شعري اخترب ..وش اسوي؟ - منتديات عروس

O

Om Arawy

عروس متألقة

10-08-2007 | 01:20 PM

السلام عليكم
شحوالكم ياخواتي
انا توني مشتركة بمنتداكم الرائع
من زمان ادخله بس تو اشتركت
اتمنى تفيدوني
مشكلتي مع شعري:
انا كان شعري ناعم مررة
والى الحين ناعم بس قبل8 شهور قصيته طبقات وفادته القصة
يعني احسه كثيف ومو باهت ومتقصف
بس هالحين احسه ذبلان مافيه تغذية هو ناعم بس احس الشعرة خفيفة مررة ومافيها غذاء
وهو اساسا دهني
ولاحظت زاد تساقطه هالفترة
ودي اقصه بس اخاف يتعود عالقص؟
مدري وش اسوي؟
ساعدوني :sad::confused:

e

eSTiLo

مشرفة سابقة

10-08-2007 | 07:40 PM

حبيبتي الشعر المفروض تقص اطرافه كل 6 أشهر مره و هذا ضروري

و استخدمي هذه الخلطه و استخدمي الخروع

http://www.3roos.com/forums/showthread.php?t=209283

أو هذه

http://www.3roos.com/forums/showthread.php?t=246324

أ

أنا الشوق

عروس ماسية

10-08-2007 | 08:21 PM

مشرفتنا بنتوتة ماقصرت
والشعر قصي اطرافه بس وهو لا يتعود ولا شي

بس ترى بعد الشعر يحتاج للتغذيه من الداخل قبل التغذيه من الخارج

عندج حبوب الزنك ممكن تستعملينها لتساقط الشعر وهي وااايد مفيده
وكثري من تناول الخضروات الورقية مثل البقدونس والجرجير، سوي لج سلطه واكليهم دايما مع كل وجبة
وبعد التمر واااااايد مفيد ولاتنسين كوب الحليب

مع استعمال شامبو وبلسم مناسبين لنوعية شعرج

وشوفي بعد اذا كان عندج فقر دم او نقص فهذا يؤثر على الشعر
واذا كنتي متزوجه، ففي بعض انواع حبوب منع الحمل تؤثر على الغده الدرقية وتسبب تساقط الشعر

والسموحه

l

loveway

عروس برونزية

10-08-2007 | 10:50 PM

قصي اطرفه كل 6 شهور

واعملي حمامات كريم وحمامات زيوت
واستخدمي زيت الخروع والقمح لتكثيف الشعر
وابعدي عن الاستشوار والمكوه والفرد الكيماوي
وان شاء الله شعرك يصير حلو :1_3:

O

Om Arawy

عروس متألقة

10-08-2007 | 11:23 PM

شكرا شكرا شكر
والله ماقصرتوا
وانا ان شا الله اسوي اللي قلتوا لي عليه
ابستخدم الخروع وابقص كل 6 شهور
مع اني اكل تمر وما اقصر في شرب الحليب
بس يمكن فقر الدم
والاحظ انه اخترب من قصيته لانه الحين صار مو متساويه القصة
وارد اشكركم كل الشكر:8875::1_42