...

هذا اول موضوع اتكلم فيه عن حياتي الزوجيه.. انا صارلي 7 شهور متزوجه و احين انا حامل في الشهر السادس.. الحمدلله (في البدايه ما كنت اريد احمل ولكن سبحان الله صار اللي صار)
انا احب زوجي و احاول اني دايما اطيعه في كل شي و احاول اسعده و ابينله انه ما بيحصل حد يحبه مثلي .. بس المشكله فيه هو ... ما يحب يبينلي حبه و ما يخبرني مشاعره و ما يحب يتكلم معاي عن الحب (كلمات حب ما اسمع منه الا يوم انا اقوله ليش ما ترد علي يوم اقولك اني احبك و مادري كيف) يعني صاير بارد عاطفيا و انا وحده اتطلب الحنان احس بالنقص.. اسمع كلام الناس و اتعب ( ادري انكم بتقولون لي لا تسمعين من حد) بس شو اسوي والله والله دايما اغبطهم على حياتهم...
اتمنى ان بس اولد يتغير علي للاحسن .. و انه على الاقل يحسسني بالحب و العطف .. ما ريد شي منه غير هذا الشي
جدام ربعه مستوي بروفيسور في الحب .. و مافي احسن منه حتى في سوالف حمل حريمهم يتدخل و يجاوبهم عن اسإلتهم كانه عنده 10 عيال .. و ينصحهم و يداري عليهم اكثر مني حتى .. في خاطري اقول وين هذا الكلام وهو معاي؟؟

تصدقون دايما احاول افكر ليش انا اتزوجته و ليش رضيت فيه و اصبر نفسي و ادعي ان الله يسخره لي و يهديه..

الله يبعد عنكم النفسيه التعبانه .. والله انا صرت من كثر ما حاطه في داخلي و كاتمه على نفسي طول الليل وانا نايمه اون كاني مريضه او محمومه .. والله حتى زوجي مستغرب يقولي ليش هذا الصوت وانتي نايمه والله ان ما حس بنفسي .. و اتمنى اني اقوله كل هذا منك انت .. بس انا ما اقدر اقوله و حتى لو قلتله بيقولي انه يحبني بس على قولته (الحب في القلب) اااااخ يا خواتي شو اسوي كم قريت مواضيع وطبقتها كم جربت اشياء و سويتها .. حتى اني اطنشه مثل ما تسوي كل الناس قمت اسوي مثلهم بس بعد مافي فايده ... (w)

يا خواتي العزيزات ادعولي بس .. و ادعوله بالهدايه وان الله يسخره لي ويبعده عن عيال الحرام.. ما طلبت شي والله
ولو وحده عندها رد على كلامي او حتى حل افيدوني

اختكم
ليلي دبي