قصة ولادتي .......... حياكم

السلام عليكم أخواتي العزيزات

وحشتوني ووحشتني تجمعاتكم الحلوة


كيف حالكم حوامل الشهر التاسع ؟؟؟


الله يسهل عليكم جميعا و مبروك لكل إللي ولدوا ز ما لحقت ابارك لهم

اما بالنسبه لقصتي

يوم 28-7

رحت المول و كملت شويه أغراض ناقصتني و تمشيت شوي في الليل و قعدت على النت اقرا تهاني ولاده بعض الأخوات مثل امونه و ام نوح و غيرهن

و ما كان في اي بوادر ولاده و كنت قطعت من الشهر التاسع 10 أيام

يو الأحد 29-7

سبحان صحيت الساعه 6 على ماي خفيف ينزل مني

استغربت و ما صدقت و خفت شوي

و لما قمت من السرير إلا و الماي ينزل بقوة شديد

الغرفه كلها و الفرشه صارت من ماي البيبي

اتصلت فورا على زوجي مسكين كام في الدوام و امي مسكينه بعد كانت مسافره اتصلت فيها و خبرتها ترجع بأقصى سرعه

رحت و اخذت حمام دافي و حولت استرخي بس ما عرفت

الماي ظل ينزل بقوة و خفت على البيبي لأنه ما كان يتحرك

وصل زوجي ووداني المستشفى

كشفت على لقتني متوسعه واحد سم
و التخطيط يقول انه فيه طلق

طبعا حجزوني بالمستشفى و من الساعه 11 الصبح تقريبا بدى يقوى الطلق الحمد لله

ظليت اعاني من الطلق - و الله اصعب ألم - و دعيت لكل من وصاني الدعاء

الطلق يزيد يزيد و انا اصارخ من الألم ما قادره اتحمل و صرت اطلب منهم ابرة الظهر المسكنه - ابيديورال -

قالولي ادعي ربك تنزلي غرفه الولاده قبل الساعه 6 علشان تقدري تاخذيها لأنهم ما يعطوها باليل

و الحمد لله الساعد 4 خلاص كنت بتقطع من الألم كشفت على لقتني 4 سم

و نزلزني الغرفه و بعد ساعتين جت دكتوره التخدير ووقعتني على ورقه انه اخذ الابره على مسؤوليتي ووقعت و بدت تعطيني اياها

الحمد لله بدا يخف الألم بعد ساعه

فحصتني لقتني 7 سم

وعلى الساعه 10:20 ربي اذن و اكرمي بشوفه بنتي حبيبتي الله يحفظظها طبعا البنت بدت تتعب على الأخر و اضطروا يقصوني بسرعه و يسحبوا البنت خلال دقيقتين لنه بدت تتعب

و خيطوني وودوني الغرفه

الحمد لله اني اخذت الأبره لأني كنت بموت من الألم

و الخياطه هي اكثر شي تعبني بعد الولاده ألمها لليوم ما راح

و كل يومين يلا على الطوارىء لأني اصيح من الألم

الله يسهل على لجميع و يا رب ترزق الجميع ولاده سهله