اخواتي نبي نتناقش وندردش حياكم الله

السلام عليكم

انا اشوف ان اللي تييب ورى بعض راح تدفن شبابها وحياتها

يعني ريلها بشوفها ياحامل يا ترضع

وبعد ما توصل الأربعين راح تحس انها طافت الخمسين

لذالك المفروض تاخذ فترة راحة وانا اشوف 3 او 4 سنين زين

وهذا كله بكتبة الله

لأني جربت ولد واحس اني كبرت 15 سنه خصوصا اول الأيام لأنه محتاج رعاية24/24 ساعة

يعني الزوج بيكون في لمرتبة الأخيرة

لذالك احملي وجيبي ولد وربيه على روااااااااق بعدها يبي لج الثاني والثالث وهكذا

أما الحمل بعد الأربعين اهي عادي بس المجتمع ما يقدر يسكت

وهو بصراحة بعد الأربعين المفروض نتفرغ لتربية عيالنا لأن بتكون فترة مراهقتهم

وهذا ما عندي

وتسلمين ام ليونه على الموضوع

مشكوره على مرورك مرايم الله لايحرمني طلتك يالغاليه وانا من رايك بعد

احس العيال بعد الاربعين يحتاجون متابعه اكثر

مشكوره يالغاليه

موضووووووووع حلوووووووووووووو... عجبني !


بصراحة صحتنا في العصر الحالي لا يمكن ان تقارن بصحة امهاتنا او حتى اخواتنا الكبار.. ابداً ابداً...
حياتنا المعاصرة فرضت علينا نوع من الحياة مليء بالعادات والاكل غير الصحي..
والنتيجة ان من القليل تشوفين احد نظام حياته واكله صحي...
والاغلب من يكبر شوي ويعدي الثلاثين... يجيله ياما الضغط - السكري - الكوليسترول.. وفي اسوء الظروف الثلاثة معاً.. !!

استغرب من اللي يقولون امهاتنا وجداتنا يابو عيال بالعشرة او اكثر.. ومافيهم الا العافية..وعمروّا لعمر طويل...
انزين انتو شكو تقارنون روحكم فيهم... مافيه وجه للمقارنة بتاتاً..
حياتهم غير...
وصحتهم غير.. غير..


ومن ناحية ثانية...
التربية في الوقت الحاضر صارت اصعب واصعب... مغريات الحياة زادت... ومنطق ان العيال الكبار راح يربون اللي اصغر منهم... ما يصّرف في الوقت الحاضر...
فيه مثل عند القدامى ، وهو ان الام ترابع بنيتها... يعني الام تظل تنجب لحد ما بنتها البكر تجيب ولدها الرابع !!
بالله عليكم هذا كلام؟ احسه احرااااااااااج كبير .. واصلا بنتي لما تنجب الحين... وتكون موظفة ولا تدرس.. ما تبي احد يساعدها مع عيالها؟؟ بدل هذا اروح انافسها وانجب معاها بنفس الوقت !!


هذا شغلة.. والشغلة الثانية...
بعد الاربعين تزيد حالات الاصابة بالتوحد لدى الاطفال ( متلازمة داون ) ..
وحدة من اهم الاسباب لاصابة الطفل بهذه المتلازمة هي كبر سن الام عن الاربعين...
فليش تحملين وتعرضين نفسك وطفلك لاحتمال الاصابة بهالمتلازمة...
وهل بقى في عمرك الكثير عشان تظلي تهتمي فيه؟؟ علماً بانه يحتاج اهتمام خااااااااص وخاص جداً ..

الله ما يأمر بني ادم يرمي نفسه الى التهلكة...
ولو اخذنا بفرض الحياة المعاصرة.. معظم البنات الحين يحبون يكملون دراستهم ويشتغلون او على الاقل يحوزون مؤهل جامعي ..
فلو فرضنا انه ما راح تنجب طفلها الاول الا بعمر ال 24 او 25..
عندها من عمر ال 24 سنة الى عمر ال 38 ..

ما يكفيها تنجب عدد الاطفال اللي ترغب فيه؟


وعن نفسي.. افضل التفريق بين الطفل والثاني بما لا يقل عن 3 سنوات .. وقت ولادة الطفل الثاني..
للاسف ما قدرت احققه في ولادتي الثانية.. بس ان شاء الله ما راح انجب لما تكبر طفلتي الصغيرة وتستقل بذاتها واكون مطمنة عليها...

الطفل يحتاج الى حضن الام وحنانها الى ما يكمل ال 3 سنوات.. وهذي حقيقة واقعة..

اسعدني مرورك وردك ماشاء الله وانامعك بس فيه حريم تبي تقول انا صغيره انا احمل واولد

وفيه حريم بناتهم كباريقولون لاامهاتهم يكفي خلاص انتي تجيبين واحنا نربي لهم خلق للحمل والولاده لكن التربيه تقوم بها البنت البكر الله يكون في العون

وش ذنب بنتي تتحمل المسؤليه من بدري

والحريم مايؤمنون لما تقولين لهم امراض ومغولي تقول ماضر الاولين الحمد لله الله يرضينا برزقنا امين

ومشكوره على مرورك اختي

سلام عليكم اخواتي
بصراحه الموضوع مهم جدا في كل مره اتناقش فيه مع الحريم فيه اللي موئيدوفيه المعارض لوجهة نضري
اشوف ان الام تجيب طفلها الاول وبعدين تجلس سنه ونص اوسنتين واتحمل في الثاني لاتقولون صعب والتربيه لان الطفل محتاج لاخ متقارب معه في العمر عشان يكونون صداقه وما يحس الطفل بالوحده فيضطر يكون ملاصق لامه بكل مكان في النوم وفي لعبه حتى وقت الطبخ ما يتركها حتى الزوج مايقدر يقعد ولاينام اويسولف مع زوجته بس الاثنين يلتهون ببعض وينسون امهم شوي صدقوني عن تجربه
اما الثالث يستحسن تجيببه بعد سنتين ونص او ثلاثه فقط والرابع نفس المده بعد الرابع تريح اربع سنوات ثم تجيب الباقيين كل سنتين ونص اوثلاث سنوات المهم تجيب طفلها الجديد بعد مااعتمد الطفل اللي قبله على الحمام والنوم لوحده اومع اخوانه وترك الرضاعه وهالشي مهم للي تبغا تجيبه ورا بعض انا صراحه اعود عيالي بدري وهم صغار
والوحده ليخلفت بدري تعطي اطفالها جينات سليمه مما تسبب طول العمر للطفل لانه راح يكو سليم صحيا وهالكلام على لسان العلماء
انا انشاء الله افكر اني اجيب سته او سبعه اللي اقدر عليه واتحمله وبعد الخلفه اهتم بنفسي وعيالي تفرغ تام
واللي تقول عن اهمال الزوجه للزوج مش صحيح الواحد زي العشره بالاهتمام والانشغال والام هي اللي تقدر تنضم وقتها ووقت عيالها ووقت لزوجها:9_33:000000000000000000000000000

شااكره مرورك اختي انا معك ان اول طفلين الوحده ماتتاخر بس بعد ماتبكر يعني ماتحمل ابنها اوبنتها في الاشهر

ننتظر رائي البقيه

انا توني عندي ولد عمره شهر ونص

ولا ودي اجيب ورا بعض لان اللي تجيب ورا بعض احس تهمل في روحها وزوجها بيزهق ولازم الوحده تهتم وعالاقل تنتظر 3 سنواات

لاني الحين وانا مشغوله مع ولدي واحس اني بعدت زووووجي ولا ودي ابعد اكثر



وعن اللي تجيب بعد الاربعين مو عن الفشله ونظرة الناس لها بي مو زين وفي خطر عالبيبي


بس اذا كانت ما تزوجت الا كبيرة يعني 30 و فوق ما في شي يمنع انه تجيب العيال ورا بعض

والا اش رايكم؟؟

احسن شي تجيب الوحده 2 وتجلس 5 سنوات عده اقف

بس لو بكيفي ما اجيب الا اربع 2 بعدهم اجلس 7 سنوات وبعدين 2 بعد 7 سنوات

رأيي من رأي البنات .. ما أؤيد ان الوحده تنجب بعد سن الاربعين ابدااا

وعن تنظيم النسل شخصيا ولظروف كوني طالبة انجبت ابني الاول بعد زواجي مباشرة وبعدها تمنيت ان انتظر 5 سنوات بعدها انجب اني الثاني لكن الله كتب وحملت بالثاني بعد سنتين من ولادتي الاولى والحمد لله على كل حال ..
والحين اتمنى بعد ان انتظر 5 سنوات او على الاقل 3 سنوات .. بالاصح لما احس ان ولدي الصغير بدا يعتمد على نفسه ..

ساعات افكر لو ما انجبت ابني الثاني .. متى راح انجب !!! فشفت ان ولدي الكبير الحين بدا يعتمد على نفسه وممكن ان افكر الانجاب الحين بعد ما يوصل ولدي 3 سنوات ونص ..


وايضا افكر اني ما انجب بعد سن الثلاثين واني اتفرغ لتربية عيالي من جهة واتفرغ لزوجي ونفسي من جهة ثانية



:poster_dev:

انا ان شاء الله هما ثلاث اولاد حلوين قوى و بفكر يكون بين كل واحد مثلا 2 سنة او اكثر بس لما اجرب الولادة لان دى اول مرة احمل لو الولادة سهلة اجيب على طول و لو صعبة استنى لما انسى الالم هههههه

انا قبل كنت اقول بعد الاول بنطر 5 سنين على ما اتخرج و اتوظف

بس الله كتب لي اني احمل و ولدي عمره سنه تقريبا

ان شاء الله بعد ما اولد بالسلامه راح انطر على الاقل 6 سنين ابي ارتاح شوي و ادلعهم شوي

كل شي بيد الله

من ناحيتي انا لااؤيد الحمل بعد الاربعين وبالنسبة لي ناوية الى سن خمس وثلاثين وبعدها اوقف ان الله اراد وعن الفرق بين كل طفل والثاني انا عندي بنت عمرها ست سنوات وياعمري وحيدة كنها صينية تحسفت مرة اني ماجبيت لها اخ او اخت يونسها وتبعد عني شوي بس ما الله اراد وانا الان حامل وراح يكون فرق كبير بالعمر تقريبا سبع سنوات وان شاء الله ناوية يكون الفرق اربع سنوات ثلاث سنوات للطفل وسنة حمال كذا يكون اعطيته كفايته من الدلع وريحت سنة والله يعين .

مشكورات اخواتي على التفاعل مع الموضوع

ورائي من رائيكم

مرحبا اختي فعلا موضوع حلو كثير انا رايي انو حلو يكون بعد الولد الاول خمس سنوات لانو تربيه الولد الثاني تختلف عن الاول والثالث تختلف عن الثاني الولد الاول الاهل تركز على تكوين شخصيته خاصه بالخمس سنوات الاولى من حياه الطفل مهمه وما تنسو الطفل الاول بكون اناني بحب نفسه ودائما ينظر لنفسه انو هو بالمقدمه انا حسب رايي انو في هاي الفتره بكون كبر شوي وكمان اذا جاء الاخ الثاني الام بتصير تقرب الاخ الاكبر من الصغير وتحسسه انه معتمده عليه وهيك بتقل الغيره عند الطفل الاكبر ويصير يحب اخاه اكثر اما بالنسبه للطفل الثالث افضل يكون بعد 3 سنين وايضا هذا يرجع حسب العيله اذا كانت ترغب بانجاب عدد كبير من الاطفال او لا احيانا الطبيعه البشريه والظروف بتتغير فمثلا اذا عائله صدفت عندها 3 ولادات لجنس واحد مثل البنات تلاقي الام ما بدها تنتظر تحمل بعد بسنه كرمال بدها صبي واذا ما جابت صبي ترجع تحمل وهيك تلا قيها ما عندها توازن ابدا وما تعود تفكر بحالها ايمتا راح تتوقف عن الحمل والعكس صحيح على شان هيك اولا الخطوه الاولى انو الزوجين يتفقو على عدد الاولاد الي يرغبون بانجابها وبعدين يحددو كم سنه يكون الفرق بين الاخوه فمثلا انا شخصيا افكر ان انجب ثلاثه لا اكثر انشالله مش مهم شو ربنا اعطاني بس افكر الولود الاول يكون فرق بينه وبين الثاني خمس سنين والثالث اقل وكمان شغله انو ما تنسو الحمل في سن متاخر وخاصه بنهايه الثلاثين صعب المرأه ترجع لوزنها الطبيعي ويسبب للسمنه وكمان ما تنسى الوحده انها بالنهاي زوجه وزوجها يحب يشوفها دائما المرأه الانيقه الرشيقه صحيح الكل يحب الاولاد لكن بالنهاي يصبح الشيء روتين وتصبح ضغوط بين الزوجين وخلافات من اسبابها اهمال المرأه لمظهرها وانشغالها بالاطفال وتربيتهن فالافضل ييجو بسن مبكر واهم شي النقطه الرئيسيه هي القناعه بما الله يبعثه وتحديد العدد الي الزوجين يرغبون فيه لانو فعلا اليوم بشوف عائلات اغلب مشاكلها الاولاد تصير تقول مضى العمر وما شفنا شي غير نربي بالاولاد وما عرفت النساء يستغلو فرصه تعيش بها لحظات زوجيه حلوة لذللك الاولاد مهمين والحياه الشخصيه بين الاثنين ايضا مهمه وهي اساس السعاده العائليه

يليت الحريم يقرون الكلام المكتوب كل الي اعرفهم عندهم 6 و8 واللي اقبلت على الاربعين واللي 44 ةاللي43 ومازالوا يبحثون عن الانجااااااااااااااااااااااااااب كأنهم ابكار يعني اختي كل سنه تطلع من النفاس وتحمل مهووسه بشي اسمه حمل وتموت وتحسد كل وحده تحمل الحمد لله رب العالمين ولما احد يقول لهايكفي تقول ليش اقطع نسلي باظل احمل لحد الخمسين الله يقنعنا برزقنا ااااااااااااااااااامين

للرفع

من رأيي الوحده تفرق بين عيالها سنتين حلوو اذا اكثر مو حلوووو يصير فرق بينهم

بس كل شي بكتبه رب العالمين

معك حق