والله مقهوره من خطيبي ومب عارفه كيف ارتاح من هالهم

بسم الله الرحمن الرحيم..

راح اقولكم القصه كامله وانتو احكموا خواتي !!!


انا صار لي مخطوبة سنتين ونص تقريبا .. وخطيبي مايقول لي كلام حب .. مايحسسني ان انا خطيبته .. او مايحسسني اني في مرحلة الخطوبة اللي

المفروض تكون احلى ايام العمر .. مايقولي كلام حب.. وانا من الجهه الثانيه .. كنت دائما اكتب له خواطر حب وغرام وغزل..

واقوله كلام حب وغزل واحاول اتقرب منه بكلام لطيف.. لكنه كان دائما قاسي معي .. كنت افضفض لاختي وامي كانو دائما يقولون انه يستحي وراح

يتغير مع الايام .. لكن انا كنت اجوف غير هالكلام ..

انا صبرت واحتسبت على الله .. وقلت اكيد بعد الزواج بيتغير .. وعلى فكره كان دائما يقولي بعدنا على الزواج لاحقين ..!!

المهم انا كنت صابره وقلت مابضغط عليه عشان مايطفر الريال مني ..

وطلعت عمري غلطانه عشانه وعشان امي الي مابغيت ازعلها ..

واكيد تبون تعرفون شو المشكله الاساسيه اللي بينا .. خطيبي عنده صديق قريب منه كثير .. ودائما يكون طالع معاه وكله يكلمه في التلفون ..

انا خذيت هالشي بحسن نيه .. انه هم اصدقاء قراب كثير..

لكن قبل يومين اكتشقت العكس تماماً..

انا قررت اني ماسكت عن السالفه واكتشف اذا عنده علاقات مع غيري .. وفتحت الاب توب ماله بدون علمه ورحت مكان المحادثات ..

وتعرفون شو جفت .. انه يخوني وياليت يخوني مع فتاة !! يخوني مع الشخص اللي كنت اعتقد انه صديقه القريب ..

الكلام اللي بينهم كان كله كلام غزل وحب وهيام .. !!!

مثل الكلام اللي يكون بين رجل ومراه .. ولكن بين رجل ورجل ..!!!!!!!!

واكتشفت لييش مايقولي كلام حب وغزل .. لانه متشبع بهالكلام مع غيري ..

بصراحه انا تعبت ذل معاه.. انا اللي اعطيه حبي ومشاعري .. انا دائما اقوله كلام حب وهو مايهتم فيني ولا يهتم في مشاعري..

ودائماً يجافيني.. واحيانا يطوف اليوم بطوله حتى مسج مايوصلني منه ..

ابا رايكم ..

وسامحوني اذا طولت عليكم لكن ماعرفت شو اسوي غير اشكي لكم حالي ..