أوافق ولا أرفض!! دخيلكم شوروا عليه :(

~

~ روواحي ~

عروس جديدة

11-08-2007 | 02:21 PM

السلام عليكم ورحمة الله وبركاته..

شحــالكن خــواتي؟؟ عساكن بخيــر ان شاء الله.!

خــواتي انا الصــراحه محتـــاره وماعــرف شو اســوي..

بدخــل في الموضوع على طــول..

امممم انا عمــري 19 سنــه..قبــل سنه اول ما تخــرجت من الثانــويه انخطبت بس ردينــاهم على اساس اني تــوني مخلصــه وبعــدني صغيــره وبكمل دراسه وجي..
من اســبوع اتصــلوا نفس النــاس وراديــن يخطبــوني ومصــرين يبــوني وهــم ناس ماعليــهم كلام والحمدلله..وقالوا بيــون بعد اسبــوعين..

سألنا عن الـولد والحمدلله كل شــي تمام..الوالده قالتلي استخيــري والحمدلله انا قبل ما استخير كنت مرتاحه وعقب ما استخرت بعد حلمت زيــن..

أول شــي اهلي كانوا معــارضين عسب الدراسه وعسب ان هو في اماره وانا في اماره وان هو مستعيل على العرس..بس امــه قالت ان عــادي اكمــل دراستي وهو بالعكس يأيد هالشي..وعقب حسيت ان الكل اقتنع من ناحيه الريال وجي..

بس المشكله انهم خايفين عليه!! انا من النوع الخجول وايد وجبــانه يعني ماعرف اتصــرف بروحي..والكل يقــولي انتي مب قــد المسؤولية وبتتلعوزين وانتي صغيــره وما بتقــدرين توفقين بين الزوج والدراسه وغيره وغيره...

انا الصــراحه هالكلام اللي يخليني متــردده مع اني مرتــاحه..وبعدين مب انا اول وحده انخطب في هالعمــر بس مادري ليش يعني!!

والله انا احيــد الوحده يوم تنخطب تستانس وتيلس تفكر في عمرها وكيف بيكون يوم الشوفه وغيره..اما انا افكــر كيف اقنعهم واخليهم واثقين فيني اني قد المسؤوليه :(

مــادري يعني شو تشــوفون اتوكل على الله واقول حق الوالده خليهم ايوون..او اني ارفض؟!!!(w)

اتــريا ردودكم خواتي..

والسمووووحه..

ع

على ذكراك

عروس نشيطة

11-08-2007 | 02:27 PM

اختي الغاليه في البدايه الله يدلك على الطريق الي فيه الخير لج
وبعدين حسيت من كلامج ان خاطرج توافقين بس خايفه توافقين وعقب تندمين
معاج حق لأنك صغيره بس مافيها شي لو انخطبتي وتزوجتي وانتي صغيره الله يستر عليج انا من رأي خلهم يجون وشوفيه وحاولي تدرسين شخصيته ومن ناحية المسؤوليه ان شاء الله تكونين قدها ولاتنسين انج عضوه في منتدى العروس وكلنا بنكون معاج من مرحلة الخطوبه لي اول ولد لج بإذن الله تعالى وبتلاقين كل الي تبينه معانا
انشاء الله والله يوفقج ويبارك لج في حياتج ويهديج للي فيه خير لج

ك

كسولة جدا

عروس نشيطة

11-08-2007 | 02:33 PM

مادام استخرتي و ارتحتي وافقي حبيبتي و ما عليك من كلام الناس و الله بيوفقك إن شاء الله

خ

خليج عدن

عروس ماسية

11-08-2007 | 02:47 PM

اول شي 19 سنه مو صقيره سن مناسب للزواج مادام استخرتي توكلي على الله :Y_hi_3:

ب

بنت الاسكندريه

عروس مشاركة

11-08-2007 | 02:57 PM

ربنا يوفقك ومدام مرتاحه واستخرتى بقى ربنا معاكى يا رب

g

gulfair

عروس مشاركة

11-08-2007 | 03:14 PM

دام استخرتي وارتحتي وافقي والله يبارك لج

ن

نانو عروس 2007

عروس مشرقة

11-08-2007 | 03:24 PM

وافقي و الف مبرووووووووووووووووك

أ

أسماء زكي الدين

مشرفة سابقة

11-08-2007 | 03:27 PM

استخيري مرة ثانية ووالدك ووالدتك ممكن يستخيروا لك في هذا الأمر أيضا

وعلى الله التوفيق

ع

عـيـ المها ـون

عروس مبدعة

11-08-2007 | 03:56 PM

موفئه حبيبتي

وعمرك مناسب للخطبه

بس الاهل غالبا بيشوفوا انه بنتهم لسه صغيره لانها بنظرهم هيك
بعدين اول على اخر انتي ان شاء الله راح تخطبي
وما دام هالناس فيهم خير اتوكلي على الله
وقولي لامك انك موافقه يجوا

وربي يسهلك امورك
وطمنينا عليكي

اختك

أ

أم شيووخ

عروس مشرقة

11-08-2007 | 04:06 PM

حبيبتي مدام استخرتي وارتحتي توكلي على الله يقلبي وافقي والي فيه الخير بتحصلينه ان شاء الله

والله يوفقج ويسعدج حبيبتي

آ

آخر العنقوود

عروس ماسية

11-08-2007 | 04:32 PM

دام استخرتي وارتحتي حبوبه اتوكلي على الله

M

M!ss Paris

عروس برونزية

11-08-2007 | 05:02 PM

:9_33:
حبيبتي دام استخرتي و حاسة بارتياح و الولد ما عليه كلام توكلي على و وافقي, وعمرك مناسب للزواج فيه الي تزوجوا على عمر 16 سنة و قدروا يتحملو المسؤولية
و الله يوفقك يا رب و ييسر امورك, و ان شاء الله تبشرينا بخطوبتك :)
:9_33:

آ

آآآآآهات الصمت

مشرفة سابقة

11-08-2007 | 07:38 PM

حبيبتي الاستخارة مش بالحلم و الارتياح مثل ما احنا متصورين

الاستخارة انك تطلبي شيء من الله اذا كان فيه خير الك يعطيكي اياه واذا كان فيه شر الك يصرفه عنك

حبيت أوضح هالنقطة بس

ش

شذى 2020

عروس جديدة

11-08-2007 | 10:42 PM

مرحبا اختي .................ومبروك مقدما ورأي من رأي الاخوات ما دام انك استخرت الله يوفقك ان شاءالله ويسهل عليك,بالنسبة لموضوع دراستك في وايد بنات متزوجات ومواصلات تعليمهم بشوية تنسيق منك ,بيمشي الموضوع على خير وكوني واثقة من نفسك وتوكلي على الله:9_33:

&

ღ الينبوعه ღ

مشرفة سابقة

11-08-2007 | 11:05 PM

حبيبتي ابدا مو صغيرة يعني كل البنات من عمرج وينخطبون ويتزوجون عادي انتي توكلي على ربج واذا اجتج القسمة هاي زينة منو كلج من تكبرين تجيج قسمة مثلها الله يوفقج حبيبتي توكلي ولا ترفضين

~

~ روواحي ~

عروس جديدة

12-08-2007 | 11:39 PM

تسلمـــــون خواتي وما قصــرتوا..

والله ردودكم فرحتني وريحتني..

بتــوكل على الله واللي فيه الخير ان شاء الله بيصير..

والله يوفق الجمييييييع ان شاء الله ^________^

#

#روحـ مغليها#

عروس ماسية

13-08-2007 | 01:03 AM

دامك استخرتي والرجال ماعليه كلام واااااافقي

وانشاء الله بتكونين قدها وقدوووود

ولاتصيرين لينه ولا صلبه خلي في تعاااملك معه حكمه

والله يسعدك وانشااااااااء الله تثبتين لهم العكس وتخذلين ظنهم السيئ

وياااااااااااارب يوووفقك

ن

ناعسة الاهداب

عروس رائعة

13-08-2007 | 02:02 AM

توكلي على الله ،، وامشي بالموضوع ،، إذا به خير الله بيسره ،،لانك استخرتي

وسالفة إنج صغيرة،،هذا شي عادي ولازم آخرتها بتتزوجين ،،ومادام جاك الانسان المناسب ليش تردينه بدون اسباب

ولو الوحدة تمت تقول انا مو قد المسؤولية وانا صغيرة للحين ،، لو تكبر بعد بتم تقول نفس الكلام،،

ماعليج من هالسوالف وتوكلي على الله ،، والله يسعدج دوووووووووم إن شاالله. بس لاتنسين تدعين لنا هههههه.

ر

روبا

عروس ذهبية

13-08-2007 | 04:55 PM

توكلي على ربك ... والناس الطيبة ما تنلقي كل يوم .... وحبيبتي 19 سنة ابدا مو صغيرة تقدر تفتح بيت وتتحمل مسؤؤلية بعد

ا

اسيل!

عروس ماسية

13-08-2007 | 10:16 PM

الواحده يوم تتزوج ماتعرف تسوي شئ افتكر مره زوجي اول مره يطلب مني اكوي ثوبه كويته وانحرق وهو توه جديد
ههههههههههههههههههههههه
شر البليه مايضحك