أسره في خطر ,, وأنتم المنجدووون ..أبي حلول.

الله يصبرها ويكون بعونها

كملي حبيبتي

الله يعينها

كملي اختي ..

عسى نقدر نعين ونعاون ..

alla maaha


continue

يعني ما يحتاج انج ما اتكلمين القصة

اكيد اهني البنات كلهم حابين يسوون خير


سوا بالفعل او حتى بالقول

ماله داعي انج تقولين نص القصة وتخلين الباقي

ترا الحركة مب حلوة

البنات ما عمرهم قصرو بأي شي يقدرو يقدموه

اكملي القصة و ربي يسهل

دمتي بخير

?????

الله يساعدهم نتريا باقي القصه

الله يعيينها ..

مادري ليش تذكرت مسلسل محظوظهو مبروكه ..:(:(

هم كانت مرت عمهم تسوي جذي تركبهم على صندوق عشان يغسلون ..

<<<<<<<<<<< كملي :):)

تكملة القصة:

الأم صارت تعامل بنتها المعاقة مثل ما كانت تعاملها زوجة عمها.. صح؟

الله يعينه كملي اختي ليش ماكملتي الموضوع

(((أنا آسفه جدا جدا ,, مو قصدي أماطل ولا شي والله غصب عني ’’ سمعت صوت أمي وطفيته بسرعه لأن بتصير مصيبه لو درت إني أكتب عن أقاربي فالمنتدى ,,))))

((التكمله))



حصل للأم ردة فعل ,, اللي هي كرهت شي أسمه نظافه أو ترتيب أو تنظيف أو حتى أي شي يخص تحريك اليدين ,, وما كانت تخلي بناتها يسوو شي أبدا ,,هما 8بنات ,,


لدرجة سيئه للغايه ,, حتى شعر بناتها ما تمشطها ,, ولا حتى تعتني بلبسهم أو تغسله ,,

والله العظيم ما أبالغ إذا قلت لكم أنو الفئران في غرفهم تمشي ,, وتقضم ملابسهم وأشيائهم ولا أبالغ إذا قلت أنو البسه تولد فزوايا غرفهم ,,

والقمل يمشي على روسهم ,,

((والله العظيم ما كتبت هالكلام شماته أو إستهزاء ويعلم الله إش كثر أبي مصلحتهم وراحتهم ,, والله ما كتبت إلا من حرصي عليهم أبيهم طبيعيين لنفسهم قبل كل شي))


يوم ورى يوم ,, تركو المدارس ما فيه غير فتاتين اللي كملو دراسه والباقي ما كملو إبتدائي ,, لأن طبعا ما كان أحد يرغب بالجلوس معهم ,,

وحده بس من بناتهم تزوجت وعاشت طبيعيه ,, والحمد لله ..

والباقي من البنات للأسف الشديد ,, مرضو نفسيا .. صارو منعزلين إنعزال تام .. وزاد الأمر في فقدان النطق السليم لما يتحدثو ما تعرف شو يقولو.. ونموهم البدني والحركي صار مو طبيعي ,,


والله العظيم إني أحس بحزن شديد عليهم ومستعده أسوي اللي أقدر عليه علشان أساعد .. بس تعبت مو قادره ألقى حل ,,



,,,, قبل تفكرو بالحل أبي أحط ببالكم أنهم حساسات بشكل موووو طبيعي ,, يعني مستحيل أتناقش أو أكلمهم بالموضوع ...لأني راح أزيد الطين بله ,,

وإذا تقولو نتكلم مع أختهم المتزوجه ,, برضو هذا مو حل لأن هي تاخذ الموضوع بحساسيه ,, وإنو مافي حل وإن إحنا مغرورين و و و,,,,,,,,,

أساسا لو هي تشعر كان ما تركتهم بهالحال ,,


وإذا تقولو ندخل بيتهم ونرتب ونعلمهم ,, فحصل وحاولنا لاكن حصل مشكله وصارت أمهم تصرخ وتقول ما لكم دخل ,, وحصل معادات ,, يعني ما ينفع ...


وإذا تقولو يروحو دكتور نفساني ,, فبرضو هذا مستحيل لأن ما راح يرضو وراح تحصل خلافات شديده ....

تعبنا كثير كثير وياهم ,,

أنا وأخواتي جربنا أشياء كثيره


جربنا نجلس معاهم ونلم باقي بنات العائله ونسولف عن كل شي ,,

عمرنا ما حسسناهم بالنقص ,,

نسولف عن النظافه عن الملابس عن الماكياج عن الدراسه ,,,

لاكن شالفايده ,, دام الأم القوه اللي ممكن تغيرهم تثبطهم ..

جربنا نلم البنات ونصد عنهم ونسولف لوحدنا ,, قلت يمكن يحسو أنهم محتاجين للتغيير ,, لاكن ذبحني ظميري ما أقدر أجرحهم بهالشكل ,,وولله ما قصدت اجرحهم ,,

جربنا نحاول نرتب بيتهم ,, وحصل صد شديد ,, جربنا لمى يجو بيوتنا نرتب وننظف قدامهم .. لاكن المحاولات كلها فشلت ..


البنات كبرو .. والناس ماراح تتزوجهم ,,

حرام يعيشو كذى طول عمرهم ,, غير كذى حالتهم من سيء لأسوأ ماكانو كذى ,, كانو عالأقل يتكلمو عادي ,,,


يابنات ياما بكيييييييت عليهم ,,

وغير كذى وكذى باقي بنات العائله راح يكبرو ويتزوجو وراح تجي مناسبات والناس راح يشوفوهم ,,

كل الناس يقولو .. ليه هم كذى؟؟؟؟

وأسمع ناس تجرح فيهم ,,

والله الحيره ذبحتني ذبحتني ,,

أبي حل منكم ,, أرجوكم فكرو وياي وساعدوووووووووووووووووني ,,,,

والله مادري اختي ,,, البنات يفيدونك ان شاء الله,

ان شاء الله البنات رااح يفييدوونك
ادعييلهم في الصلاتك داائما
والله يجزااك خيير ياختي على حررصك علييهم

ما في الا المصارحه و الي يصير يصير
خليها تختلف معاج ولا تقعد طرشي ببيت اهلها !!!
او اكتبي لها رساله فيها ايات و احاديث عن النظافه و لا تكشفين عن اسمج

الله يعينكم ويعينهم حالتهم جدا صعبه بس وين أبووهم ماله ذكر بالقصه؟؟؟؟؟؟؟؟

هلا عمري
والله مشكله هذي العائله مشكله ... جلست و فكرت اكثر من مره بس ما قدرت الاقي الحل سوا الدعاء لله عز وجل لانك عملتي اللي عليكي جربتي تغيري فيهم بكل الطرق .. وانا ان شاء الله حفكر زياده عن حل ان شاء الله و باذن رب العالمين حلاقيلك حل

[GLOW="FF0000"]أختي
ليش ما تجربي تجيبون خدامة تعدل حالهم ولا ما عندي حل غيره[/GLOW]