شو الحل مع زوج يحب السفر مع اصداقائه

انا اعاني من نفس المشكله ...مادري شسوي ... اقوله ليش تسافر مضايقتك في شي يقول انا احب السفر وخلاص لاتسألين..لازم تتعودين وهو حاليا مسافر صار له اسبوعين وانا بموت من الحره وعوار القلب ماني قادر اتعود:cry: ياريت احد يعطينا حل

ادعو لهم بالهدايه
حببوهم بالسفر وياكم

والله هالرحكه كثرااانه بالخليج تحديداا

كلهم يسافرون ويهدون حريمهم

كأنهم ماعندهم زوجه ولا حتى عياال

عبالهم لي الحين عزوبيه

بس لاتنسين القرآن تحطينه بالجنطه
والحين في اقلاام عليها ادعيه ومن هالامور
حطيهاا معاه عشاان الشيطان لايلعب برااسه
والله يحفظهم جميع

ان شاء الله

انا الي يعور قلبي يوم اسمع صديقاتي يقولون لي انه صارلهم اكثر من 10 سنوات من اتزوجوا وريايلهم ما اتجرأوا يسافرون بروحهم ويلوموني ويقلولون وانتي توج وريلج يسافر عنج

والله اتحسف على عمري

اختي اجلسي معه و فهمي هالشي يضايقج و اذا هو يحبج مايسوي شي يضايقج و ادعي لله يهدي و قوليله بنسافر مع بعض احلا و اونسس

انا لو في مكانك ماراح اخليه يسافر مع اصديقائه عشان الشيطان دايما يحاول يزين له النساء الاجنبيات في عينه

حاولي معاه .........المراة مشهورة بذكائها ...............

حلي الموضوع الان قبل ان يفوت الاوان ..........

الله يسعدك اختي الكريمة

خواتي ..الريال مثل ماتقول يسفرها موكل مره يسافر بروحه ..مافيها شي اذا مره لج ومره له الله يرضى عليج ..

خليه يفج شوي ..مب شرط سافر يعني يلعب ..خلو عنكم الوسواس ..انا اول ماخذني ريل كان كل اسبوع يالبحرين

يادبي .. ماكنت احن وارن على راسه ..كنت دوم اذكره بالله واحط له السياده والقران في الشنطه .. واقول له عندك

الحلال لاتفكر بالحرام .. وهو كان يرد علي يقول انا تعودت اسافر من خذت الليسن صعب اغير حالي اللحين ..بس

والله ان اللحين مايسافر الااذا الشغل دازينه اجتماع .. وكل سنتين يروح سفره بروحه .. وانا الحمدلله مومقصر معاي

بشي لابالحب ولاباي شي .. وعلى فكره ريلي كان يسافر بروحه يعني لو بخلي الشك يدخل في قلبي كان قلت

ان له حبايب هنيه وهناك ..بس لاتفتحين باب الشك عندج ..ماتقدرين تسكرينه ..

ياحبيبتي خليه يروح اذا كان مره بالسنه مافيها شي..حسسيه انج واثقه فيه ولو قلبج بيتقطع من الداخل ..

بس مرده بيتغير .. والمره عمرها ماتحكم الريال بالقوه ..وتركي كلام ربعج عنج .. الرياييل مب سوا ..

والله يهديكم حق بعض ويخليه لج ولعياله ان شاء الله ..

كلامج حلو يالدمعه .... بس ماني قادره على فراقه يضيق خلقى واااااااااااااااااااااااااااااااااااااااايد اذا سافر...اتمنى انه يتغير ويبطل سفرات بروحه!!!

لازم بيضيق خاطرج .. اهو قطعه من قلبج اللحين ..

تعالي شوفيني لين راح ريلي والله لارقاد ولااكل ..واقل شي دمعتي تطيح .. بس من حقه يريح ويغير من نفسيته ..

اذا مجابلج 24 ساعه بيمل منج ..وانتي بعد بتمللين من كثر ماهو قاعد عندج .. بس حسسيه انج تفتقدينه اذا راح

وانه هو حياتج ومن هالكلام اللي يلين الصخر ويهد الجبال .. والله يسعدكم ..

يعني لو سافر مع ربعه بيرتاح نفسيا

كلامج يالدمعة ابدا ما عيبني ولا تزعلين

هو صح يسفرني بس عقب ما نوصل البلاد سار وجهز شنطته وسافر اسبوعين المهم يسافر مع ربعه

صح الواحد يسافر يغير جو بس مب يسافر مع ربعه خلاص سافر وياي وغير جو

ولا سفرة الربع احلى

شوفي الدمعة فيه وايد حريم كانوا مثلج واخر شي ندموا انا ما اخوفج بس والله من الي اقراه من النت

اتمنى انه يكون كلامي خفيف عليج وما تزعلين لانه الوحده لازم اتحافظ على ريلها

في شريط
حق والله ناسيه اسمه
هو سعودي دمع خفيف وسلوبه ولا اروع حق الشباب اسمر
الجبيلان كن اسمه جي


20 × 20

وانتي لاتوسوسين واااايييييييد محد بيتعب غيرج

بتوفيق

BLACK_CAT;4176631:
يعني لو سافر مع ربعه بيرتاح نفسيا

كلامج يالدمعة ابدا ما عيبني ولا تزعلين

هو صح يسفرني بس عقب ما نوصل البلاد سار وجهز شنطته وسافر اسبوعين المهم يسافر مع ربعه

صح الواحد يسافر يغير جو بس مب يسافر مع ربعه خلاص سافر وياي وغير جو

ولا سفرة الربع احلى

شوفي الدمعة فيه وايد حريم كانوا مثلج واخر شي ندموا انا ما اخوفج بس والله من الي اقراه من النت

اتمنى انه يكون كلامي خفيف عليج وما تزعلين لانه الوحده لازم اتحافظ على ريلها

وفي وايد حريم مثلج تعبو نفسيا على خالي بلاش وخسرو ازواجهم .. مب شرط اذا زوجي غلط زوجج نفس الشي ..

اذا انتي منتي صايده عليه خوفج ماله داعي ..

وكلامج مازعلني كل وحده لها وجهة نظر مختلفه .. اذا ريلي يبغيني حياه الله ..اذا مايبغيني الله يحفظه ..

مومعناه اني مااحبه بس مب ميته بدونه فاهمتني ..

واللي يبي البنات تراهم مكودين بكل مكان واللحين البنات هم اللي يلاحقون الرياييل وخصوصا المتزوجين ..

فمادري لوقعد في البلاد بتمنعينه لايطلع مع ربعه ويروح مجمعات او مطاعم .. فيهم بنات بعد ..؟؟

مجرد وجهة نظر ..

فز الخفوق ! هلا الغالية والله ردج حلو مثلج:21_207:

اسم الشريط 20 في 20 ؟؟؟؟؟؟؟؟؟

الله المستعان... :sm215:
والله هاي مشكلتي انا بعد.. بس انا توني متزوجه و من اسبوعين مسافر و اللي كرهني في الموضوع السفر "اهله " لانهم مو راضين يسافر .. و يكلمونه بصراخ يعني الواحد بالغصب بيعاند ولو هو ما يريد يسافر بيسافر عشان يغيضهم.. بس انا شو ذنبي فقيره .. والله عنيد و ما ينفع معاه حتى الدلع و الزعل لو اشرب من البحر اضن عادي عنده .. وانا اقوله خذني معاك يتحججلي إني حامل و هو طالع مع ربعه :mad2: والله الواحد بيعصب غصب يا اختي... بس والله اليوم هو راجع من السفر و بخبرج شو بيصير معاي .. لانه احس انه اتملل من القعده هناك و يريد يرجع لبيته..
اصبري عليه و خليه يحس بجيمتج في غيابه.. هيه صح نسيت .. انا زوجي ما يخليني اطلع وايد للسوق حتى مع اهلي لازم ماه هو بس.. فيوم سافر اسميني ارتحت حسيتها بعد اجازه لي انا .. لا تعصبين و تعورين راسج وايد .. و يوم يتصل بج و هو مسافر قوليله انج سويتي كذا و رحتي كذا تراهم يسوون عمرهم يستانسون و مناك خخخخ يتمنون يرجعون عشان توقفين عند حدج و تقعدين في البيت ... و هذا الحاصل معاي يا اختي... الدعاء زين ادعي ان الله يهديه في صلاتج و في قلبج وان شاء الله خير.

اختج
ليلي دبي

DXB_lilly;4180036:
الله المستعان... :sm215:
والله هاي مشكلتي انا بعد.. بس انا توني متزوجه و من اسبوعين مسافر و اللي كرهني في الموضوع السفر "اهله " لانهم مو راضين يسافر .. و يكلمونه بصراخ يعني الواحد بالغصب بيعاند ولو هو ما يريد يسافر بيسافر عشان يغيضهم.. بس انا شو ذنبي فقيره .. والله عنيد و ما ينفع معاه حتى الدلع و الزعل لو اشرب من البحر اضن عادي عنده .. وانا اقوله خذني معاك يتحججلي إني حامل و هو طالع مع ربعه :mad2: والله الواحد بيعصب غصب يا اختي... بس والله اليوم هو راجع من السفر و بخبرج شو بيصير معاي .. لانه احس انه اتملل من القعده هناك و يريد يرجع لبيته..
اصبري عليه و خليه يحس بجيمتج في غيابه.. هيه صح نسيت .. انا زوجي ما يخليني اطلع وايد للسوق حتى مع اهلي لازم ماه هو بس.. فيوم سافر اسميني ارتحت حسيتها بعد اجازه لي انا .. لا تعصبين و تعورين راسج وايد .. و يوم يتصل بج و هو مسافر قوليله انج سويتي كذا و رحتي كذا تراهم يسوون عمرهم يستانسون و مناك خخخخ يتمنون يرجعون عشان توقفين عند حدج و تقعدين في البيت ... و هذا الحاصل معاي يا اختي... الدعاء زين ادعي ان الله يهديه في صلاتج و في قلبج وان شاء الله خير.

اختج
ليلي دبي

هلا ليلي دبي والله صدقج يوم يتصل وما ارد او ما اتصله يطرش مسجات ويزعل ويقولي خلاص ما تبيني احسه يبتدي يغار حتى وهو مسافر

ومثل ما قلتي ان شاء الله بالدعاء الله بهديه ويترك شي اسمه السفر مع الربع

مشكورة و:welcometo3roos:

حبيبتي معلش ادعيله بس صدقيني الراجل لو عاوز يغلط مش حيسافر الغلط حواليه ,,,يعني مش اللي حيمنعه وجوده معاكي انت بس ادعيله وحاولي وهو مسافر تحسسيه بوجدوك حواليه من غير ماتخنقيه,,,واخرجي وروحي مع اهلك يعني انت برده اعتبريها اجازه ليكي
يعني حاولي تقابلي ناس وتخرجي وتستمتعي بالوقت ده
عشان لما يرجع تكونوا واحشين بعض بس اسمتعته بوقتكم
وربنا يوفقك