درس لـــن انســـــاه..........

السلام عليكم ورحمة الله وبركاته,,راح احكي القصه بسرعه.....درس من دروس حياتي...
تحكي القصه عن وحده عزيتها وقدرتها وخليتها على الراس لاني توقعتها تستاهل هذا كله..
. ورغم وقوفي ويها في حل كل مشاكلها الي تواجهها ..في كل شي ..ماكان بينا حواجز الي
تبي من الثانيه شي تتطلبه.عااادي جدا.....يوم تجي عندي وتقول(خ) تكفين ساعديني ..وما ارد لها
طلب ...والله وانا اقول لكم هذا الكلام مو من باب مدح فيني بلعكس...ابي اوضح لكم علاقتي الي ابي
ابنيهاوياهاعلى الخيروالسعاده بلرغم اني توني متعرفه عليهاكيف صارت خلال شهور بس..
..شفت فيها اشياء كثيره..اسلوبهاكان رائع..كلامها موزون,
مخاطبتها مع الناس ...طيبه..وانا اقول صراحه ما تتعوض.مثاليه بمعنى الكلمه..بس فيها عيب .
بما انها تعرفني..وعارفه اني ما راح اعلم لاحد بلي تقوله ..تحذرني دائما تقول لا تعلمي .
.لا تعلمي..شو كانت تسوي ..ما تصدقو..تذم في البنات سوا الي مضايقتها والي مو مضايقتها ..
كانت تذم قدامي. واذا جاء احد غريب سكتت..انا كنت اضايق من هذا الاسلوب..لاني ما احبه..قلت لها يوم
حاولي تبتعدين عن هذا الاسلوب البايخ..قالت انا اكره البنات..كل وحده شايفه نفسها.
قلت طيب انتي حكمتي على المظهر شوفي شلي بصدورهم امكن ..اخلاقهم حلوه
.دائما كانت ترفض..افتح معاها السالفه وتغيرها..شو سوت بعد ..كان عندها صديقه لها من زمان(ص).
اذاما كانت موجوده ..تعالوا شوفوها(خ) معاي كيف..تجنن..يعني تعطيني وجه وتسولف..وتمزح..ونضحك
.لكن اذا جات هلبنت(ص)..تنساني (خ)..وما تذكرني الا اذا كانت محتاجه شي..اغلب الي
تحتاجه مني (مساعده ماديه)والله احيان اني ابديها على نفسي..لاني يوم اشوفها
تتطلب مساعدتي ما اقدر ارفض.شكلها يكسر الخاطر..في البدايه كانت تطلب شي بسيط
.لين تمادت..ما تنعطا وجه صراحه لمتى وانا اعطيك..انا اعرف اذا محتاحه اوكي اعطيها بس مو على
طوووووول...الطامه الكبرى انو البنت (ص)الي وياها تاخذ منها حتى هيه
محتاجه كلهم في الهوا سوا بس ما تقدر تطلب مني لان علاقتي وياها سطحيه.
.فتاخذ من صديقتي. (خ).يعني بدل الصاع صاعين..والله اني على نياتي .واقدرظروفها..ضليت على
على هلحاله 9شهور تقريبا.
..حصل هواش بيني وبين (خ).كان عااادي ...اني رفضت مساعدتها....شو سوت ظهرت عيوبها كلهااااا....
.ورفعت القناع الي كانت تمثله به قدامي...ما ادري شو صار في البنت ...اكتشفت انها نذله بشكل
مو طبيعي ..(نصيحه اذا شفتي البنت تذم في غيرك قدامك اعرفي انها تذم فيكي من وراك).
.اولا كذابه..كانت تقول لي انها عندها ظروف في البيت ..طلع شي ثاني.. مو بلبيت.. ثا نيا
. .منافقه..وخاينه..وكانت علاقتها بي مصلحه..كنت اقول دائما في بالي...(( تكذب على))بس اقول لا وسواس
.كرهتها ..وقطعت علقتي بيها نهائيا..ما تستاهل اقول لها سلام..لاني كنت على نياتي وياها
..وربي عوضني ..بدالها 8 صديقات كل وحده حطيها على الجرح يبرى... .
..وهيه محد معاها وحيده احسها ندمانه على الي سوته معاي..واحيان ترسل بنات يكلموني اني
ارد لها ويقولون لي حرام والله تابت وندمانه البنت . بس حلمها اني ارد لها مره ثانيه
ربي جازاها على اعمالها..وياي..حبيت اعرض لكم هذي القصه..لانها بنسبه لي درس
استفدت منه الكثير..وماراح يتكرر..بنسبه لي.وراح افتح عيوني عدل ..واخفف من طيبتي شوي..
ومشكوريـــــــــــــــــــــــــن على القــــــــــــــــراءه.....