خبيرات الديكور .. اختي عمرها 17 سنه داخله على الثانويه ..وابي افرحهــا ممكن تساعدوني

M

Majnonat_Shopping

عروس جديدة

10-08-2007 | 08:26 AM

السلام عليكم ورحمة الله وبركاته ..

عزيزاتي خبيرات الديكور والاخوات الكريمات ..

حبيت اخذ رايكم في موضوع احترت فيه وايد ..

اختي عمرها 17 سنه بتدخل الثانويه العامه قريب .. وانا حبيت اغير لها الغرفه بحيث تكون مناسبه لجو الدراسه .. وتكون ناعمه ومريحه وتفتح النفس .. وتكون كهدية بداية عام دراسي وحافز للدراسه بإذن الله ..

تفاصيل الغرفه :

الغرفه : مربعه
لونها : لونين جدار بطيخي و جدار برتقالي .
الأثاث : تفصيل خشبي بني مايل للبرتقالي .
قطع الاثاث : سرير (نفر ونص). مكتب . مكتبه كتب . كبت .درج ملابس . مرايه بإيطار خشبي نفس اللون .
الأرضيه : سراميك بطيخي
الأنوار : بيضا . ( هل يفضل النور الاصفر ) ولا بيضفي توهج في الغرفه .؟
الشرشف : احمر مقلم مع درجاته ( اشوفه قاتم وايد :( ماحبيته )
لوحات : ؟؟

المطلوب :
اعادة ترتيب الغرفه بحيث ما نغطي على النافذه ولا محول الكهرباء . والمكيف!! .
اكسسوارات بسيطه وافكار حلوه للغرفه ..
واذا بغير الشرشف ..
وافكار اخرى يمكن اضيفها .. سواء كتب .. فكره ..عمل يدوي .. يعطيها حافز للدراسه ..
واحتمال احط لها حوض سمك في الغرفه ..؟؟

ابيها أحلى هديه لأختي :)

هي نعومه واحس الغرفه هذي ما تناسبها .. وشي ثاني من شخصيتها .. ..حساسه .. عصبيه ... كتومه .. عطوفه ..حنونه .. فيها نوع من المرح .. ولكن احيان كثيره اشوفها حزينه ..علشان جيه اريد افرحها بهالشي .. تحب اللون الفوشي ..والاشياء المقلمه ... تحب الاسود .. تحب النمور كثير ... تحب الاطفال كثييير ..

وينكم يا مبدعات ..

وهذي صوره مرفقه رسمتها للتوضيح

M

Majnonat_Shopping

عروس جديدة

10-08-2007 | 11:18 AM

وينكمـــــــــــ :( :( ... ما بقى شي على الدراسه ..وحبيت ارتب الاموور دامها مب موجوده في البيت :(

r

roseqatar

مشرفة سابقة

10-08-2007 | 11:31 AM

اهلا فيك عزيزتي منورة قسم الديكور :9_33:

ابشري عزيزتي ان شاءالله مانردك خايبه .. ونسوي لك احلى غرفه للغالية اختك

انتظريني وان شاءالله مايصير خاطرج الا طيب

عندي افكار حلوة للغرفه

ماعليك امر بس طلب صغير : تقدرين تصورين لي صورة وحده للغرفه علشان يكون التصور اوضح

واذا ماتقدرين ولايهمج ..

ن

نجلا84

عروس متألقة

10-08-2007 | 11:34 AM

انا اشوف انك تحطين السرير على الحائط البرتقالي الغامق وفوقه مثلا لوحه الوانها هاديه ، وجنبها التسريحه
وطاوله الدراسه افضل انها تكون تحت النافذه عشان ضوء الشمس ..

مكتبه الكتب احبها تكون على زاويه تعطي شكل رائع ..

بخصوص الشرشف اللون الاحمر بشكل عام يمشي مع البرتقالي كلهم الوان ترابيه بس انتي لو حسيتي انه بيكتم الغرفه اشتري واحد فاااااتح والالوان الفاتحه روووعه تهدي النفسيه وتريح المزاج .. يعني مثلا يكون بطيخي فاتح في ورد احمر او برتقالي ...ألخ

بالنسبه للاضاءه انا افضل ان يكون الاثنين الابيض والاصفر وكل له وقته .. يعني مثلا ليت واحد اصفر والباقي كلهم ابيض .. او الثريه تكون صفرا ..

لو كان عندها كمبيوتر اشتري ليه سيديات تعليميه حلوووه تنفعها في المناهج مثلا انجليزي او رياضيات

خصصي لها في الغرفه زاويه صغيره للصلاه يعني مكان للصلاه وطاوله صغيره عليها القرءان وكتب الادعيه والمسباح مثلا ..

هاي بعض الافكار وشوفي انتي اللي يعجبج..

r

roseqatar

مشرفة سابقة

10-08-2007 | 01:05 PM

بسم الله ..

نتصور الوان الغرفة هذي هي

تعالي نضيف لها لون ثاني

اولا البنفسجي

ثانيا الفوشي

وماشاءالله اللونين روعه مع البرتقالي .. وانا اميل للفوشي اكثر لعمر اختك الله يحفظها

مفرش السرير والستارة

بنفسجي مع البرتقالي في الستارة وتكون من الاورجنزا مثلا بنفس طريقة الصورة

وتحتها شيفون يكون مقلم بنفسجي او برتقالي

شوفي تناسق اللون البنفسجي مع الرتقالي في هالغرفه

طبعا بنفس الطريقة بس نغير البنفسجي الى فوشي

المفرش اختاري لون المفرش برتقالي هادي او بنفسجي اذا اخترتي البنفسجي بس المفارش اللي تكون ساده ونقشتها منها وفيها ..

وترمين على السرير ثرو ومخدات بالوان فرايحيه الثرو مقلم بفوشي وبرتقالي واصفر وبنفسجي

يعني من هالالوان المختلطه المتناسقه .. والمخدات نفس الشي ..

واحرصي تكون السجاده متناسقه معاهم .. او بدال المقلم ممكن يكون مشجر بورود كبيرة ..

اما طاولة الكمبيوتر والمكتبة .. سوي لها مفاجأه عليها

حطي عليها ( دفتر + اقلام + مقلمه + برواز + ابجورة ) ويكون كله ملبس بالتايغر لانها تحب النمور

طبعا لاتنسين علشان يكون متناسق اكثر مع الغرفة حطي لها شوي ريش فوشي او بنفسجي او برتقالي

على طرف الدفتر والاقلام

والاباجورة بعد حطي عليها ريش نفس اللون

وحطي على كرسي المكتب مخده تايغر وثرو وردي او بنفسجي يعني على اللون اللي بتستخدمينه في الغرفه

اما شاشه الكمبيوتر فلبسيها لها بقماش التايغر بعد أو ممكن تسوين من القماش فوينكه كبيرة او ورده وتلصقينها

عطرف الشاشه

وتلاقينه في المكتبات انا شفته في جرير من فتره وشفت في لايف ستايل
او ممكن بنفسك تلبسين الاكسسوارات بالقماش وتعتبر اعمال يدوية روعه
بتكون هديه حلوة

عن الكتب انصحك تهدينها مجموعه كتب صلاح الراشد رائعه جدا لسنها

واشتري لها موسوعه مصغره كهديه لبداية الدراسه .. وغلفيها او ضيفيها في مكتبة الكتب

اختاري لها لوحات تعبر عن الربيع والطبيعه لان وحي الطبيعه في الغرفة يعطي شعور بالراحه والهدوء وحطيها فوق السرير

او بدال اللوحه ممكن ورود بارزة بهالشكل

ترتيب الغرفة

اقترح لو تغيرين مكان السرير ويصير مكان المكتبة والكمبيوتر اي تحت المكيف

والمكتبة والكمبيوتر يروحون مكان الادراج الوكبت

والكبت ينحط مكان السرير والادراج تكون على زاويه ( يعني بتصير في زاوية بين السرير والكبت )

وبهالطريقة بتصير المكتبة والكمبيوتر منفصلين ويكون مكان خاص للدراسه ..

اما المرايا اقترح لو تغيرين مكانها وتحطينها بجمب الستارة او بجمب مدخل الباب

ممكن بعد تضيفين من مخدات التايغر تحت الستارة مع مخدات ساده بالوان الغرفه

الاضاءه

طبعا تحتاج اضاءه كافيه وهي البيضا .. وفي نفس الوقت عن طريقة الابجورات راح تكون اضاءه صفرا

بس الصفرا متعبه وقت الدراسه ..

اتمنى تكون الافكار اعجبتك وافادتك بشي بسيط .. ولو نسيت شي قوليلي